Passport పై ఇక ట్రంప్ ఫోటో !

By aravinda nyayapati· 29 Apr 2026· Washington

అమెరికా ప్రెసిడెంట్ డొనాల్డ్ ట్రంప్ ప్రచారం పిచ్చి పీక్స్ కి చేరింది. దేశానికి ఇండిపెండెన్స్ వచ్చి 250 ఏళ్లు గడిచిన సందర్భంగా ఈ జులైలో స్పెషల్ గా కొన్ని పాస్ పోర్టులు మంజూరు చేయనున్నారు. ఆ పాస్ పోర్టులపై ట్రంప్ తన ఫోటోతో పాటు ధగధగలాడే గోల్డెన్ సిగ్నేచర్‌ని ముద్రిస్తున్నారు. ఇలాంటి సందర్భాల్లో దేశ గొప్పతనాన్ని చాటే చారిత్రక వారసత్వ కట్టడాలు ఎవరైనా ముద్రిస్తారు. కానీ ట్రంప్ రూటే సెపరేట్. ఇప్పటికే ట్రంప్ కరెన్సీ నోట్లపై సంతకం వేశారు. అది చాలదన్నట్టు పాస్ పోర్ట్ లపై ఫోటో వేయించుకోవడంపై విమర్శలు వస్తున్నాయి.

More in World

చేతబడి పేరిట.. మహిళను చెట్టుకు కట్టేసి మూకుమ్మడి దాడి

▶

World· 28 Sept 2026

చేతబడి పేరిట.. మహిళను చెట్టుకు కట్టేసి మూకుమ్మడి దాడి

ఫ్యూచర్ సిటీ అని ఒకవైపు హైదరాబాదు దూసుకుపోతుంటే కూతవేటు దూరంలో ఉన్న రంగారెడ్డి జిల్లా మంచాల మండలంలో మూఢనమ్మకాలు రూల్ చేస్తున్నాయి. చేతబడి లేదని సైన్సు చెబుతుంటే, అదే పేరు చెప్పి ఒక మహిళమీద గ్రామస్థులంతా మూకుమ్మడిగా దాడి చేశారు. ఆమె వయస్సు 60. పేరు పల్లటి వెంకటమ్మ. ఆ ముసలామెను చెట్టుకు కట్టేసి కొట్టారు. పోలీసులకు ఫిర్యాదు చేస్తే 14 మంది కేసులు నమోదు చేశారు. మూఢనమ్మకాల నిరోధక చట్టం తెచ్చి ప్రభుత్వం ఉక్కుపాదం మోపకపోతే ఇలాంటివి కొనసాగుతూ ఉంటాయి.

ఆ కులపోళ్ల గణేషుడికి నో ఎంట్రీ... రాజాంలో ఉద్రిక్తత

▶

World· 21 Sept 2026

ఆ కులపోళ్ల గణేషుడికి నో ఎంట్రీ... రాజాంలో ఉద్రిక్తత

కులం.. గణేషుడిని కూడా వదల్లేదు. మాల కులం వాళ్లు పెట్టిన గణేషుడు తమ వాడలోకి అడుగుపెట్టేందుకు వీల్లేదని కాపు కులస్తులు భీష్మించుకున్నారు. బారికేడ్లు పెట్టారు. దీంతో తీవ్ర ఉద్రిక్తత నెలకొంది. ఈ ఘటన విజయనగరం జిల్లా రాజాం మండలంలోని సారధి గ్రామంలో జరిగింది. గ్రామంలోని మాల కాలనీ యువకుల గణేషుడి ఊరేగింపును కాపు వీధిలోకి రానివ్వలేదు. బారికేడ్లు, తాళ్లను అడ్డంపెట్టారు. దీంతో రాజాం పోలీసులు జోక్యం చేసుకుని పరిస్థితిని అదుపులోకి తెచ్చారు. కుల వివక్ష చట్టరీత్యా నేరమని హెచ్చరించారు.

World· 19 Sept 2026

గంగాసాగర్‌లో కుల వివక్ష దాడి: ఇద్దరు SC యువకులకు గాయాలు

వికారాబాద్ జిల్లా యాలాల మండలం గంగాసాగర్ గ్రామంలో వినాయక నిమజ్జన ఊరేగింపులో కుల వివక్షతో కూడిన దాడి జరిగింది. ఈ ఘటనలో ఆనంద్ మాదిగ చేతికి కత్తితో తీవ్ర గాయమై నరాలు తెగాయని, మదయ శివకుమార్‌కు గాయాలయ్యాయని బాధితులు తెలిపారు. డీజేకు చందాలు ఇవ్వకుండా దళిత యువకులు నృత్యం చేయడంపై వివాదం తలెత్తిందని, కులం పేరుతో దూషించి దాడి చేశారని పేర్కొన్నారు. బాధితులు జిల్లా ప్రభుత్వ ఆసుపత్రిలో చికిత్స పొందుతున్నారు. KVPS, CITU, పీహెచ్‌పీఎస్ నాయకులు పరామర్శించారు.బాధ్యులపై SC ST act కింద కేసు నమోదు చేయాలన్నారు.

▶

World· 19 Sept 2026

సౌదీలో నిర్మల్ వాసుల గణేష్ నిమజ్జనం

సౌదీ అరేబియాలోనూ మన తెలుగువారు గణేష్ నిమజ్జనాలు చేశారు. సౌదీలోని తూర్పు ప్రాంతానికి (Eastern Province) రాజధానిగా, ఒక ప్రముఖ రేవు (పోర్ట్) నగరంగా విరాజిల్లుతున్న దమ్మము నగరంలోని సికో ప్రాంతంలో ఉమ్మడి ఆదిలాబాద్, నిర్మల్ జిల్లా వాసులు గౌరీ శంకర్, తారక్, తేజ పళ్లెం, మల్లేష్ వినాయక చవితి నిమజ్జన వేడుకలను భక్తిశ్రద్ధలతో నిర్వహించారు. విదేశాల్లోనూ మన సంస్కృతిని చాటుతూ భక్తులు శోభాయాత్రలో పాల్గొని గణనాథునికి వీడ్కోలు పలికారు. అనంతరం అన్నదాన కార్యక్రమంలో ప్రవాస భారతీయులు ఉత్సాహంగా పాల్గొన్నారు.