ఎయిమ్స్‌లో విస్తరించిన ఉచిత, సబ్సిడీ మందుల కౌంటర్లు

By rajaratnam· 2h ago· Guntur

గుంటూరు జిల్లా మంగళగిరి AIIMS లో పెరుగుతున్న రోగుల రద్దీకి తగ్గట్టు జనౌషధి, అమృత్ ఫార్మసీ సేవలను విస్తరించారు. వరల్డ్ ఫార్మసిస్ట్స్ డే సందర్భంగా ఎగ్జిక్యూటివ్ డైరెక్టర్ ప్రొఫెసర్ డాక్టర్ అహంతేమ్ శాంతా సింగ్ కొత్తగా 7 జనౌషధి, 14 అమృత్ ఫార్మసీ కౌంటర్లను ప్రారంభించారు. కొత్త ఓపీడీ ఫార్మసీ బ్లాక్ అందుబాటులోకి రావడంతో రోగులకు తక్కువ ధరలోనే క్వాలిటీ మందులు దొరకనున్నాయి. అక్కడ బెస్ట్ సర్వీస్ అందించిన ఫార్మసిస్టులను అధికారులు ఘనంగా సత్కరించారు.

More in Local

Local· just now

స్కూలు స్డూడెంట్స్తో మల్లన్న ముచ్చట

బీసీ రాజ్యాధికార పాదయాత్రలో భాగంగా వికారాబాద్ జిల్లా, పెద్దేముల్ మండలానికి చెందిన కందనెల్లికి చేరుకున్న ఎమ్మెల్సీ తీన్మార్ మల్లన్న జిల్లా పరిషత్ ఉన్నత పాఠశాలను సందర్శించారు. విద్యార్థులతో మాట్లాడారు. చదువు, పాఠశాలలో అందుతున్న సౌకర్యాలు, మౌలిక వసతులు, ఎదుర్కొంటున్న సమస్యలపై ఆరా తీశారు. "విద్యార్థుల భవిష్యత్తుకు నాణ్యమైన విద్యే బలమైన పునాది" అని ఆయన అన్నారు. విద్యార్థులు కష్టపడి చదువుకుని కుటుంబానికి, సమాజానికి మంచి పేరు తీసుకురావాలన్నారు.

Local· 4m ago

గుక్కెడు నీళ్ల కోసం ఆదివాసీ మహిళల పాట్లు!

అల్లూరి సీతారామరాజు జిల్లా అనంతగిరి మండలం వాలాసి పంచాయతీ పరిధిలోని పుట్టపాడు గ్రామంలో వానాకాలంలోనూ మంచినీటి సమస్య తీవ్రంగా ఉందని గ్రామ మహిళలు ఆవేదన వ్యక్తం చేస్తున్నారు. తాగునీటి సౌకర్యం లేకపోవడంతో ప్రతిరోజూ కిలోమీటర్ల దూరం వెళ్లి నీటిని మోసుకురావాల్సి వస్తోందని శిల్ప సుశీల, సోమిల లక్ష్మి చెప్పారు. గ్రామ పెద్ద శిల్ప చెన్నారావు మాట్లాడుతూ.. పుట్టపాడుకు తాగునీటి వసతి కల్పించేందుకు అధికారులు తక్షణ చర్యలు చేపట్టాలని కోరారు.

▶

Local· 11m ago

నూతక్కిలో MLM మోసం.. 36 లక్షలు!

గుంటూరు జిల్లా మంగళగిరి మండలం నూతక్కి గ్రామంలో WINFITH సంస్థ పేరుతో సుమారు 36 లక్షలు వసూలు చేసి మోసం చేశారని పలువురు బాధితులు ఆరోపించారు. లక్షా 20 వేలు పెట్టుబడి పెడితే ఐదు నెలల్లో 2 లక్షలు తిరిగి ఇస్తామని చెప్పి, ఏజెంట్ షేక్ రజాక్ ద్వారా సుమారు 30 మంది నుంచి డబ్బులు వసూలు చేసినట్లు బాధితులు తెలిపారు. కానీ ఆరు నెలలకే సంస్థ కార్యకలాపాలు నిలిచిపోయాయని, తమ డబ్బు తిరిగి ఇప్పించాలని, బాధ్యులపై చట్టపరమైన చర్యలు తీసుకోవాలని అధికారులను కోరారు.

Local· 16m ago

గాంధీ ఆలోచనలపై పోటీలు.. TUలో సందడి!

నిజామాబాద్ జిల్లాలోని తెలంగాణ యూనివర్సిటీలో గాంధీ జయంతి సెలబ్రేషన్స్‌లో భాగంగా గాంధీయన్ థాట్‌పై యూనివర్సిటీ స్థాయి వ్యాసరచన, వక్తృత్వ పోటీలు జరిగాయి. విద్యార్థులు ఉత్సాహంగా పాల్గొన్నారు. విజేతలు సెప్టెంబర్ 30న ప్రొఫెసర్ జయశంకర్ తెలంగాణ వ్యవసాయ విశ్వవిద్యాలయం, హైదరాబాద్‌లో జరిగే రాష్ట్ర స్థాయి పోటీల్లో TUకు ప్రాతినిధ్యం వహిస్తారు.