రైళ్లలో బోగీలు పెంచండి.. రైల్వే అధికారులకు కీలక విజ్ఞప్తి

By Jelandharkoti Koti· 22 Aug 2026

TG: రాఖీ పండుగ సందర్భంగా రైళ్లలో ప్రయాణికుల రద్దీ పెరిగే అవకాశం ఉన్నందున అదనపు బోగీలు ఏర్పాటు చేయాలని డివిజనల్ రైల్వే యూజర్స్ కన్సల్టేటివ్ సభ్యుడు అనుమాస శ్రీనివాస్ కోరారు. మంచిర్యాల నుంచి సింగరేణి, ఇంటర్‌సిటీ, రామగిరి, బల్లార్షా–కాజీపేట మధ్య నడిచే రైళ్లలో బోగీల సంఖ్య పెంచాలని డిమాండ్ చేశారు. ఈ మేరకు డివిజనల్ చీఫ్ మెకానికల్ ఇంజనీర్ బిజయ్ కుమార్ రాత్‌కు వినతిపత్రం అందజేశారు. రాఖీ పండుగ నేపథ్యంలో సొంతూళ్లకు వెళ్లే వారి సంఖ్య అధికంగా ఉండటంతో రైళ్లలో రద్దీ పెరుగుతుందని తెలిపారు.

More in Local

Local· 13m ago

పేకాట ఆడుతున్న ఆరుగురి అరెస్ట్

AP: తూర్పుగోదావరి జిల్లా రంగంపేటలో పేకాట ఆడుతున్న ఆరుగురు వ్యక్తులను అరెస్టు చేసినట్లు ఎస్సై శివప్రసాద్ తెలిపారు. సమాచారం మేరకు సిబ్బందితో కలిసి పేకాట స్థావరంపై దాడి నిర్వహించినట్లు చెప్పారు. ఈ దాడిలో పేకాట ఆడుతున్న ఆరుగురిని అదుపులోకి తీసుకుని వారి వద్ద నుంచి రూ.1,500 నగదును స్వాధీనం చేసుకున్నట్లు తెలిపారు. నిందితులపై కేసు నమోదు చేసి దర్యాప్తు చేస్తున్నట్లు ఎస్సై శివప్రసాద్ వెల్లడించారు. పేకాట, ఇతర అసాంఘిక కార్యకలాపాలకు పాల్పడితే కఠిన చర్యలు తీసుకుంటామని పోలీసులు హెచ్చరించారు.

Local· 24m ago

10 రోజుల్లో భూ రీసర్వే పూర్తి చేయాలి

TG: నాగర్ కర్నూల్ జిల్లా వెంకటాపూర్ గ్రామంలో భూ రీసర్వే ప్రక్రియను కలెక్టర్ హేమంత కేశవ్ పాటిల్ పరిశీలించారు. భూముల హద్దులు, విస్తీర్ణం, సర్వే నంబర్లను రికార్డులతో సరిపోల్చి ఖచ్చితత్వం, పారదర్శకతతో రీ-సర్వే నిర్వహించాలని అధికారులను ఆదేశించారు. 10 రోజుల్లో రీ-సర్వే ప్రక్రియను పూర్తి చేయాలని సూచించారు. అలాగే SIR ప్రక్రియను బూత్ స్థాయి అధికారులు, ఏజెంట్ల సమన్వయంతో సజావుగా పూర్తి చేయాలని ఆదేశించారు. రీసర్వేలో ఎలాంటి పొరపాట్లకు తావులేకుండా రికార్డుల పరిశీలనతో ప్రక్రియను పూర్తిచేయాలని సూచించారు.

Local· 46m ago

ఏఎన్‌ఎంపై చర్యలు తీసుకోవాలి.. ఆశాల వినతి

TG: వనపర్తి జిల్లా పాన్‌గల్ మండల కేంద్రంలో నిర్వహించిన ప్రజావాణిలో షాగాపూర్ సబ్‌ సెంటర్‌కు చెందిన ఆశాకార్యకర్తలు ఏఎన్‌ఎం సుమిత్రపై చర్యలు తీసుకోవాలని కోరుతూ అధికారులకు వినతిపత్రం సమర్పించారు. ఆశావర్కర్స్ యూనియన్ మండల నాయకులు రేణుక, మహేశ్వరి మాట్లాడుతూ.. గ్రామాల్లో ప్రజలకు ఆరోగ్య సేవలు అందించేందుకు తమ విధులను బాధ్యతగా నిర్వహిస్తున్నామని తెలిపారు. అయితే ఏఎన్‌ఎం సుమిత్ర తమపై అనవసర ఒత్తిడి తీసుకురావడంతోపాటు వ్యక్తిగత విషయాల్లో జోక్యం చేసుకుంటూ మానసికంగా ఇబ్బందులకు గురిచేస్తున్నారని ఆరోపించారు.

Local· 1h ago

ప్రజావాణిలో BRS నేతల వినతిపత్రం

TG: కాంగ్రెస్ ప్రభుత్వం ఎన్నికల సమయంలో ఇచ్చిన ఆరుగ్యారంటీలను పూర్తిస్థాయిలో అమలు చేయడంలో విఫలమైందని ఆరోపిస్తూ నిజామాబాద్ జిల్లా రుద్రూర్ మండల BRS నాయకులు తహసీల్దార్‌కు వినతిపత్రం సమర్పించారు. ప్రజావాణిలో భాగంగా నిర్వహించిన కార్యక్రమంలో నాయకులు మాట్లాడుతూ.. కాంగ్రెస్ ప్రభుత్వం అధికారంలోకి వచ్చి చాలాకాలం గడిచినా ఎన్నికల హామీలను పూర్తిగా అమలు చేయడం లేదని విమర్శించారు. ప్రజలకు ఇచ్చిన హామీలను వెంటనే అమలు చేయాలని, అర్హులైన ప్రతిఒక్కరికీ ప్రభుత్వ సంక్షేమ పథకాలు అందేలా చర్యలు తీసుకోవాలని డిమాండ్ చేశారు.