బొజ్జా తారకం పోరాటం చిరస్మరణీయం

By DK· 6h ago

పుట్టుక నీది.. చావు నీది.. బతుకంతా ప్రజానికానిదే అంటూ జీవించిన పీడిత ప్రజానాయకుడు బొజ్జా తారకం 10వ వర్ధంతి సందర్భంగా తెలంగాణ ప్రజాస్వామిక వేదిక కన్వీనర్స్ కమిటీ ఆయన సేవలను స్మరించుకుంటోంది. పీడిత ప్రజల హక్కుల కోసం పనిచేసిన నాయకుడిగా, న్యాయవాదిగా, కవి, రచయితగా, ఉపన్యాసకుడిగా తారకం సేవలను ప్రజాస్వామికవాదులు గుర్తుచేసుకుంటున్నారు. రిపబ్లికన్ పార్టీ అధ్యక్షుడిగా, తెలంగాణ ప్రజాస్వామిక వేదిక కన్వీనర్‌గా పనిచేశారు. క్యాన్సర్‌తో బాధపడిన బొజ్జా తారకం 2016 సెప్టెంబర్ 16న మృతి చెందారు.

More in TG

TG· 19m ago

హైదరాబాద్‌లో ప్రైవేట్ బస్సులకు కొత్త రూల్

TG: హైదరాబాద్‌లో ప్రైవేట్ ట్రావెల్స్ బస్సులను ఇకపై నగర శివార్లలోనే నిలిపేలా ప్రభుత్వం చర్యలు చేపడుతోంది. బస్సుల ఇష్టారాజ్య పార్కింగ్, రాత్రివేళ భారీగా రాకతో ట్రాఫిక్ రద్దీ, కాలుష్యం పెరుగుతున్నాయని మంత్రి పొన్నం ప్రభాకర్ తెలిపారు. నగరానికి నలువైపులా ఆధునిక బస్ టెర్మినల్స్ నిర్మించి, యూజర్ ఛార్జీలతో వాటిని వినియోగించే విధానాన్ని పరిశీలిస్తున్నట్లు చెప్పారు. గాజులరామారంలో 100, శంషాబాద్ వైపు 150 ఎకరాల భూమిని కేటాయించే అంశాన్ని ప్రభుత్వం పరిశీలిస్తోంది.

"అపోజిషన్ శాడిస్టిక్ ప్లెజర్ పొందుతోంది"

▶

TG· 23m ago

"అపోజిషన్ శాడిస్టిక్ ప్లెజర్ పొందుతోంది"

"మంత్రి పొంగులేటి శ్రీనివాస్ రెడ్డి.. నిషేధిత భూములు అనే భూతాన్ని తయారుచేశారని ప్రతిపక్ష నేతలు తప్పుడు ప్రచారం చేస్తున్నారు" అని మండిపడ్డారు తెలంగాణ సీఎం రేవంత్. అసెంబ్లీలో 22-A భూముల అంశంపై మాట్లాడిన ఆయన.. పొంగులేటి మీద ఇలా తప్పుడు ప్రచారం చేసి శాడిస్టిక్ ప్లెజర్ పొందుతున్నారని ప్రతిపక్షాలను టార్గెట్ చేశారు. 22-A భూముల నిషేధిత జాబితా అనేది జెన్యూన్ సమస్య కాదు అన్న సీఎం రేవంత్.. ధరణితో పేదలకు తీరని అన్యాయం జరిగిందని అన్నారు.

TG· 28m ago

హైదరాబాద్‌లో నీటి బిల్లుల పెంపు

TG: హైదరాబాద్‌లో నీరు, మురుగునీటి చార్జీలు ప్రతి ఏడాది 5 శాతం చొప్పున పెరిగే అవకాశం ఉంది. 2011 తర్వాత నీటి చార్జీల్లో పెద్దగా మార్పులు లేకపోవడంతో ఖర్చులు పెరిగాయని HMWSSB అధికారులు చెబుతున్నారు. ప్రతిపాదిత CURE బిల్లు అమల్లోకి వస్తే ఐదేళ్లలో చార్జీలు సుమారు 25 శాతం వరకు పెరగొచ్చు. ప్రస్తుతం నగరానికి రోజుకు 602 MGD నీరు సరఫరా అవుతుండగా డిమాండ్ 750 MGDగా ఉంది. 20 కిలోలీటర్ల వరకు ఉచిత నీరు పొందుతున్న 5 లక్షల కనెక్షన్లపై ఈ పెంపు ఎలా ఉంటుందనేది ప్రభుత్వం నిర్ణయించాలి.

TG· 56m ago

నిజాం పాలన అద్భుతం: సీఎం రేవంత్

నిజాం సర్కార్ అద్భుతమైన పాలన అందించారు అని సీఎం రేవంత్ అన్నారు. అసెంబ్లీలో 22A భూముల వివాదంపై సమాధానం ఇస్తూ ఆయన.. నిజాం సర్కార్.. చివరి 10 నుంచి 12 ఏళ్లు వదిలేస్తే మిగతా 200 ఏళ్లూ అద్భుతంగా పాలించారు అని అన్నారు. తెలంగాణలో 60 శాతం భూములకు కచ్చితమైన హద్దులను నిర్ణయించారన్న సీఎం.. మిగిలిన 40 శాతం భూములకు మాత్రం హద్దులు లేవు అన్నారు. భూ వివాదాల పరిష్కారం కోసం కాస్రా పహాణి తీసుకొచ్చారని సీఎం రేవంత్‌ తెలిపారు.