చైన్ స్నాచింగ్‌లపై అవగాహన

By MADDIMANENI PRASANNAKUMAR· 2h ago· Gooty Rs, Gooty, Ananthapuramu

AP: అనంతపురం జిల్లా గుత్తి పట్టణంలోని ఎమ్మెస్ జూనియర్ కళాశాల గ్రౌండ్‌లో వాకర్స్‌కు చైన్ స్నాచింగ్‌లు, దొంగతనాలపై పోలీసులు అవగాహన కల్పించారు. గుత్తి సీఐ రామారావు ఆదేశాల మేరకు ఎస్సైలు సురేష్, అమీర్ ఖాన్ ఆధ్వర్యంలో హెడ్ కానిస్టేబుల్ హనుమంతప్ప ఈ కార్యక్రమం నిర్వహించారు. మహిళలు, వృద్ధులు, ఒంటరిగా ప్రయాణించే వారు అప్రమత్తంగా ఉండాలని సూచించారు. బయటకు వెళ్లేటప్పుడు ఖరీదైన బంగారు ఆభరణాలను బహిరంగంగా ధరించవద్దని, ద్విచక్ర వాహనాలపై వెనుక నుంచి వచ్చే వ్యక్తుల పట్ల జాగ్రత్తగా ఉండాలని తెలిపారు.

More in Local

▶

Local· just now

రోడ్డు కోసం గ్రామస్తులే రంగంలోకి

AP: అల్లూరి సీతారామరాజు జిల్లా పెదబయలు మండలం గోమంగి పంచాయతీ బోయరాజులు గ్రామంలో రహదారి సమస్యను అధికారులు, ప్రజాప్రతినిధులు పట్టించుకోకపోవడంతో గ్రామస్తులే రంగంలోకి దిగారు. రహదారి అధ్వానంగా మారి నిత్యం ఇబ్బందులు పడుతున్నా ఎన్నిసార్లు విన్నవించినా పరిష్కారం లభించలేదని గ్రామస్తులు తెలిపారు. దీంతో ఏకమై పారలు, గడ్డపారలు చేతబట్టి స్వచ్ఛందంగా శ్రమదానం చేపట్టారు. రోడ్డుపై ఉన్న రాళ్లను తొలగిస్తూ, మట్టిని చదును చేస్తూ రాకపోకలకు అనువుగా మార్చుకుంటున్నారు.

Local· 14m ago

అక్కన్నపేటలో బీజేపీ నేతల అరెస్ట్

TG: ఫీజు రీయింబర్స్‌మెంట్ బకాయిలను వెంటనే విడుదల చేయాలని డిమాండ్ చేస్తూ హైదరాబాద్‌లో అసెంబ్లీ ముట్టడికి వెళ్తున్న సిద్దిపేట జిల్లా అక్కన్నపేట బీజేపీ నాయకులను పోలీసులు అరెస్టు చేశారు. తెలంగాణ BJYM ఆధ్వర్యంలో చేపట్టిన కార్యక్రమానికి తరలివెళ్తున్న నాయకులను అక్కన్నపేట పోలీసులు అదుపులోకి తీసుకున్నారు. ఈ సందర్భంగా నాయకులు మాట్లాడుతూ.. ప్రజల తరఫున ప్రశ్నించే గొంతును అణచివేయడం ప్రజాస్వామ్యాన్ని అవమానించడమేనన్నారు. ఫీజు రీయింబర్స్‌మెంట్ బకాయిలను తక్షణమే విడుదల చేయాలని ప్రభుత్వాన్ని డిమాండ్ చేశారు.

Local· 28m ago

అర్ధరాత్రి పబ్‌లో గొడవ: MP బ్రదర్‌పై కేసు

హైదరాబాద్ జూబ్లీహిల్స్ దాసపల్లాలోని 'కారా కారా' పబ్‌లో అర్ధరాత్రి ఇరువర్గాల మధ్య గొడవ జరిగింది. టేబుల్ బుకింగ్‌పై వసీమ్ ఖాన్, మరో గ్రూప్ మధ్య గొడవ స్టార్ట్ అయింది. ఇందులో కాంగ్రెస్ MP అనిల్ కుమార్ యాదవ్ బ్రదర్ అరవింద్ ఉన్నట్లు తెలుస్తోంది. ఇరువర్గాలు చైర్స్, బీర్ బాటిల్స్‌తో ఎటాక్ చేసుకోవడంతో పలువురికి గాయాలయ్యాయి. పబ్ ఫర్నిచర్, వెహికల్స్ డ్యామేజ్ అయ్యాయి. పోలీసులు స్పాట్‌కు చేరుకుని CCTV ఫుటేజ్ చెక్ చేస్తున్నారు. టైమ్ దాటాక పబ్ రన్ చేసిన మేనేజ్‌మెంట్‌పై కేసుతో సహా మొత్తం 3 కేసులు బుక్ చేశారు.

Local· 32m ago

వేధింపులపై పాదయాత్రకు దిగిన చంద్రారెడ్డి

TG: జనగామ జిల్లా జఫర్‌గఢ్ మండలం రఘునాథపల్లి గ్రామానికి చెందిన బొమ్మినేని చంద్రారెడ్డి తనకు జరుగుతున్న అన్యాయం, వేధింపులపై అధికారులు స్పందించి న్యాయం చేయాలని పాదయాత్ర చేపట్టారు. చేతిలో ‘పాదయాత్ర.. న్యాయం చేయండి’ అనే ప్లకార్డు పట్టుకుని తన సమస్యను అధికారుల దృష్టికి తీసుకెళ్లారు. గ్రామ మాజీ సర్పంచ్ పెద్దిరెడ్డి, ఆయన అనుచరులు తనను మానసికంగా వేధిస్తున్నారని చంద్రారెడ్డి ఆరోపించారు. పలుమార్లు పోలీసులకు ఫిర్యాదు చేసినప్పటికీ, రాజకీయ పలుకుబడితో కేసులు నమోదు కాకుండా తప్పించుకుంటున్నారన్నారు.