టెట్‌కు వ్యతిరేకంగా యూటీఎఫ్ పోరుబాట

By Varshith Nivedith· 26 Aug 2026

AP TETను రద్దు చేయాలని డిమాండ్ చేస్తూ ఆంధ్రప్రదేశ్ ఐక్య ఉపాధ్యాయ ఫెడరేషన్ (యూటీఎఫ్) ఆధ్వర్యంలో నిరసన చేపట్టారు. సూళ్లూరుపేట, తడ, దొరవారిసత్రం మండల శాఖల ఆధ్వర్యంలో తిరుపతి జిల్లా సూళ్లూరుపేట తహసీల్దార్ కార్యాలయం ఎదుట ఆందోళన నిర్వహించారు. ఈ సందర్భంగా యూటీఎఫ్ నాయకులు మాట్లాడుతూ.. ఉపాధ్యాయులపై అదనపు పరీక్షల భారం మోపడం సరికాదని పేర్కొన్నారు. ఏపీ టెట్‌ విషయంలో ప్రభుత్వం పునరాలోచించి ఉపాధ్యాయులకు ఇబ్బందులు కలగకుండా నిర్ణయం తీసుకోవాలని డిమాండ్ చేశారు.

More in Local

Local· 21m ago

దాచేపల్లిలో రౌడీషీటర్లకు కౌన్సిలింగ్

AP: పల్నాడు జిల్లా దాచేపల్లి పోలీస్ స్టేషన్‌లో మండల పరిధిలోని రౌడీషీటర్లకు సీఐ ఖాజావలి ఆధ్వర్యంలో కౌన్సిలింగ్ నిర్వహించారు. రౌడీషీటర్ల ప్రవర్తన, కదలికలపై పోలీసులు ప్రత్యేక దృష్టి సారించారు. ఎలాంటి అసాంఘిక కార్యకలాపాలకు పాల్పడకుండా చట్టాన్ని గౌరవించాలని సీఐ సూచించారు. గ్రామాల్లో శాంతిభద్రతలకు విఘాతం కలిగించే గొడవలు, వివాదాలు, అక్రమ కార్యకలాపాలకు దూరంగా ఉండాలని హెచ్చరించారు. యువతను చెడు మార్గాల్లోకి తీసుకెళ్లే చర్యలకు పాల్పడితే కఠిన చర్యలు తప్పవని స్పష్టం చేశారు.

Local· 25m ago

రెసిడెన్షియల్ పాఠశాలలో కలెక్టర్ ఆకస్మిక తనిఖీ

TG: వరంగల్ జిల్లా నెక్కొండలోని తెలంగాణ రెసిడెన్షియల్ స్కూల్ అండ్ జూనియర్ కళాశాలను కలెక్టర్ సత్య శారద ఆదివారం ఆకస్మికంగా తనిఖీ చేశారు. విద్యార్థులకు అందుతున్న విద్యా సదుపాయాలు, బోధనా విధానం, వసతి సౌకర్యాలను పరిశీలించారు. విద్యార్థులతో మాట్లాడి చదువు, వసతి, భోజనం తదితర అంశాలపై వివరాలు తెలుసుకున్నారు. విద్యార్థులకు నాణ్యమైన విద్యతో పాటు మెరుగైన వసతి సౌకర్యాలు అందేలా అధికారులు చర్యలు తీసుకోవాలని కలెక్టర్ సూచించారు. పాఠశాల, కళాశాలలోని సౌకర్యాలపై సంబంధిత అధికారులను వివరాలు అడిగి తెలుసుకున్నారు.

Local· 48m ago

బీఆర్ఎస్ బాకీ కార్డుల పంపిణీ

ఒకవైపు కాంగ్రెస్ రేషన్ కార్డులను పంపిణీ చేస్తుంటే, ఎన్నికలలో కాంగ్రెస్ బాకీ పడ్డ హామీలకు సంబంధించిన కార్డులను మాజీ ఎమ్మెల్యే అంజయ్య యాదవ్ పంపిణీ చేశారు. నందిగామ మండలంలో వివిధ గ్రామాలలో బీఆర్ఎస్ ఆందోళనలో భాగంగా ఈ కార్యక్రమాన్ని నిర్వహించారు. మాజీ ఎమ్మెల్యే మాట్లాడుతూ కాంగ్రెస్ ప్రభుత్వం హామీలను ఇచ్చి అధికారంలోకి వచ్చిందని, వాటిని నెరవేర్చేదాక ప్రజలు తమకు మద్దతుగా పోరాటం చేయాలని పిలుపునిచ్చారు. పార్టీ సీనియర్ నేత వి.నారాయణరెడ్డి పాల్గొన్నారు.

Local· 50m ago

అరకులోయలో 28 డిగ్రీల ఉష్ణోగ్రత

ఎల్ నినో బలపడటంతో అరకులోయలో మధ్యాహ్నం 28 డిగ్రీల ఉష్ణోగ్రత నమోదైంది. ఎండ తీవ్రతతో పర్యాటకులు, స్థానికులు నీడను ఆశ్రయిస్తున్నారు. వర్షాలు లేకపోవడంతో గిరిజన ప్రాంతాల్లో వరి పంట విస్తీర్ణం తగ్గింది. నీరు లేక రైతులు పంటపై ఆశలు వదులుకున్నారు. IMD ప్రకారం రాబోయే 2-3 రోజులు వేడి కొనసాగే అవకాశం ఉంది.