ఏపీ హైకోర్టు కీలక తీర్పు

By BK· 2h ago· AP

స్థానిక సంస్థల ఎన్నికల్లో బీసీలకు 34శాతం రిజర్వేషన్లు కల్పిస్తూ ఏపీ ప్రభుత్వం ఇచ్చిన జీవోలను హైకోర్టు కొట్టివేసింది. న్యాయవాది తాండవ యోగేష్ దాఖలు చేసిన పిటిషన్‌పై విచారణ జరిపిన న్యాయస్థానం, మొత్తం రిజర్వేషన్లు 50శాతం మించకూడదన్న సుప్రీంకోర్టు తీర్పునకు ఈ జీవోలు విరుద్ధంగా ఉన్నాయని స్పష్టం చేసింది. బీసీల జనగణన పూర్తయ్యాకే ఎన్నికలు పెట్టాలన్న పిటిషన్‌ను కూడా ధర్మాసనం కొట్టివేసింది.

More in Local

Local· 40m ago

స్టేట్ లెవెల్ ఖో-ఖోకి నందిపేట్ స్టూడెంట్స్ సెలెక్ట్

నందిపేట్ శ్రీ గీతా కాన్వెంట్ హైస్కూల్‌కి చెందిన ఐదుగురు స్టూడెంట్స్ స్టేట్ లెవెల్ ఖో-ఖో టోర్నమెంట్‌కి సెలెక్ట్ అయ్యారు. జూనియర్ కేటగిరీలో నందిత, నిహారిక, ప్రేమలత, అక్షర, సీనియర్ కేటగిరీలో దీక్షిత్ చోటు దక్కించుకున్నారు. రంగారెడ్డి, నల్గొండ జిల్లాల్లో జరిగే మ్యాచ్‌లలో వీరు ఆడనున్నారు. MEO గంగాధర్ వీరిని శాలువాతో సత్కరించి అభినందించారు.

Local· 47m ago

కళ్యాణలక్ష్మి, షాదీ ముబారక్ చెక్కుల పంపిణీ

నందిపేట్ రైతు వేదికలో ఆర్మూర్ ఎమ్మెల్యే పైడి రాకేష్‌రెడ్డి లబ్ధిదారులకు కళ్యాణలక్ష్మి, షాదీ ముబారక్ చెక్కులు అందజేశారు. నందిపేట్, డొంకేశ్వర్ మండలాల నుంచి మొత్తం 104 మందికి ఈ చెక్కులు వచ్చాయి. పేద ఆడపిల్లల పెళ్లిళ్లకు గవర్నమెంట్ ఈ స్కీమ్ ద్వారా ఫైనాన్షియల్ హెల్ప్ చేస్తోందని ఎమ్మెల్యే చెప్పారు. అర్హులైన ప్రతి ఒక్కరికీ సంక్షేమ పథకాలు అందేలా ఆఫీసర్లు, లీడర్లు కలిసి పనిచేయాలని సూచించారు.

Local· 56m ago

రూల్స్ అతిక్రమించి బైండోవర్లు.. పోలీసుల వైఖరిపై ఆగ్రహం

తిరుమల 1వ టౌన్ పిఎస్ పరిధిలో ఎలాంటి నోటీసులు, ఆర్డర్ కాపీలు ఇవ్వకుండానే పోలీసులు డైరెక్ట్‌గా బైండోవర్లు చేస్తున్నారనే ఆరోపణలు వస్తున్నాయి. ముందుగా ఫింగర్ ప్రింట్స్ తీసుకుని, తిరుపతి అర్బన్ MRO ముందు హాజరుపరుస్తున్నారని, ఆయన కూడా ఏమీ అడగకుండా సైలెంట్‌గా ఉంటున్నారని బాధితులు చెబుతున్నారు. కాపీలు ఇవ్వడం లేదని ప్రశ్నిస్తే, రోజూ 50 నుండి 60 మందికి ఇలాగే చేస్తున్నామని VRO చెప్పినట్లు సమాచారం.

Local· 1h ago

98వ రోజుకి చేరిన రిలే దీక్ష

మొయినాబాద్ మున్సిపాలిటీ హిమాయత్‌నగర్ సర్వే నంబర్ 151లో స్థలాల కోసం బాధితులు చేస్తున్న రిలే నిరాహార దీక్ష 98వ రోజుకు చేరింది. డాక్టర్ బీఆర్‌ అంబేద్కర్ యూత్, ఇతర సంఘాల నాయకులు కట్టమీద శ్రీను, కుమ్మరి విట్టల్, కరీం భాయ్, గోపాల్ నాయక్ ఆధ్వర్యంలో ఈ దీక్ష నడుస్తోంది. ఇన్ని రోజులైనా ప్రభుత్వం రెస్పాండ్ అవ్వకపోవడంపై బాధితులు సీరియస్ అయ్యారు. తమ స్థలాలు ఇచ్చేదాకా పోరాటం ఆపేది లేదని, రానున్న రోజుల్లో దీన్ని పెద్ద ఉద్యమంగా మారుస్తామని హెచ్చరించారు.