పిడుగుపడి రైతు మృతి

By chandrashekar· 16h ago· Khammam

TG : ఖమ్మం జిల్లా వేంసూరు మండలం లచ్చన్నగూడెంలో దారుణం జరిగింది. పొలం పనులకు వెళ్లిన పర్స ఆనందరావు (52) పిడుగుపడి చనిపోయారు. వర్షం, ఉరుముల సమయంలో పిడుగు పడటంతో తీవ్రంగా గాయపడ్డారు. సత్తుపల్లి గవర్నమెంట్ హాస్పిటల్‌కు తరలించగా ఆయన అప్పటికే చనిపోయినట్లు డాక్టర్లు చెప్పారు. మృతుడికి భార్య, ముగ్గురు కూతుళ్లు ఉన్నారు. బాధిత కుటుంబాన్ని గవర్నమెంట్ ఆదుకోవాలని ఊరి ప్రజలు కోరుతున్నారు.

More in TG

TG· 35m ago

భారీగా రద్దయిన పాత నోట్లు పట్టివేత

TG: హన్మకొండ జిల్లా కాజీపేట చౌరస్తాలో వాహన తనిఖీల సందర్భంగా రద్దు చేసిన పాత రూ.500, రూ. 1,000 నోట్లను (రూ.1,38,50,000) అక్రమంగా చలామణి చేసేందుకు యత్నించిన 8 మందిని పోలీసులు అరెస్టు చేశారు. వారి నుంచి పాత కరెన్సీ, రూ. 6 వేల చెల్లుబాటు నగదు, 10 ఫోన్లు, కారును స్వాధీనం చేసుకున్నారు. ప్రజలను మోసం చేసి అసలు కరెన్సీ పొందేందుకు యత్నించినట్లు కాజీపేట ఏసిపి ప్రశాంత్రెడ్డి వెల్లడించారు. సీఐ జక్కుల శ్యామసుందర్ తదితరులు ఉన్నారు.

TG· 1h ago

వరంగల్ ఎయిర్‌పోర్టు పేరుపై SMలో చర్చ

వరంగల్ ఎయిర్‌పోర్ట్‌కు డైరెక్టర్ సందీప్ రెడ్డి వంగా 'రుద్రమ' లేదా 'కాకతీయ' అంతర్జాతీయ విమానాశ్రయం అని పేర్లు సూచించాడు. నెటిజన్లు దీనికి భిన్నంగా స్పందిస్తూ.. 'భద్రకాళి' ఎందుకు పెట్టకూడదని ప్రశ్నిస్తున్నారు. వీటితో పాటు 'సమ్మక్క సారక్క', 'ప్రతాపరుద్ర', 'ఓరుగల్లు', 'రుద్రేశ్వర', 'ఏకశిల'.. ఇలా స్థానికత ఉట్టిపడేలా పలు పేర్లను సూచిస్తూ కామెంట్స్ చేస్తున్నారు.

TG· 4h ago

పెళ్లి పేరుతో వేధింపులు.. సౌరవ్ గుజ్జర్‌పై కేసు

TG: గచ్చిబౌలిలో యాక్టర్, రెజ్లర్ సౌరవ్ గుజ్జర్‌పై కేసు నమోదైంది. పెళ్లి చేసుకుంటానని నమ్మించి ఫిజికల్‌గా, మెంటల్‌గా వేధించాడని ఓ యువతి ఆగస్టు 15న పోలీసులకు ఫిర్యాదు చేసింది. 2021లో ఇన్‌స్టాగ్రామ్‌లో పరిచయమైన ఇద్దరూ సన్నిహితంగా ఉన్నట్లు ఫిర్యాదులో పేర్కొంది. పెళ్లి, వ్యాపారం పేరుతో ఉద్యోగం మానేసి వచ్చినట్లు తెలిపింది. గచ్చిబౌలి పోలీసులు కేసు నమోదు చేసి ముంబై ఎయిర్‌పోర్టులో సౌరవ్‌ను అదుపులోకి తీసుకున్నారు.

TG· 15h ago

రాత్రి 10 తర్వాత డిన్నర్.. అనారోగ్యమే!

TG: హైదరాబాద్‌లో 64 శాతం మంది ఉద్యోగులు రాత్రి 10 గంటల తర్వాతే డిన్నర్‌ చేస్తున్నట్లు బ్లూసెమీకి చెందిన ఐవా వెల్‌నెస్‌ ట్రాకర్‌ డేటా వెల్లడించింది. దేశవ్యాప్తంగా 54 శాతం మంది లేటుగా తింటున్నట్లు 30 వేల మంది నుంచి సేకరించిన 35 లక్షల రీడింగ్స్‌లో గుర్తించారు. నిద్రకు ముందు 40 శాతం మంది టీ, కాఫీలు తాగుతున్నట్లు తేలింది. ఆలస్యంగా తినడం గ్లూకోజ్‌ స్థాయిలపై ప్రభావం చూపుతుందని ఈ స్టడీ తెలిపింది. డిన్నర్‌ త్వరగా ముగించడం, భోజనం తర్వాత నడక, రోజూ 30 నిమిషాల వ్యాయామం ఆరోగ్యానికి మేలు చేస్తాయని పేర్కొంది.