మంగళగిరిలో కరాటే పోటీలు ప్రారంభం

By KUCHIPUDI BUJJIBABU· 2h ago· Chinakakani, Mangalagiri, Guntur

గుంటూరు జిల్లా మంగళగిరిలో జపాన్ స్టూడియో ఆధ్వర్యంలో కరాటే పోటీలు ప్రారంభమయ్యాయి. ఈ పోటీల్లో ఆంధ్రప్రదేశ్‌తో పాటు తెలంగాణ, కర్ణాటక రాష్ట్రాలకు చెందిన కరాటే క్రీడాకారులు పాల్గొంటున్నారు. వివిధ విభాగాల్లో చిన్నారులు, యువత ఉత్సాహంగా పోటీపడుతూ తమ ప్రతిభను ప్రదర్శిస్తున్నారు. కరాటే సాధనతో ఆత్మవిశ్వాసం, క్రమశిక్షణ, శారీరక దారుఢ్యం పెరుగుతాయని నిర్వాహకులు తెలిపారు. మూడు రాష్ట్రాల నుంచి క్రీడాకారులు తరలిరావడంతో పోటీలు ఆసక్తికరంగా సాగుతున్నాయని చెప్పారు.

More in Local

Local· 3m ago

తాండూరు MLA సమక్షంలో కాంగ్రెస్‌లో చేరికలు

వికారాబాద్ జిల్లా యాలాల్ మండలం ఎన్కేపల్లి గ్రామానికి చెందిన పలువురు BRS నాయకులు, కార్యకర్తలు కాంగ్రెస్ పార్టీలో చేరారు. హైదరాబాద్‌లో తాండూరు MLA బుయ్యని మనోహర్ రెడ్డి సమక్షంలో జరిగిన కార్యక్రమంలో వార్డు మెంబర్ యాదగిరితో పాటు రాజేందర్, రాములు, బాల్‌రాజ్, మహేందర్ తదితరులు కాంగ్రెస్ కండువాలు కప్పుకున్నారు. ఎమ్మెల్యే వారికి కండువాలు కప్పి పార్టీలోకి ఆహ్వానించారు. కాంగ్రెస్ పార్టీ బలోపేతానికి కృషి చేస్తూ ప్రజలకు అందుబాటులో ఉండాలని వారికి సూచించారు.

Local· 5m ago

స్పెషల్ ఎడ్యుకేటర్ పోస్ట్‌కు దరఖాస్తుల ఆహ్వానం

సిద్దిపేట జిల్లా బెజ్జంకి PM SHRI ఆదర్శ పాఠశాల, జూనియర్ కళాశాలలో గెస్ట్ స్పెషల్ ఎడ్యుకేటర్ పోస్టు భర్తీకి దరఖాస్తులు ఆహ్వానిస్తున్నట్లు ప్రిన్సిపాల్ ఖలీదా శిరీన్ తెలిపారు. B.Edతోపాటు స్పెషల్ ఎడ్యుకేషన్‌లో డిప్లొమా చేసిన అభ్యర్థులు ఈ పోస్టుకు అర్హులని పేర్కొన్నారు. ఎంపికైన వారికి నవంబర్ 2026నుంచి ఏప్రిల్ 2027వరకు తాత్కాలిక ప్రాతిపదికన నెలకు 16,500 వేతనం చెల్లించనున్నట్లు తెలిపారు. అక్టోబర్ 5నుంచి 9వరకు పాఠశాలలో దరఖాస్తులు అందజేయాలన్నారు.

Local· 8m ago

నీటి సమస్య రాకుండా ముందస్తు చర్యలు: సర్పంచ్

జగిత్యాల జిల్లా భీమారం మండలం లింగంపేటలో సర్పంచ్ సుప్రియ హరీష్ రెడ్డి ఆధ్వర్యంలో గ్రామ సభ నిర్వహించారు. ఈ సందర్భంగా సర్పంచ్ మాట్లాడుతూ.. రానున్న రోజుల్లో ఎల్‌నినో ప్రభావంతో ప్రజలకు నీటి సమస్యలు రాకుండా ముందస్తు చర్యలు తీసుకోవాలని సూచించారు. ప్రతి ఇంటి వద్ద ఇంకుడు గుంతలు, ఫార్మ్ పండ్స్ ఏర్పాటు చేసుకోవాలని, నీటిని వృథా చేయకుండా పొదుపుగా వినియోగించాలని కోరారు. VBG రామ్ జీ ద్వారా గ్రామంలో ఉన్న సమస్యలు గుర్తించి చర్యలు తీసుకుంటున్నట్లు తెలిపారు.

Local· 13m ago

MBBS సీటు సాధించిన శ్రీజకు మాజీ MLA సన్మానం

కామారెడ్డి జిల్లా రామారెడ్డి మండలం పోసానిపేట్ గ్రామానికి చెందిన BRS సీనియర్ నాయకుడు థ్యాంకరీ రాజేందర్ కుమార్తె థ్యాంకరీ శ్రీజ కామారెడ్డి ప్రభుత్వ మెడికల్ కాలేజీలో MBBS సీటు సాధించారు. ఈ సందర్భంగా ఎల్లారెడ్డి నియోజకవర్గ మాజీ MLA జాజాల సురేందర్ ఆమెను సన్మానించారు. కష్టపడి చదివి మెడికల్ సీటు సాధించిన శ్రీజ పట్టుదల, కృషి అభినందనీయమని ఆయన తెలిపారు. ఆమె విజయం పోసానిపేట్ గ్రామానికే కాకుండా కామారెడ్డి జిల్లాకే గర్వకారణమని చెప్పారు.