ప్రకృతి వ్యవసాయంపై రైతులకు అవగాహన

By rajinikanth nagilla· 1d ago· Hanumakonda

TG: హనుమకొండ జిల్లా భీమదేవరపల్లి మండలం కొత్తపల్లి రైతు వేదికలో ప్రకృతి వ్యవసాయంపై అవగాహన కార్యక్రమం నిర్వహించారు. ఈ సందర్భంగా కొత్తపల్లి ఏఈఓ క్రిసోలైట్‌ మాట్లాడుతూ.. ప్రకృతి వ్యవసాయం ద్వారా నేల ఆరోగ్యాన్ని కాపాడుకోవచ్చని తెలిపారు. రైతులు రసాయన ఎరువుల వినియోగాన్ని తగ్గించి ప్రకృతి వ్యవసాయం వైపు దృష్టి సారించాలని సూచించారు. ప్రకృతి వ్యవసాయంలో ఉపయోగించే కషాయాలు, బీజామృతం, జీవామృతం, ఘనజీవామృతం, బ్రహ్మాస్త్రం, అగ్నాస్త్రం, దశపర్ణి తయారీ విధానాలపై రైతులకు వీడియోల ద్వారా అవగాహన కల్పించారు.

More in Local

Local· 4h ago

కరెంట్ కోసం చీకట్లో కొవ్వొత్తులతో రాస్తారోకో

TG: కరెంట్ కోతలతో విసిగిపోయిన మహబూబాబాద్ జిల్లా మునిగలవీడు గ్రామస్తులు చీకట్లో కొవ్వొత్తులతో రాస్తారోకో చేపట్టారు. శుక్రవారం రాత్రి మహబూబాబాద్–తొర్రూరు రహదారిపై విద్యుత్ సబ్‌స్టేషన్ ఎదుట ఆందోళన నిర్వహించడంతో వాహనాలు నిలిచిపోయాయి. ప్రభుత్వం కరెంట్ కోతలు లేవని చెబుతున్నా రోజులో పలుమార్లు విద్యుత్ సరఫరా నిలిపివేస్తున్నారని గ్రామస్తులు ఆరోపించారు. సాయంత్రం, రాత్రి వేళల్లో కోతలు ఎత్తివేయాలని డిమాండ్ చేశారు. పోలీసులు అధికారులతో మాట్లాడి విద్యుత్ సరఫరా పునరుద్ధరిస్తామని హామీ ఇవ్వడంతో ఆందోళన విరమించారు.

Local· 5h ago

VHP ఆధ్వర్యంలో ఘనంగా శ్రీకృష్ణాష్టమి వేడుకలు

AP: అనంతపురం జిల్లా గుత్తి పట్టణంలోని బీసీ కాలనీలో విశ్వహిందూ పరిషత్ స్థాపన దివస్ మహోత్సవాలు ఘనంగా నిర్వహించారు. శ్రీకృష్ణాష్టమి సందర్భంగా చిన్నారులతో భగవద్గీత శ్లోకాలు చెప్పించారు. హిందూ సంస్కృతి, సంప్రదాయాలను కాపాడుకోవాల్సిన బాధ్యత ప్రతి ఒక్కరిపై ఉందని నిర్వాహకులు తెలిపారు. శ్లోకాలు చెప్పిన చిన్నారులకు బహుమతులు అందజేశారు. కార్యక్రమంలో VHP అనంతపురం జిల్లా ప్రధాన కార్యదర్శి విశ్వనాథ్, ఆధ్యాత్మిక గురువు జయ రంగారెడ్డి, BJP నాయకులు వెంకప్ప, తదితరులు పాల్గొన్నారు.

Local· 5h ago

పార్టీ బలోపేతమే లక్ష్యంగా కార్యాచరణ

AP: పల్నాడు జిల్లా పిడుగురాళ్లలో టీడీపీ క్యాడర్ సమావేశం నిర్వహించారు. ఆర్ అండ్ బి బంగ్లాలో జరిగిన సమావేశంలో నరసరావుపేట పార్లమెంటు సభ్యులు లావు శ్రీకృష్ణ దేవరాయలు, గురజాల ఎమ్మెల్యే యరపతినేని శ్రీనివాసరావు, TTD బోర్డు సభ్యులు జంగా కృష్ణమూర్తి పాల్గొన్నారు. టౌన్ పార్టీ అధ్యక్షులు, క్లస్టర్ ఇంచార్జ్‌లు, యూనిట్ ఇంచార్జ్‌లు, బూత్ కన్వీనర్లు, ముఖ్య నాయకులతో పార్టీ బలోపేతంపై చర్చించారు. గురజాల నియోజకవర్గంలో ప్రస్తుతం కొనసాగుతున్న అభివృద్ధి పనులు, భవిష్యత్‌లో చేపట్టాల్సిన పనులపై నాయకులు సమీక్షించారు.

Local· 5h ago

దాడి చేసిన వారిని కఠినంగా శిక్షించాలి: KVPS

TG: వికారాబాద్ జిల్లా కొండాపూర్ గ్రామంలో విధి నిర్వహణలో ఉన్న గ్రామపంచాయతీ ఖారోబార్, దళిత వర్గానికి చెందిన శ్రీనివాస్‌పై జరిగిన భౌతిక దాడిని KVPS తీవ్రంగా ఖండించింది. కులం పేరుతో దూషించి దాడికి పాల్పడిన నిందితులను వెంటనే అరెస్ట్ చేసి కఠినంగా శిక్షించాలని KVPS బషీరాబాద్ మండల అధ్యక్షుడు కే. వెంకట్ డిమాండ్ చేశారు. బాధితుడికి న్యాయం జరిగే వరకు పోరాటం కొనసాగిస్తామని తెలిపారు. ఘటనపై పోలీసులు సమగ్రంగా దర్యాప్తు చేసి బాధ్యులపై కఠిన చర్యలు తీసుకోవాలని కోరారు.