అర్హులైన మహిళలకు ఉద్యోగ అవకాశం

By Kamal Kumar· 2h ago· Vikarabad, Vikarabad, Vikarabad

వికారాబాద్ జిల్లాలో అంగన్‌వాడీ కేంద్రాల్లో ఖాళీగా ఉన్న 264 పోస్టుల భర్తీకి దరఖాస్తులు ఆహ్వానిస్తున్నట్లు కలెక్టర్ దీపక్ తివారి తెలిపారు. ఇందులో 102 టీచర్, 162 ఆయా పోస్టులు ఉన్నాయి. అర్హులైన మహిళలు అక్టోబర్ 24 సాయంత్రం 5 గంటల్లోగా https://wdcw.tg.nic.in వెబ్‌సైట్‌లో దరఖాస్తు చేసుకోవాలి. ధ్రువీకరించిన పత్రాలను అక్టోబర్ 26 నుంచి నవంబర్ 1 వరకు సంబంధిత ఐసీడీఎస్ కార్యాలయాల్లో అందజేయాలి.

More in Local

Local· 1m ago

మాంట్ ఫోర్ట్ స్కూల్లో బతుకమ్మ సంబరాలు!

ఖమ్మం టౌన్ గుట్టల బజార్ ఏరియాలోని మాంట్ ఫోర్ట్ హైస్కూల్లో బతుకమ్మ పండుగ ఘనంగా జరిగింది. తెలంగాణ సాంస్కృతిక ప్రతీక అయిన ఈ పండుగను శుక్రవారం సంప్రదాయబద్ధంగా నిర్వహించారు. పాఠశాల ఆవరణమంతా పూలతో అలంకరించారు. తల్లిదండ్రులు, ఉపాధ్యాయులు, విద్యార్థినులు రంగురంగుల దుస్తుల్లో పాల్గొన్నారు. ఈ కార్యక్రమంలో వైస్ ప్రిన్సిపాల్ బ్రదర్ జోష్, ఉపాధ్యాయులు, విద్యార్థులు, తల్లిదండ్రులు పెద్ద సంఖ్యలో పాల్గొన్నారు.

Local· 5m ago

ఆటో బోల్తా.. క్షతగాత్రులను ఆసుపత్రికి తరలించిన GGC చైర్మన్!

అల్లూరి సీతారామరాజు జిల్లా డుంబ్రిగూడ మండలం పొతంగి పంచాయతీ బీజమర గ్రామ సమీపంలో ఆటో బోల్తా పడింది. ఈ ప్రమాదంలో పలువురు గాయపడ్డారు. అదే మార్గంలో వెళ్తున్న GGC చైర్మన్ కిడారి శ్రావణ్ కుమార్ వెంటనే స్పందించారు. అంబులెన్స్ ఆలస్యమవడంతో.. తన అనుచరుల సహాయంతో క్షతగాత్రులను అరకులోని ఆసుపత్రికి తరలించేలా చర్యలు చేపట్టారు. ఆయన చొరవను స్థానికులు అభినందించారు.

▶

Local· 6m ago

హనుమాన్ జెండా ఉత్సవం.. ట్రాఫిక్ ఆంక్షలు

గూడూరులో హనుమాన్ జెండా ఉత్సవం నేపథ్యంలో పోలీసులు ట్రాఫిక్ ఆంక్షలు విధించారు. సాయంత్రం 5 గంటల తర్వాత అత్యవసర వాహనాలు మినహా బైక్‌లు, కార్లను పట్టణంలోకి అనుమతించరు. చిల్లకూరు, బొగ్గులదిబ్బ వైపు నుంచి వచ్చే వాహనాలను నిలిపివేసి, ఇతర వాహనాలను సాధుపేట, బనిగిసాహెబ్ పేట, వై జంక్షన్ మీదుగా హైవేకు మళ్లించనున్నారు. ప్రజలు పోలీసుల సూచనలు పాటించాలని, ఉత్సవాల నిర్వహణకు ముందస్తు అనుమతి తీసుకోవాలని అధికారులు కోరారు.

Local· 6m ago

టైలర్లకు ఉచిత విద్యుత్.. మంత్రి లోకేష్ స్పందన!

ఆంధ్రప్రదేశ్ టైలర్స్ ఫెడరేషన్ చైర్మన్ ఆకాశపు స్వామి శుక్రవారం ఉండవల్లిలో మంత్రి నారా లోకేష్‌ను కలిశారు. టైలర్ల ఆర్థిక, వృత్తిపరమైన సమస్యలను వివరించారు. ఫెడరేషన్‌కు అనుబంధంగా ఉన్న టైలరింగ్ సొసైటీల అర్హులైన సభ్యులకు నెలకు 200 యూనిట్ల వరకు ఉచిత విద్యుత్ ఇవ్వాలని కోరారు. మంత్రి సానుకూలంగా స్పందించి, ప్రతిపాదనల సాధ్యాసాధ్యాలను పరిశీలించి విధివిధానాలు రూపొందించాలని అధికారులను ఆదేశించారు.