సింగిల్ ట్రాక్ తిప్పలు... దేవగిరి ఎక్స్‌ప్రెస్ 40 mins లేట్

By M.Malaji· 1d ago· Nizamabad, Nizamabad South, Nizamabad

నిజామాబాద్ రైల్వే స్టేషన్‌కు సాయంత్రం 3:55కు రావాల్సిన దేవగిరి ఎక్స్‌ప్రెస్ 4:20కి వచ్చింది. ప్లాట్‌ఫారమ్ ఒకటిపై ఆగిన ఆ రైలు అదనంగా 20 నిమిషాలు నిలిచి, చివరికి 4:42కి కదిలింది. మొత్తం 40 నిమిషాల ఆలస్యం. సింగిల్ ట్రాక్ ఉండటంతో ఎదురుగా వస్తున్న ఇంటర్ సిటీ కోసం ఆగాల్సి వచ్చిందని ప్రయాణికులు చెబుతున్నారు. ఉప్పల్ వాయిలోనూ ఇదే పరిస్థితి. ముంబై వలస కార్మికులకు దేవగిరి ఏకైక రైలు. ఈ లైన్‌లో డబుల్ ట్రాక్ చేయాలని ప్రయాణికులు డిమాండ్ చేస్తున్నారు.

More in Local

Local· 23m ago

అంగన్వాడీ ఉత్సవాల్లో పోషకాహారంపై అవగాహన

కర్నూలు జిల్లా గూడూరు మండలం తిరువెంగళాయపల్లి అరుంధతివాడలో అంగన్వాడీ ఉత్సవాలు నిర్వహించారు. సేవా సంకల్ప్ అభియాన్‌లో భాగంగా సూపర్‌వైజర్ చెంచులక్ష్మి ఆధ్వర్యంలో కార్యక్రమం జరిగింది. ICDS CDPO ఎస్.కె. మహబూబి పాల్గొని తల్లులకు పోషకాహారంపై అవగాహన కల్పించారు. పిల్లలు, తల్లులు ఆరోగ్యంగా ఉండేందుకు పోషకాలు అందించే ఆహార పదార్థాలను తీసుకోవాలని సూచించారు. కార్యక్రమంలో సూపర్‌వైజర్లు, అంగన్వాడీ టీచర్ ఈశ్వరమ్మ, ఆశాకార్యకర్తలు పాల్గొన్నారు.

Local· 28m ago

వృద్ధుల కోసం అవగాహన ర్యాలీ

వనపర్తిలో అంతర్జాతీయ వృద్ధుల దినోత్సవం సందర్భంగా వృద్ధుల హక్కులు, రక్షణ చట్టాలపై అవగాహన కల్పించేందుకు ర్యాలీ నిర్వహించారు. పాలిటెక్నిక్ కళాశాల మైదానం నుంచి ప్రభుత్వ బాలుర జూనియర్ కళాశాల వరకు జరిగిన ర్యాలీని అదనపు కలెక్టర్ బీమ్యా నాయక్ ప్రారంభించారు. వృద్ధులను నిర్లక్ష్యం చేయకుండా వారి అవసరాలను గుర్తించి అండగా నిలవడం సమాజ బాధ్యత అని ఆయన అన్నారు. కార్యక్రమంలో అధికారులు పాల్గొన్నారు.

Local· 36m ago

శతాధిక వృద్ధుడి మృతి

సిద్దిపేట జిల్లా బెజ్జంకి మండలం గాగిల్లాపూర్ గ్రామంలో విషాదం నెలకొంది. శతాధిక వయసు వరకు జీవించి మూడు తరాలను చూసిన అన్నాడి కృష్ణారెడ్డి 105 ఏళ్ల వయసులో గురువారం కన్నుమూశారు. వృద్ధాప్యంతో ఆయన మృతి చెందడంతో కుటుంబ సభ్యులు, బంధువులు, గ్రామస్తులు తీవ్ర విషాదంలో మునిగిపోయారు. కృష్ణారెడ్డికి ఇద్దరు కుమారులు, మనుమలు ఉన్నారు. ఆయన మృతితో గ్రామంలో విషాద వాతావరణం నెలకొంది. కృష్ణారెడ్డి మృతి పట్ల పలువురు ప్రముఖులు, గ్రామస్తులు ప్రగాఢ సంతాపం వ్యక్తం చేశారు.

Local· 38m ago

హిట్ అండ్ రన్.. ముగ్గురి పరిస్థితి విషమం

మేడ్చల్-మల్కాజ్‌గిరి జిల్లా కుషాయిగూడలో వేగంగా దూసుకొచ్చిన కారు 9 మందిని ఢీకొట్టింది. ఈ ప్రమాదంలో ముగ్గురికి తీవ్ర గాయాలు కాగా, మరో ఆరుగురు గాయపడ్డారు. ఘటన తర్వాత డ్రైవర్ కారు ఆపకుండా అక్కడి నుంచి వెళ్లిపోయినట్లు సమాచారం. పోలీసులు హిట్‌ అండ్‌ రన్ కేసు నమోదు చేసి, ప్రమాదానికి కారణమైన వాహనం, డ్రైవర్ కోసం దర్యాప్తు చేపట్టారు.