ఉత్తరాంధ్ర అభివృద్ధే లక్ష్యం : MLA

By Mohan· 1h ago· Palakonda, G.Madugula, Alluri Sitharama Raju

విజయనగరం జిల్లా రాజాంలో మాజీ జడ్పీ చైర్మన్ మజ్జి శ్రీను (చిన్న శ్రీను) చీపురుపల్లి ఎమ్మెల్యే కళా వెంకట్రావును కలిశారు. అనంతరం మీడియా సమావేశంలో ఎమ్మెల్యే మాట్లాడారు. భోగాపురం ఎయిర్పోర్ట్ రాకతో ఉత్తరాంధ్ర వెనుకబాటు తొలగిపోతుందని ఆయన అన్నారు. యువ నాయకుడు చిన్న శ్రీను TDPలో చేరడంతో పార్టీకి బలం పెరిగిందని తెలిపారు. చిన్న శ్రీను మాట్లాడుతూ.. రానున్న స్థానిక ఎన్నికల్లో కూటమి ప్రభుత్వానికి తన వంతు కృషి చేస్తానన్నారు. ఉత్తరాంధ్ర అభివృద్ధి కోసం సీనియర్ నాయకులతో కలిసి పనిచేస్తామని చెప్పారు.

More in Local

Local· 21m ago

జడ్చర్లలో విద్యార్థులకు దుస్తుల పంపిణీ..!

మహబూబ్ నగర్ జిల్లా జడ్చర్ల మండలం చర్లపల్లి గ్రామంలోని ప్రాథమిక పాఠశాలలో 1 నుంచి 4వ తరగతి విద్యార్థులకు సర్పంచ్ జోగు లక్ష్మమ్మ దుస్తులు పంపిణీ చేశారు. ఈ కార్యక్రమంలో ప్రధానోపాధ్యాయులు సత్యనారాయణ, ఉపాధ్యాయులు, కార్యదర్శి రాంచందర్, నాయకులు వెంకటరమణ, వార్డు సభ్యులు, గ్రామ పెద్దలు పాల్గొన్నారు. మీ ఊరిలో ఇలాంటి కార్యక్రమాలు ఉన్నాయా? మీ వార్త పంపండి!

Local· 24m ago

మినిమం ఫెసిలిటీస్ కోసం నిరసన

పెద్దపల్లి జిల్లా రామగుండం 32వ డివిజన్ అంబేద్కర్ నగర్ ప్రజలు మౌలిక సౌకర్యాల కోసం నిరసన తెలిపారు. తాగునీరు, డ్రైనేజీ, రోడ్లు లేక ప్రజలు ఇబ్బందులు పడుతున్నారు. వర్షం పడితే వీధులు బురదమయ్యాయి. చిన్న పిల్లలు, వృద్ధులు, మహిళలు నడవలేకపోతున్నారు. నీరు నిలిచి దోమలు పెరిగి డెంగ్యూ, మలేరియా వ్యాధులు వస్తున్నాయి. ఎన్నిసార్లు అధికారులకు చెప్పినా పరిష్కారం లేదని ఆవేదన వ్యక్తం చేశారు. వెంటనే మౌలిక వసతులు కల్పించాలని డిమాండ్ చేశారు. ప్రజా ప్రతినిధులు చొరవ తీసుకోవాలని కోరారు. ఇప్పటికైనా అధికారులు స్పందించాలి.

Local· 28m ago

హమారా ప్రసాద్ పై నాన్ బెయిలబుల్ కేసుకు డిమాండ్..

డాక్టర్ బాబాసాహెబ్ అంబేద్కర్ పై అనేక వక్రీకరణలకు పాల్పడుతూ "కల్పిత నాయకుడు" పుస్తకాన్ని హమార ప్రసాద్ ప్రింట్ చేయించారని, ఇతన్ని తక్షణమే నాన్ బెయిలబుల్ కేసులో అరెస్టు చేయాలని విజయనగరం జిల్లా తెర్లాం మండల దళిత నాయకుడు గండి చిరంజీవులు డిమాండ్ చేశారు. ఈ పుస్తకాన్ని వెంటనే నిలిపివేయాలన్నారు.. దళితులకే కాక భారత జాతికి హమారా ప్రసాద్ లాంటి వారు క్షమాపణ చెప్పాలన్నారు. చర్యలు తీసుకోకపోతే శాంతియుత నిరసనలు చేస్తామని మీడియాకు తెలిపారు. అంబేద్కర్ కు అవమానం సహించేది కాదన్నారు.

Local· 1h ago

రేపల్లె ఘటనలో కలెక్టర్, SP జోక్యం చేసుకోవాలి

జోగులాంబ గద్వాల జిల్లా రేపల్లెలో కులాంతర ప్రేమ వివాహం నేపథ్యంలో దళిత యువకుడి ఇంటిని బీసీ యువతి తరఫు వారు కూల్చేశారన్నది ఆరోపణ. ఈ మేరకు అఖిల పక్షాలు, బహుజన, ప్రజా సంఘాలు కలెక్టర్, SPకు మెమోరాండం ఇచ్చాయి. బాధిత కుటుంబాన్ని ఆదుకోవాలని, గ్రామాన్ని సందర్శించి వివరాలు సేకరించాలని కోరారు. ఇలాంటి ఘటనలు పునరావృతం కాకుండా చర్యలు తీసుకోవాలని డిమాండ్ చేశారు. గ్రామాల్లో చట్టంపై అవగాహన కార్యక్రమాలు నిర్వహించాలని సూచించారు.