తొత్తడాం రామాలయానికి విరాళం

By Jagadeesh· 2h ago· Thota Palem, Vizianagaram Rural, Vizianagaram

విజయనగరం జిల్లా పూసపాటిరేగ మండలం గుంపాం పంచాయతీ తొత్తడాం గ్రామంలో రామాలయ నిర్మాణానికి 2లక్షల విరాళం అందించేందుకు కొవ్వాడ గ్రామ మాజీ సర్పంచ్, జనసేన సీనియర్ నాయకుడు కోట్ల రఘు ముందుకొచ్చారు. గ్రామ పెద్దలు, ఆలయ నిర్మాణ కమిటీ సభ్యులు, జనసేన నాయకులు ఆయనను కలిసి ఆలయ నిర్మాణానికి సహాయం చేయాలని కోరారు. సానుకూలంగా స్పందించిన కోట్ల రఘు 2 లక్షలు అందిస్తానని హామీ ఇచ్చారు. త్వరలో నెల్లిమర్ల MLA లోకం నాగ మాధవి చేతులమీదుగా ఈ మొత్తాన్ని అందజేస్తామని తెలిపారు.

More in Local

Local· 1h ago

గెజిటెడ్ HMల సంఘం జిల్లా అధ్యక్షులుగా సాయన్న

నిర్మల్ జిల్లా గెజిటెడ్ ప్రధానోపాధ్యాయుల సంఘం ఎన్నికలు ఆదివారం పెన్షనర్స్ భవన్‌లో నిర్వహించారు. జిల్లా అధ్యక్షులుగా నర్సాపూర్ MEO సాయన్న, ప్రధాన కార్యదర్శిగా కుబీర్ MEO ఆర్.విజయ్ కుమార్, కోశాధికారిగా రాజశేఖర్ ఎన్నికయ్యారు. రాష్ట్ర కౌన్సిలర్లుగా బాసర MEO జి. మైసాజి, కె.విజయను ఎన్నుకున్నారు. రాష్ట్ర బాధ్యులు తుకారం ఆధ్వర్యంలో ఎన్నికల ప్రక్రియ నిర్వహించారు. గత అధ్యక్షుడు బి. మహేందర్, ప్రధాన కార్యదర్శి సదానందం నూతన కార్యవర్గానికి అభినందనలు తెలిపారు.

Local· 1h ago

60 వేల మందికి అల్పాహారం.. కమ్యూనిటీ కిచెన్

సూర్యాపేట జిల్లాలో రూ.9.60 కోట్లతో కమ్యూనిటీ కిచెన్ రాబోతోంది. మునగాల మండలంలో నిర్మిస్తారు. జిల్లాలోని 1,029 పాఠశాలలు, జూనియర్ కళాశాలల్లోని 60 వేల మంది విద్యార్థులకు ప్రతిరోజూ అల్పాహారం అందుతుంది. అక్టోబర్ 6న ఉప ముఖ్యమంత్రి భట్టి విక్రమార్క, మంత్రి ఉత్తమ్ కుమార్ రెడ్డి శంకుస్థాపన చేయనున్నారు. ఒకే కేంద్రం నుంచి ఆహారం తయారీ, ప్యాకింగ్, రవాణా, పంపిణీ జరుగుతుంది.

Local· 1h ago

పిడుగు పడి గేదె మృతి

అన్నమయ్య జిల్లా రాయచోటి మండలం దిగువ అబ్బవరం గ్రామం దిగువ ఇందుకూరుపల్లెలో ఆదివారం పిడుగు పడటంతో సంబా రమణమ్మకు చెందిన గేదె మృతి చెందింది. చెట్టు కింద గేదెను కట్టివేసి ఉండగా ఒక్కసారిగా పిడుగు పడటంతో అక్కడికక్కడే మృతి చెందింది. గేదె మృతితో సుమారు 1 లక్ష వరకు నష్టం వాటిల్లిందని మహిళా రైతు రమణమ్మ తెలిపారు. ప్రభుత్వం నష్టపరిహారం అందించి ఆదుకోవాలని ఆమె కోరారు.

Local· 1h ago

సుద్ధ వాగులో యథేచ్చగా ఇసుక తవ్వకాలు

నిర్మల్ జిల్లా నర్సాపూర్ జీ మండలం మోతక్‌పల్లి గ్రామ శివారులోని సుద్ధవాగులో ఇసుక అక్రమ రవాణా యథేచ్ఛగా సాగుతున్నట్లు స్థానికులు ఆరోపిస్తున్నారు. భైంసా రూరల్, కుంటాల, నర్సాపూర్ మండలాల సరిహద్దులకు సమీపంలో ఉండటంతో అక్రమార్కులు ఆసరాగా చేసుకుంటున్నారని చెబుతున్నారు. వాగులో దాదాపు 5మీటర్ల లోతు వరకు ఇసుకను తవ్వుతున్నట్లు తెలిపారు. శనివారం రెవెన్యూ అధికారులు దాడులు చేసినా ఆదివారం సెలవు రోజు కావడంతో ఇసుక తవ్వకాలు చేస్తున్నారని స్థానికులు తెలిపారు.