నెల్లూరులో రోడ్డు ప్రమాదం

By BK· 2h ago· నెల్లూరు

AP : నెల్లూరు జిల్లా కలువాయి మండలం వెంకటరామరాజుపేట దగ్గర నేషనల్ హైవేపై యాక్సిడెంట్ జరిగింది. బైక్‌పై వెళ్తున్న ఇద్దరు వ్యక్తులను వేగంగా వచ్చిన కారు ఢీకొట్టింది. ఈ ప్రమాదంలో అనంతసాగరం మండలం పాతదేవరాయపల్లికి చెందిన 47 ఏళ్ల షేక్ రసూల్ బాషా, 45 ఏళ్ల మణికల సుధాకర్ అక్కడికక్కడే ప్రాణాలు కోల్పోయారు. పోలీసులు కేస్ ఫైల్ చేసి ఎంక్వైరీ చేస్తున్నారు.

More in AP

AP· 26m ago

ఆంధ్ర బిట్టు.. కాంత్ గురించి మీకు తెలుసా

AP:నంద్యాల జిల్లా బెలుం గ్రామానికి చెందిన కాంత్‌, మధ్య ప్రదేశ్ బిట్టు కంటే ముందే తన ఐదుగురు ఫ్రెండ్స్ తో కలిసి ‘పూర్వ సంపద రక్షక సేన’ను ఏర్పాటు చేశారు. ఈ గ్రూప్ అందరూ కలిసి పురాతన బావులు, కోనేరులు, ఆలయాలను క్లీన్ చేస్తున్నారు. గ్రామస్థుల హెల్ప్ తో విరాళాలు సేకరించి ఈ పనులు చేస్తున్నారు. ఇప్పటివరకు ఆళ్లగడ్డ, బనగానపల్లి, అవుకు, కొలిమిగుండ్ల మండలాల్లో 15 పురాతన కట్టడాలను పునరుద్ధరించారు. వీరి సేవలను ప్రధాని మోదీ కూడా ‘మన్ కీ బాత్’లో ప్రశంసించారు.

AP· 3h ago

"సుప్రీంకోర్టుకు వెళ్తాం": చంద్రబాబు

AP: రిజర్వేషన్ల అంశంలో హైకోర్టు ఇచ్చిన తీర్పుపై అక్టోబర్ 2న సుప్రీంకోర్టుకు వెళ్తామన్నారు CM చంద్రబాబు. "1995లో స్థానిక సంస్థల్లో 34 శాతం రిజర్వేషన్లు ఇచ్చాం. BCలకు న్యాయం చేసే బాధ్యత తీసుకుంటాం" అని ఆయన తెలిపారు. స్థానిక సంస్థల ఎన్నికల్లో BCలకు 34% రిజర్వేషన్లు కల్పించేందుకు AP కూటమి ప్రభుత్వం జీవో 105, 1065లను జారీ చెయ్యగా.. హైకోర్టు కొట్టివేసింది. సుప్రీంకోర్టు నిర్దేశించిన 50% క్యాప్‌ని దాటి రిజర్వేషన్లు ఇవ్వడం రాజ్యాంగ విరుద్ధమని తెలిపింది.

AP· 3h ago

ఒంగోలు జాతి గిత్తల ప్రదర్శన

AP : ఒంగోలు మున్సిపాలిటీ 150 ఏళ్ల వేడుకల్లో భాగంగా మినీ స్టేడియంలో ఒంగోలు జాతి గిత్తల అందాల పోటీలు నిర్వహించారు. దాదాపు 200 ఎడ్లతో నగరంలో భారీ ర్యాలీ తీశారు. MLA దామచర్ల జనార్దన్‌‌రావు ఎడ్లబండి ఎక్కి ఈ ర్యాలీని స్టార్ట్ చేశారు. మంత్రి స్వామి, MP మాగుంట, కలెక్టర్ రాజాబాబుతో పాటు నాయకులు, రైతులు ఈ వేడుకలో పాల్గొన్నారు. జనం అందరూ రోడ్లకి ఇరువైపులా నిలబడి ఈ ప్రదర్శనను చాలా ఆసక్తిగా చూశారు.

AP· 4h ago

చెత్త సేకరణతో స్టూడెంట్స్ వరల్డ్ రికార్డు

AP: మంగళగిరి-తాడేపల్లి నగరపాలక సంస్థ (MTMC).. బుక్ ఆఫ్ వరల్డ్ రికార్డ్స్‌లో చేరింది. ‘మన ఊరు.. మన బాధ్యత’ కార్యక్రమం నిర్వహించగా.. 35,147 మంది గవర్నమెంట్, ప్రైవేట్ స్కూల్స్ స్టూడెంట్స్ పాల్గొన్నారు. ఒక్కరోజులో 75 వేల కేజీల పొడి చెత్తను సేకరించారు. బుక్ ఆఫ్ వరల్డ్ రికార్డ్స్‌ ప్రతినిధులు నిడమర్రులోని లీప్ హైస్కూల్ నుంచి, జూమ్ ద్వారా ప్రోగ్రాంని పరిశీలించి, రికార్డ్ కన్ఫామ్ చేశారు. MTMC అధికారులకు రికార్డు సర్టిఫికెట్ ఇచ్చారు.