అలయ్ బలయ్‌కి.. ఏర్పాట్లు షురూ

By Prashanth· 3h ago

TG: దసరా సందర్భంగా ఈనెల 22న హైదరాబాద్ నాంపల్లి ఎగ్జిబిషన్ గ్రౌండ్‌లో 22వ అలయ్ బలయ్ కార్యక్రమం నిర్వహించనున్నారు. ఈ మేరకు ఏర్పాట్లు చేస్తున్నట్లు మాజీ గవర్నర్ బండారు దత్తాత్రేయ తెలిపారు. అలయ్ బలయ్ చైర్‌పర్సన్ బండారు విజయలక్ష్మి ఆధ్వర్యంలో ఏర్పాట్లపై సమీక్ష నిర్వహించారు. ఈ కార్యక్రమానికి కేంద్ర రక్షణ మంత్రి రాజ్‌నాథ్ సింగ్, తెలంగాణ సీఎం రేవంత్ రెడ్డి, ఏపీ సీఎం చంద్రబాబు నాయుడుతో సహా మరికొంత ప్రముఖులు అటెండ్ అవుతారని తెలిపారు.

More in TG

TG· 3m ago

మద్యం ధరలకు రెక్కలు..

తెలంగాణలో కొన్ని చేసిన విదేశీ మద్యం బ్రాండ్ల MRP ధరలను సవరించారు. దీంతో 750ml Dom Perignon Rose Champagne బాటిల్‌ ధర ₹1,08,200 నుంచి ₹1,16,560కు పెరిగింది. అంటే ఒక్కో బాటిల్‌పై ₹8,360 పెరిగింది. Moet Ice Champagne ధర ₹15,400 నుంచి ₹18,870కు, Brut Imperial Champagne ధర ₹11,650 నుంచి ₹14,270కు చేరింది. మరికొన్ని ఎంపిక చేసిన వోడ్కా, జిన్‌, స్కాచ్‌ విస్కీ, సింగిల్‌ మాల్ట్‌ విస్కీ, టెకిలా, వైన్‌ బ్రాండ్ల ధరలు కూడా ₹170 నుంచి ₹960 వరకు పెరిగాయి.

TG· 32m ago

NIMSలో OP టైమింగ్స్ పెంపు..

TG: హైదరాబాద్‌ NIMS హాస్పిటల్‌లో OP రిజిస్ట్రేషన్ల టైం మధ్యాహ్నం 2 గంటల వరకు పొడిగించారు. గతంలో ఉదయం 8 నుంచి 11 గంటల వరకే రిజిస్ట్రేషన్లు జరిగేవి. ఈ నిర్ణయంతో దూరప్రాంతాల నుంచి వచ్చే పేషంట్స్‌కి ప్రయోజనం కలగనుంది. MRI కాకుండా ఇతర మెడికల్ టెస్టులు అదే రోజు టెస్ట్ చేసి, ఒకటి రెండు గంటల్లోనే రిపోర్టులు అందించేలా చర్యలు తీసుకుంటున్నారు. దీంతో పేషంట్స్‌ అదే రోజు డాక్టర్‌లను సంప్రదించి చికిత్స పొందవచ్చు. డాక్టర్లు సాయంత్రం వరకు అందుబాటులో ఉండనున్నారు.

TG· 1h ago

కొత్త ఓటరు కార్డు కోసం స్పెషల్ క్యాంపులు

TG: తెలంగాణలో ఓటర్ల జాబితాలో కొత్త పేర్ల నమోదు, తప్పుల సవరణ కోసం ఎలక్షన్ కమిషన్ స్పెషల్ క్యాంప్ ఏర్పాటు చేసింది. ఇవాళ, రేపు రాష్ట్రంలోని అన్ని పోలింగ్ కేంద్రాల్లో బూత్ స్థాయి అధికారులు (BLOలు) అందుబాటులో ఉంటారు. 18 ఏళ్లు నిండిన యువత, అర్హులైన పౌరులు ఫారం-6 ద్వారా కొత్తగా ఓటు నమోదు చేసుకోవచ్చు. ఓటరు లిస్ట్‌లొ నేమ్, అడ్రస్ వంటి డీటైల్స్ తప్పులు ఉన్నవారు కూడా సరిచేసుకునే అవకాశం ఉంది.

TG· 2h ago

నిర్లక్ష్యం చేస్తే సస్పెన్షన్.. అధికారులకు సీఎం హెచ్చరిక!

తెలంగాణలో కరెంటు కోతలపై సీఎం రేవంత్ రెడ్డి అధికారులపై ఆగ్రహం వ్యక్తం చేశారు. పంటలు చేతికొచ్చే వరకు కరెంటు కోతలు లేకుండా చూడాలని ఆదేశించారు. వచ్చే 20 రోజులు పంటలకు చాలా కీలకమని, విద్యుత్ ఉత్పత్తి పెంచాలని స్పష్టం చేశారు. రోజుకో కారణం చెప్పొద్దని హెచ్చరించారు. ఎల్‌నినో ప్రభావంతో తాగునీరు, పశుగ్రాసం కొరత రాకుండా జూన్ వరకు ప్రణాళిక సిద్ధం చేయాలని సూచించారు. నిర్లక్ష్యం చేస్తే ఉన్నతాధికారులను సస్పెండ్ చేస్తామని హెచ్చరించారు.