వేలాలలో కమ్యూనిటీ కాంటాక్ట్ కార్యక్రమం

By DK· 4h ago

మంచిర్యాల జిల్లా జైపూర్ మండలం వేలాల గ్రామంలో జైపూర్ పోలీసులు కమ్యూనిటీ కాంటాక్ట్ కార్యక్రమం నిర్వహించి ప్రజలకు పలు అంశాలపై అవగాహన కల్పించారు. మహిళల భద్రత, సైబర్ మోసాల నివారణ, సోషల్ మీడియా భద్రత, ట్రాఫిక్ నిబంధనలు, డయల్-112 సేవలు, గంజాయి, ఇతర మాదకద్రవ్యాల నిర్మూలనపై వివరించారు. గ్రామంలోని ఇళ్లను, వాహనాలను తనిఖీ చేయగా సరైన ధ్రువపత్రాలు లేని 62 బైకులు, 5 ఆటోలు, ఒక కారు, ఒక ట్రాక్టర్‌ను స్వాధీనం చేసుకున్నారు. వినాయక చవితి ఉత్సవాలు, శోభాయాత్ర ప్రశాంతంగా జరిగేలా సహకరించాలని కోరారు.

More in Politics

Politics· 4h ago

హైదరాబాద్‌లో ముస్లింవాద సాహిత్య సదస్సు

ముస్లింవాద సాహిత్య సదస్సు సెప్టెంబర్ 19, 20న హైదరాబాద్‌.. కోఠి లోని శ్రీకృష్ణదేవరాయ తెలుగు భాషానిలయంలో జరుగుతుంది. తొలి సభ 19న ఉదయం 10 గంటలకు ప్రారంభమవుతుంది. ముఖ్య అతిథిగా ఖాదర్ మొహియుద్దీన్ హాజరవుతారు. సయ్యద్ ఖుర్రీద్ ఆహ్వానిస్తుండగా.. సైబాజి దీనికి అధ్యక్షత వహిస్తున్నారు. ఈ సదస్సులో ముస్లింవాద కవితలు, సంఘీభావ కవి సమ్మేళనం, పాటలు వినిపిస్తారు. దాక్టర్ నామోజు బాలాచారి, జాపాక సుభద్ర వంటి ప్రముఖులు పాల్గొంటారు. ఈ సదస్సు ముస్లిం సాహిత్యం, దేశభక్తి, సామాజిక అంశాలపై చర్చలకు వేదికగా నిలుస్తుంది.

Politics· 18h ago

ఇది విద్రోహ దినమే : మాస్ లైన్

నారాయణపేట జిల్లా ఊట్కూరు మండలం బిజ్వార్‌లోని శ్రామిక భవన్‌లో గురువారం CPI(ML) మాస్‌లైన్ ఆధ్వర్యంలో సమావేశం జరిగింది. ఈ సమావేశంలో మండల కార్యదర్శి సిద్దు మాట్లాడారు. సెప్టెంబర్ 17ను తెలంగాణ విద్రోహ దినంగా పాటించాలని ఆయన డిమాండ్ చేశారు. భూస్వామ్య, రాచరిక, వెట్టిచాకిరీ వ్యవస్థలకు వ్యతిరేకంగా భూమి, భుక్తి, విముక్తి కోసం తెలంగాణ రైతాంగ సాయుధ పోరాటం కొనసాగిందని పేర్కొన్నారు.

Politics· 18h ago

హామారా ప్రసాద్‌పై చర్యలు కోరి నిరసన

నిర్మల్ జిల్లా కుభీర్ మండలంలోని అంబేద్కర్ యువజన సంఘాలు గురువారం నిరసన కార్యక్రమం నిర్వహించాయి. భారత రాజ్యాంగ నిర్మాత డాక్టర్ బి.ఆర్.అంబేద్కర్‌పై సోషల్ మీడియా వేదికగా అనుచిత వ్యాఖ్యలు చేస్తూ కించపరిచే విధంగా పోస్టులు పెట్టిన హామారా ప్రసాద్‌పై చట్టపరమైన చర్యలు తీసుకోవాలని వారు డిమాండ్ చేశారు. ఈ నిరసన అనంతరం తహసీల్దార్ శ్రీదేవికి వినతిపత్రం సమర్పించారు.

Politics· 23h ago

మోదీ ప్రచారానికి 14 కోట్ల రూపాయలు

మోదీ గుజరాత్ CMగా బాధ్యతలు చేపట్టి 24 ఏళ్లు పూర్తైన సందర్భంగా నిర్వహించిన ‘వికాస్ సప్తాహ్’ ప్రచారం కోసం గుజరాత్ ప్రభుత్వం దాదాపు 14 కోట్ల రూపాయల ప్రజాధనాన్ని ఖర్చు చేసినట్లు ఓ వార్తా కథనం తెలిపింది. కాంగ్రెస్ ఎమ్మెల్యే జిగ్నేష్ మేవానీ అడిగిన ప్రశ్నకు ప్రభుత్వం ఇచ్చిన సమాధానంలో ఈ విషయం వెల్లడైంది. 2024లోనూ మోదీ ప్రజా జీవితంలో 23 ఏళ్లు పూర్తైన సందర్భంగా ప్రకటనల కోసం 8 కోట్ల 88 లక్షల రూపాయలు ఖర్చు చేసినట్లు RTI ద్వారా తెలిసింది.