పర్యావరణ పరిరక్షణ కోసం Run for Nature

By Shankar Soudarpally· 2h ago

TG: సంగారెడ్డి జిల్లా పటాన్‌చెరులో MDR ఫౌండేషన్ ఆధ్వర్యంలో “రన్ ఫర్ నేచర్” 3K రన్ ఉత్సాహభరితంగా నిర్వహించారు. ORR బైపాస్‌పై కార్యక్రమానికి ఎమ్మెల్యే గూడెం మహిపాల్ రెడ్డి ముఖ్యఅతిథిగా హాజరై జెండా ఊపి 3K రన్‌ను ప్రారంభించారు. పర్యావరణ పరిరక్షణ, స్వచ్ఛమైన గాలి, పచ్చదనం పెంపొందించడంపై ప్రజల్లో అవగాహన కల్పించడమే లక్ష్యంగా రన్ నిర్వహించారు. MDR ఫౌండేషన్ కో-ఫౌండర్ మాదిరి పృథ్వీరాజ్ నేతృత్వంలో కార్యక్రమం జరిగింది. నాయకులు, ఫౌండేషన్ సభ్యులు, సాఫ్ట్‌వేర్ ఉద్యోగులు, తదితరులు పాల్గొన్నారు.

More in Local

Local· 1m ago

దాచేపల్లిలో అంతరాష్ట్ర కరాటే పోటీలు ప్రారంభం

AP: పల్నాడు జిల్లా దాచేపల్లిలో అంతరాష్ట్ర కరాటే పోటీలు ఆదివారం ఘనంగా ప్రారంభమయ్యాయి. గురజాల నియోజకవర్గ యువనేత యరపతినేని నిఖిల్ పోటీలను ప్రారంభించారు. గెలుపోటములను సమానంగా స్వీకరిస్తూ క్రీడా స్ఫూర్తితో పోటీల్లో పాల్గొనడం ముఖ్యమన్నారు. వివిధ ప్రాంతాల నుంచి విద్యార్థులు పెద్ద సంఖ్యలో పోటీలకు హాజరయ్యారు. కార్యక్రమంలో కరాటే పోటీల చీఫ్ ఆర్గనైజర్ నరసింహారావు, టోర్నమెంట్ ఇన్‌చార్జీలు పార్వతి, నవ్యశ్రీ, ఆర్గనైజర్ లక్ష్మణ్ సాయి, కొప్పుల గిరి, అంబటిమల్లి, కొప్పుల నరసింహారావు, తదితరులు పాల్గొన్నారు.

Local· 2m ago

ఎమ్మెల్యే మాధవరెడ్డిని కలిసిన కాంగ్రెస్‌ నాయకులు

TG: వరంగల్ జిల్లా నర్సంపేట ఎమ్మెల్యే దొంతి మాధవరెడ్డిని నల్లబెల్లి గ్రామ కాంగ్రెస్‌ నాయకులు మర్యాదపూర్వకంగా కలిశారు. నల్లబెల్లి గ్రామ అభివృద్ధికి సంబంధించిన పలు అంశాలను ఎమ్మెల్యే దృష్టికి తీసుకెళ్లారు. గ్రామాన్ని అన్ని రంగాల్లో అభివృద్ధి చేసేందుకు సహకరించాలని కోరారు. ప్రజలకు అవసరమైన మౌలిక వసతులు, అభివృద్ధి పనులపై ఎమ్మెల్యేతో చర్చించారు. గ్రామంలో నెలకొన్న సమస్యలను పరిష్కరించేందుకు చర్యలు తీసుకోవాలని విజ్ఞప్తి చేశారు. సమస్యల పరిష్కారానికి కృషి చేస్తామని ఎమ్మెల్యే హామీ ఇచ్చినట్లు నాయకులు తెలిపారు.

Local· 4m ago

రౌతులపూడిలో కనకదుర్గమ్మ బ్రహ్మోత్సవాలు

AP: కాకినాడ జిల్లా రౌతులపూడిలో శ్రీ కనకదుర్గ అమ్మవారి బ్రహ్మోత్సవాలు భక్తిశ్రద్ధలతో ఘనంగా నిర్వహించారు. శ్రీ శ్రీనివాస వర్తక సంఘం ఆధ్వర్యంలో జరిగిన వేడుకలకు గ్రామ ప్రజలు, భక్తులు పెద్ద సంఖ్యలో హాజరై అమ్మవారిని దర్శించుకుని ప్రత్యేక పూజలు నిర్వహించారు. మాజీ ఎంపీపీ ఇట్టం శెట్టి భాస్కర్ బాబు కుటుంబ సమేతంగా ఆలయానికి విచ్చేసి అమ్మవారిని దర్శించుకున్నారు. అనంతరం భక్తులతో కలిసి బ్రహ్మోత్సవాల్లో పాల్గొన్నారు. గ్రామ ప్రజలు సుఖసంతోషాలతో, సుభిక్షంగా ఉండాలని భక్తులు అమ్మవారిని ప్రార్థించారు.

Local· 7m ago

SIRపై కలెక్టర్‌ కీలక ఆదేశాలు

TG: SIR ప్రత్యేక అవగాహన కార్యక్రమంలో ఎలాంటి లోపాలకు తావులేకుండా నిబంధనల ప్రకారం పనులు నిర్వహించాలని వరంగల్ జిల్లా కలెక్టర్‌ సత్యశారద అధికారులను ఆదేశించారు. నర్సంపేట మండలం లక్ష్మీపల్లిలో ఆదివారం నిర్వహించిన కార్యక్రమాన్ని ఆమె పరిశీలించారు. పోలింగ్‌ కేంద్రంలో ఓటర్లకు అందుతున్న సేవలు, ఫారం-6, 7, 8ల లభ్యత, ప్రక్రియ పురోగతిని అధికారులను అడిగి తెలుసుకున్నారు. ఓటర్ల సందేహాలను ఎప్పటికప్పుడు నివృత్తి చేయాలని సూచించారు. ఈ నెల 12, 13 తేదీల్లో ప్రత్యేక అవగాహన కార్యక్రమాలు నిర్వహించనున్నట్లు తెలిపారు.