శాంతిభద్రతల పరిరక్షణకు ప్రజలు సహకరించాలి

By K. PURNA CHANDU.· 1h ago· Palasa, Palasa, Srikakulam

AP: ప్రజలకు చేరువగా ఉంటూ వారి సమస్యలను తెలుసుకుని శాంతిభద్రతలను పటిష్ఠం చేసేందుకు పోలీసులు రాంపురం గ్రామంలో పల్లెనిద్ర కార్యక్రమం నిర్వహించారు. శ్రీకాకుళం జిల్లా మందస మండలంలోని రాంపురంలో శనివారం రాత్రి కాశీబుగ్గ డీఎస్పీ టి.భవాని, సీఐ ఎం.తిరుపతిరావు, ఎస్‌ఐ కె.కృష్ణ ప్రసాద్ గ్రామస్థులతో మమేకమయ్యారు. సమస్యలు, భద్రతా అంశాలపై ప్రజల అభిప్రాయాలను సేకరించారు. రానున్న స్థానిక సంస్థల ఎన్నికల నేపథ్యంలో ప్రశాంత వాతావరణం ఉండేలా సహకరించాలని కోరారు. సైబర్ నేరాలు, వివిధ చట్టాలపై ప్రజలకు అవగాహన కల్పించారు.

More in Local

Local· just now

నాగులేరుకు నీళ్లు విడుదల చేయాలి

AP: పల్నాడు జిల్లా దాచేపల్లి నగర పంచాయతీ పరిధిలో నాగులేరుకు నీటిని విడుదల చేయాలని స్థానికులు కోరారు. ఇప్పటికే పలు ప్రాంతాల్లో ఇళ్ల బోర్లు ఎండిపోతున్నాయని ఆవేదన వ్యక్తం చేస్తున్నారు. రానున్న రోజుల్లో తాగునీటి ఇబ్బందులు మరింత తీవ్రమయ్యే అవకాశం ఉందని తెలిపారు. సాగర్ కుడికాలువకు నీటిని విడుదల చేసిన నేపథ్యంలో నాగులేరుకు కూడా నీటిని విడుదల చేయాలని కోరుతున్నారు. నాగులేరులో నీరు చేరితే భూగర్భ జలాలు పెరిగి బోర్లకు నీరు అందే అవకాశం ఉందని స్థానికులు పేర్కొన్నారు.

Local· 5m ago

మంచి అలవాట్లే మంచి ఆరోగ్యానికి పునాది

AP: అల్లూరి సీతారామరాజు జిల్లా డుంబ్రిగుడ GTWAS (Government Tribal Welfare Ashram School) బాలికల పాఠశాలలో విద్యార్థులకు మంచి అలవాట్లు, ఆరోగ్యంపై పోలీసులు అవగాహన కల్పించారు. ఎస్పీ అమిత్ ఆదేశాల మేరకు ‘అభ్యాస్’ కార్యక్రమం నిర్వహించారు. ఎస్ఐ సురేష్ ‘గుడ్ హ్యాబిట్స్ ఫర్ గుడ్‌హెల్త్’ అంశంపై విద్యార్థులకు సూచనలు చేశారు. రీడింగ్ స్కిల్స్ పెంపొందించుకునేందుకు ప్రతిరోజూ వార్తాపత్రికలు చదవాలని తెలిపారు. మంచి అలవాట్లు, పరిశుభ్రత ఆరోగ్యానికి ఎంతో ఉపయోగపడతాయని వివరించారు.

Local· 27m ago

దాచేపల్లిలో రౌడీషీటర్లకు కౌన్సిలింగ్

AP: పల్నాడు జిల్లా దాచేపల్లి పోలీస్ స్టేషన్‌లో మండల పరిధిలోని రౌడీషీటర్లకు సీఐ ఖాజావలి ఆధ్వర్యంలో కౌన్సిలింగ్ నిర్వహించారు. రౌడీషీటర్ల ప్రవర్తన, కదలికలపై పోలీసులు ప్రత్యేక దృష్టి సారించారు. ఎలాంటి అసాంఘిక కార్యకలాపాలకు పాల్పడకుండా చట్టాన్ని గౌరవించాలని సీఐ సూచించారు. గ్రామాల్లో శాంతిభద్రతలకు విఘాతం కలిగించే గొడవలు, వివాదాలు, అక్రమ కార్యకలాపాలకు దూరంగా ఉండాలని హెచ్చరించారు. యువతను చెడు మార్గాల్లోకి తీసుకెళ్లే చర్యలకు పాల్పడితే కఠిన చర్యలు తప్పవని స్పష్టం చేశారు.

Local· 30m ago

రెసిడెన్షియల్ పాఠశాలలో కలెక్టర్ ఆకస్మిక తనిఖీ

TG: వరంగల్ జిల్లా నెక్కొండలోని తెలంగాణ రెసిడెన్షియల్ స్కూల్ అండ్ జూనియర్ కళాశాలను కలెక్టర్ సత్య శారద ఆదివారం ఆకస్మికంగా తనిఖీ చేశారు. విద్యార్థులకు అందుతున్న విద్యా సదుపాయాలు, బోధనా విధానం, వసతి సౌకర్యాలను పరిశీలించారు. విద్యార్థులతో మాట్లాడి చదువు, వసతి, భోజనం తదితర అంశాలపై వివరాలు తెలుసుకున్నారు. విద్యార్థులకు నాణ్యమైన విద్యతో పాటు మెరుగైన వసతి సౌకర్యాలు అందేలా అధికారులు చర్యలు తీసుకోవాలని కలెక్టర్ సూచించారు. పాఠశాల, కళాశాలలోని సౌకర్యాలపై సంబంధిత అధికారులను వివరాలు అడిగి తెలుసుకున్నారు.