D.K. శివకుమార్‌కు అవమానం?

By A.Ajay· 2h ago

ఢిల్లీలో ఇండియా కూటమి నిరసన ర్యాలీలో కర్ణాటక ముఖ్యమంత్రి D.K శివకుమార్‌కు ఎదురైన పరిస్థితి రాజకీయంగా చర్చకు దారితీసింది. రద్దీ మధ్య రాహుల్ గాంధీ ఆయనను వెనక్కి లాగినట్లు, ఆ తర్వాత రాహుల్ భద్రతా సిబ్బంది, కార్యకర్తల మధ్య తోపులాటలో D.K. ఇబ్బంది పడినట్లు వీడియోలో కనిపించింది. ఈ ఘటనపై కర్ణాటక BJP అధ్యక్షుడు B.Y. విజయేంద్ర స్పందిస్తూ, ఇది కన్నడ ప్రజల గౌరవానికి అవమానమని విమర్శించారు. అయితే, ర్యాలీలో తీవ్ర రద్దీ కారణంగా ఈ పరిస్థితి ఏర్పడిందని కాంగ్రెస్ వర్గాలు చెబుతున్నాయి.

More in National

National· 8m ago

పోలీసులా.. అమిత్ షా మాట వినే కిడ్నాపర్లా?: దీప్కే

ఢిల్లీలో CJP నేతల ముందస్తు అరెస్టులు, పోలీసుల తీరుపై విమర్శలు వస్తున్నాయి. వాళ్లను చట్టవిరుద్ధంగా ముందస్తు నిర్బంధంలో ఉంచడంపై మద్దతుదారులు, ఆ పార్టీ ప్రతినిధులు మండిపడుతున్నారు. "ఢిల్లీ పోలీసులు శాంతిభద్రతలు కాపాడే విభాగంలా కాకుండా, అమిత్ షా ఆదేశాలతో కిడ్నాప్‌లు చేసే ముఠాలా వ్యవహరిస్తున్నారు" అని CJP ఫౌండర్ అభిజీత్ దీప్కే తన ఎక్స్ అకౌంట్‌లో పోస్ట్ చేశారు. ఎక్కడ పోలీసులు అడ్డుకుంటే, అక్కడే తమ జంతర్ మంతర్ నిర్మిస్తామని ఆయన వివరించారు.

National· 28m ago

కేంద్ర పదవికి ఎల్.మురుగన్ రాజీనామా

కేంద్ర సహాయ మంత్రి (సమాచార ప్రసార శాఖ), రాజ్యసభ ఎంపీ ఎల్.మురుగన్ తన పదవులకు రాజీనామా చేశారు. ప్రధాని నరేంద్ర మోదీకి లేఖ రాసి రాజీనామా ఇచ్చారు. తమిళనాడులో BJPని బలోపేతం చేయడానికి పూర్తి టైం కేటాయించాలనే ఉద్దేశంతోనే ఈ నిర్ణయం తీసుకున్నట్లు ఆయన చెప్పారు. రాబోయే 2029 లోక్‌సభ ఎన్నికలను దృష్టిలో ఉంచుకుని, పార్టీని క్షేత్రస్థాయి నుంచి బలోపేతం చేసేందుకు కృషి చేస్తానని ఆయన వెల్లడించారు.

▶

National· 57m ago

వేర్వేరు ఉద్యమాలు లేవు: రాహుల్ గాంధీ

ప్రజాస్వామ్యాన్ని పునరుద్ధరించడమే లక్ష్యంగా సాగుతున్న పోరాటంలో వేర్వేరు ఉద్యమాలు లేవని ప్రతిపక్ష నాయకుడు రాహుల్ గాంధీ క్లారిటీ ఇచ్చారు. ప్రస్తుత పాలనలో రాజ్యాంగం ధ్వంసమైందని, ఎన్నికల వ్యవస్థను పూర్తిగా నీరుగార్చారని మండిపడ్డారు. మీడియాతో ఆయన మాట్లాడుతూ జంతర్‌మంతర్ దగ్గర ఆందోళనలను నిషేధించడాన్ని సవాల్ చేస్తామని అన్నారు. ఈ విధానాలపై న్యాయపోరాటం చేస్తామని చెప్పారు. ఈ కుట్రకు ప్రధాన సూత్రధారి మోదీ అయితే, అమలుచేస్తున్న వ్యక్తి అమిత్ షా అని వివరించారు.

National· 58m ago

ఇండియాలో స్టార్‌లింక్ సేవలు వద్దంటున్న RSS అనుబంధ సంస్థ!

ఎలాన్ మస్క్‌కు చెందిన స్టార్‌లింక్‌కు ఇండియాలో శాటిలైట్ ఇంటర్నెట్ సేవలు స్టార్ట్ చేసేందుకు అనుమతులు ఇవ్వొద్దని RSS అనుబంధ సంస్థ స్వదేశీ జాగరణ్ మంచ్ (SJM) కేంద్రాన్ని కోరింది. స్టార్‌లింక్ వల్ల దేశ భద్రత, డేటా ప్రైవసీ విషయంలో ఇబ్బందులు రావొచ్చని ఆందోళన వ్యక్తం చేసింది. ఎమర్జెన్సీ టైమ్‌లో ఇంటర్నెట్‌ను కంట్రోల్ చేయడం, దేశ డేటాను సేఫ్‌గా ఉంచడం కష్టమవ్వొచ్చని తెలిపింది. అందుకే అనుమతులు ఇవ్వొద్దని డిమాండ్ చేసింది.