4 ఏళ్ల చిన్నారిపై లైంగిక దాడి: వ్యక్తికి దేహశుద్ధి

By Adithya· 14h ago· Farooqnagar (Ct), Farooqnagar, Ranga Reddy

నాలుగేళ్ల పాప.. అంత చిన్న పిల్లపై కూడా లైంగిక దాడి చేయబోయాడో కామాంధుడు. ఓ యువకుడు చూసి ఊరందరికీ సమాచారం ఇవ్వడంతో ఆ పాప బతికిపోయింది. కామాందుడికి దేహశుద్ధి జరిగింది. ఇప్పుడతను ఆసుపత్రిలో ఉన్నాడు. ఈ ఘటన షాద్నగర్ పట్టణానికి కూతవేటు దూరంలో ఉన్న ఫరూక్నగర్ మండలం, కందివనంలో జరిగింది. అఘాయిత్యానికి పాల్పడ్డ చెన్నయ్యపై పాప కుటుంబసభ్యులు షాద్ నగర్ పోలీస్ స్టేషన్లో ఫిర్యాదు చేశారు. తెలంగాణా మరో బీహార్ కాకుండా కఠినంగా చర్యలు తీసుకోవాలని ప్రజలు కోరుతున్నారు.

More in Local

Local· 2m ago

బతుకమ్మ విగ్రహానికి భూమి పూజ

బతుకమ్మ వేడుకలకు సిద్దిపేట జిల్లా అక్కన్నపేట మండల కేంద్రంలో ఏర్పాట్లు మొదలయ్యాయి. చెరువు వద్ద బతుకమ్మ విగ్రహం ఏర్పాటు చేయనున్న ప్రదేశంలో సర్పంచ్ జన్నారపు సంపత్ ఆధ్వర్యంలో భూమిపూజ నిర్వహించారు. శాస్త్రోక్తంగా పూజా కార్యక్రమం పూర్తి చేసిన అనంతరం గ్రామంలో బతుకమ్మ వేడుకలను ఘనంగా నిర్వహించేందుకు చేపట్టాల్సిన ఏర్పాట్లపై చర్చించారు. ఈ సందర్భంగా ఉత్సవాలకు సంబంధించిన ఏర్పాట్లను సమన్వయంతో పూర్తి చేయాలని నిర్ణయించారు. కార్యక్రమంలో పాలకవర్గ సభ్యులు, కులసంఘాల ప్రతినిధులు, గ్రామ పెద్దలు, యువత పాల్గొన్నారు.

Local· 18m ago

యుద్ధభేరి సభను విజయవంతం చేయాలి

హైదరాబాద్‌లో అక్టోబర్ 9న నిర్వహించనున్న ‘బహుజన రాజ్యాధికార యుద్ధబేరి’ సభను విజయవంతం చేయాలని BSP రాష్ట్ర అధ్యక్షుడు ఇబ్రాం శేఖర్ పిలుపునిచ్చారు. మన్యవార్ కాన్షిరాం వర్ధంతి సందర్భంగా బడంగ్‌పేట్ సమీపంలోని సిరిపురం యాదయ్య గ్రౌండ్‌లో ఈ సభ నిర్వహించనున్నట్లు తెలిపారు. సభకు మహబూబ్ నగర్ జిల్లా నుంచి పెద్దసంఖ్యలో హాజరై విజయవంతం చేయాలని పార్టీ శ్రేణులు, బహుజనులకు ఆయన కోరారు.

Local· 21m ago

పంచాయతీ సిబ్బందికి రెయిన్ కోట్లు అందజేత

వర్షాకాలంలో విధులు నిర్వహించే గ్రామపంచాయతీ సిబ్బంది ఇబ్బందులు పడకుండా రెయిన్ కోట్లు అందజేశారు. మహబూబ్‌నగర్ జిల్లా నవాబ్‌పేట మండలం రుద్రారం గ్రామ పంచాయతీ సిబ్బందికి సర్పంచ్ కావలి రవీందర్ రెయిన్ కోట్లు పంపిణీ చేశారు. వర్షాకాలాన్ని దృష్టిలో ఉంచుకుని సిబ్బంది కోసం వీటిని అందించినట్లు తెలిపారు. కార్యక్రమంలో ఉపసర్పంచ్ సంద శేఖర్, పంచాయతీ కార్యదర్శి కృష్ణ మనోహర్, వార్డు సభ్యులు జైపాల్ రెడ్డి, మురగని వెంకటయ్య, సుందరి, సంతోష, పంచాయతీ సిబ్బంది పాల్గొన్నారు.

Local· 27m ago

విద్యార్థులకు యూనిఫామ్, టై, బెల్ట్ పంపిణీ

ములుగు జిల్లా వెంకటాపురం ప్రాథమికోన్నత పాఠశాలలో విద్యార్థులకు యూనిఫామ్, టై, బెల్ట్ పంపిణీ చేశారు. గ్రామ సర్పంచ్ నాయుడు వెంకటకృష్ణ, గ్రామ పెద్దలు శేషగిరి, అంజయ్యల చేతుల మీదుగా విద్యార్థులకు వీటిని అందజేశారు. ప్రభుత్వం అందిస్తున్న అన్ని అవకాశాలను విద్యార్థులు సద్వినియోగం చేసుకుని చదువులో రాణించి మంచి స్థాయికి చేరుకోవాలని వారు సూచించారు. కార్యక్రమంలో ప్రధానోపాధ్యాయులు రామారావు, వెంకటేశ్వరరావు, J. వెంకటేశ్వర్లు, I. భరత్, తదితరులు పాల్గొన్నారు.