ఐదేళ్లు DSC ఎందుకు వేయలేదు? బొత్సకు అచ్చెన్న ప్రశ్న

By Mahesh· 17 Aug 2026· AP

AP: మెగా DSCపై YSRCP నేత బొత్స సత్యనారాయణ చేసిన వ్యాఖ్యలకు మంత్రి అచ్చెన్నాయుడు శాసనమండలిలో ప్రశ్నలు వేశారు. విద్యాశాఖ మంత్రిగా ఉన్న సమయంలో ఐదేళ్లపాటు DSC ఎందుకు నిర్వహించలేదని బొత్సను ప్రశ్నించారు. DSC వేయాలని అప్పటి CM జగన్‌ను ఎందుకు కోరలేదని నిలదీశారు. దీంతో YSRCP MLCలు పోడియం వద్ద నిరసన విరమించారు. ఇదిలా ఉండగా, ఇటీవల అస్వస్థతకు గురైన మంత్రి ఆనం రామనారాయణరెడ్డిని అసెంబ్లీకి వచ్చిన సందర్భంగా కొందరు పరామర్శించారు.

More in AP

AP· 3h ago

గంజాయి దందా గుట్టురట్టు.. ముగ్గురు అరెస్ట్

AP: అనకాపల్లి జిల్లాలో గంజాయి అక్రమ రవాణా గుట్టును పోలీసులు ఛేదించారు. ఒడిశాలో కొనుగోలు చేసిన 600 KGల గంజాయిని తమిళనాడుకు తరలించేందుకు ప్రయత్నించగా పోలీసులు పట్టుకున్నారు. విశాఖ జైలులో పరిచయమైన పశ్చిమగోదావరి జిల్లాకు చెందిన మస్తాన్‌వలి, నర్సీపట్నానికి చెందిన మరోవ్యక్తి కలిసి అక్రమ రవాణాకు ప్లాన్ వేశారు. మల్కాన్‌గిరి నుంచి గంజాయిని చింతపల్లి వరకు తరలించి, తుని మీదుగా వ్యాన్‌లో తమిళనాడుకు తీసుకెళ్లాలని నిర్ణయించగా పోలీసులు పట్టుకున్నారు. మస్తాన్‌వలి, మదీనా, పాంగి రత్నాలను అరెస్ట్ చేశారు.

AP· 1d ago

‘Gen Z’పై ఫోకస్ చేయండి.. మంత్రులతో చంద్రబాబు

AP: వెలిగొండ, పోలవరం లెఫ్ట్ కెనాల్‌కు నీరు ఇవ్వడంపై CM చంద్రబాబు ఆనందం వ్యక్తం చేశారు. మంత్రి నిమ్మల రామానాయుడు, ఇంజినీరింగ్ అధికారులను అభినందించారు. మంత్రులంతా ప్రజల్లోకి వెళ్లి ప్రభుత్వం చేస్తున్న పనులను వివరించాలని అన్నారు. Gen Z సోషల్ మీడియాలో యాక్టివ్‌గా ఉందని, వారికి మన పనులను రీచ్ చేయాలని చెప్పారు. YSRCP చేస్తున్న ఫేక్ ప్రచారాన్ని గట్టిగా తిప్పికొట్టాలని మంత్రులకు సూచించారు. రాష్ట్రంలో ప్రాజెక్టులు పూర్తిచేసిన క్రెడిట్ కూటమి ప్రభుత్వానిదేనని తెలిపారు.

AP· 1d ago

కొత్త పింఛన్లు, లోకల్ ఎన్నికలపై లోకేశ్ ఫోకస్!

AP: TDP మంత్రులతో మంత్రి నారా లోకేశ్ బ్రేక్‌ఫాస్ట్ మీటింగ్ నిర్వహించారు. కొత్త పింఛన్లు, లోకల్ ఎలక్షన్స్ పై మాట్లాడారు. అర్హులైన వారికి అక్టోబర్ నుంచి ఫేజ్‌ల వారీగా కొత్త పింఛన్లు ఇవ్వాలని మంత్రులతో అన్నారు. పెండింగ్ అప్లికేషన్లను ఫాస్ట్‌గా క్లియర్ చేయాలని చెప్పారు. అక్టోబర్‌లోగా ఎన్నికల ప్రాసెస్ పూర్తి చేస్తామని, వాయిదా ఛాన్స్ లేదని క్లారిటీ ఇచ్చారు. ముందుగా మున్సిపల్, MPTC, ZPTC, చివరగా పంచాయతీ ఎన్నికలు ప్లాన్ చేస్తున్నట్లు తెలిపారు.

AP· 1d ago

IIT, NIT తరహాలో మౌలిక వసతులు: లోకేశ్

AP: రాష్ట్రంలో ఉన్నత విద్యను మరింత బలోపేతం చేసి విద్యార్థులకు మెరుగైన అవకాశాలు కల్పించడమే ప్రభుత్వ లక్ష్యమని మంత్రి నారా లోకేశ్ అన్నారు. పల్నాడు జిల్లా నరసరావుపేట మండలం కాకానిలోని JNTU ఇంజినీరింగ్‌ కళాశాలలో నూతన హాస్టళ్లను ఆయన ప్రారంభించారు. విద్యార్థులతో ముఖాముఖి నిర్వహించి వారి సందేహాలకు సమాధానాలు ఇచ్చారు. IITలు, NITల తరహాలో ఆధునిక మౌలిక వసతులు, ప్రయోగశాలలు, నైపుణ్య కేంద్రాలను అభివృద్ధి చేస్తున్నామని చెప్పారు. పరిశ్రమల అవసరాలకు అనుగుణంగా కరిక్యులమ్‌లో మార్పులు తీసుకురావాల్సిన అవసరం ఉందన్నారు.