వరద బాధితులకు సాయం అందించాలి: రవిబాబు

By B V Appalanaidu· 1d ago· Yandapallivalasa, Araku Valley, Alluri Sitharama Raju

అల్లూరి సీతారామరాజు జిల్లాలో భారీ వర్షాలు, వరదలతో దెబ్బతిన్న రహదారులు, వంతెనలు, ఇళ్లు, పంటలపై సమగ్ర సర్వే చేపట్టాలని ఎమ్మెల్సీ డా. కుంభా రవిబాబు కలెక్టర్‌ను కోరారు. ఈ మేరకు ఆయన లేఖ రాశారు. మారుమూల గిరిజన గ్రామాల్లో రాకపోకలు నిలిచిపోవడంతో పాటు నిత్యావసర సరుకుల సరఫరా, వైద్య సేవలకు అంతరాయం ఏర్పడిందని తెలిపారు. వరదల కారణంగా దెబ్బతిన్న మౌలిక వసతులను త్వరగా పునరుద్ధరించాలని సూచించారు. నష్టపోయిన కుటుంబాలను గుర్తించి తక్షణ సహాయం అందించాలని కోరారు.

More in Local

Local· 24m ago

అంగన్వాడీ ఉత్సవాల్లో పోషకాహారంపై అవగాహన

కర్నూలు జిల్లా గూడూరు మండలం తిరువెంగళాయపల్లి అరుంధతివాడలో అంగన్వాడీ ఉత్సవాలు నిర్వహించారు. సేవా సంకల్ప్ అభియాన్‌లో భాగంగా సూపర్‌వైజర్ చెంచులక్ష్మి ఆధ్వర్యంలో కార్యక్రమం జరిగింది. ICDS CDPO ఎస్.కె. మహబూబి పాల్గొని తల్లులకు పోషకాహారంపై అవగాహన కల్పించారు. పిల్లలు, తల్లులు ఆరోగ్యంగా ఉండేందుకు పోషకాలు అందించే ఆహార పదార్థాలను తీసుకోవాలని సూచించారు. కార్యక్రమంలో సూపర్‌వైజర్లు, అంగన్వాడీ టీచర్ ఈశ్వరమ్మ, ఆశాకార్యకర్తలు పాల్గొన్నారు.

Local· 28m ago

వృద్ధుల కోసం అవగాహన ర్యాలీ

వనపర్తిలో అంతర్జాతీయ వృద్ధుల దినోత్సవం సందర్భంగా వృద్ధుల హక్కులు, రక్షణ చట్టాలపై అవగాహన కల్పించేందుకు ర్యాలీ నిర్వహించారు. పాలిటెక్నిక్ కళాశాల మైదానం నుంచి ప్రభుత్వ బాలుర జూనియర్ కళాశాల వరకు జరిగిన ర్యాలీని అదనపు కలెక్టర్ బీమ్యా నాయక్ ప్రారంభించారు. వృద్ధులను నిర్లక్ష్యం చేయకుండా వారి అవసరాలను గుర్తించి అండగా నిలవడం సమాజ బాధ్యత అని ఆయన అన్నారు. కార్యక్రమంలో అధికారులు పాల్గొన్నారు.

Local· 36m ago

శతాధిక వృద్ధుడి మృతి

సిద్దిపేట జిల్లా బెజ్జంకి మండలం గాగిల్లాపూర్ గ్రామంలో విషాదం నెలకొంది. శతాధిక వయసు వరకు జీవించి మూడు తరాలను చూసిన అన్నాడి కృష్ణారెడ్డి 105 ఏళ్ల వయసులో గురువారం కన్నుమూశారు. వృద్ధాప్యంతో ఆయన మృతి చెందడంతో కుటుంబ సభ్యులు, బంధువులు, గ్రామస్తులు తీవ్ర విషాదంలో మునిగిపోయారు. కృష్ణారెడ్డికి ఇద్దరు కుమారులు, మనుమలు ఉన్నారు. ఆయన మృతితో గ్రామంలో విషాద వాతావరణం నెలకొంది. కృష్ణారెడ్డి మృతి పట్ల పలువురు ప్రముఖులు, గ్రామస్తులు ప్రగాఢ సంతాపం వ్యక్తం చేశారు.

Local· 39m ago

హిట్ అండ్ రన్.. ముగ్గురి పరిస్థితి విషమం

మేడ్చల్-మల్కాజ్‌గిరి జిల్లా కుషాయిగూడలో వేగంగా దూసుకొచ్చిన కారు 9 మందిని ఢీకొట్టింది. ఈ ప్రమాదంలో ముగ్గురికి తీవ్ర గాయాలు కాగా, మరో ఆరుగురు గాయపడ్డారు. ఘటన తర్వాత డ్రైవర్ కారు ఆపకుండా అక్కడి నుంచి వెళ్లిపోయినట్లు సమాచారం. పోలీసులు హిట్‌ అండ్‌ రన్ కేసు నమోదు చేసి, ప్రమాదానికి కారణమైన వాహనం, డ్రైవర్ కోసం దర్యాప్తు చేపట్టారు.