గన్నోర్‌లో ఒకే మట్టి గణేశ్‌.. ఐక్యతతో ఉత్సవాలు

By Digamber Adla· 12h ago· Brahmangaon, Mudhole, Nirmal

TG: నిర్మల్ జిల్లా ముథోల్ మండలం గన్నోర్ గ్రామంలో ఒకే మట్టి గణేశ్‌ విగ్రహాన్ని ఏర్పాటు చేసి వినాయక ఉత్సవాలను నిర్వహిస్తున్నారు. గ్రామ ప్రజలను ఒక్కతాటిపైకి తీసుకువచ్చి ఉత్సవాలను నిర్వహించేలా సర్పంచ్‌ అప్పల రాజు తీసుకున్న చొరవను గ్రామస్థులు అభినందించారు. ఉత్సవాల నిర్వహణ తీరును ముథోల్ ఎస్సై బిట్ల పెర్సిస్‌ కూడా అభినందించారు. పర్యావరణ పరిరక్షణ, శబ్ద కాలుష్య నియంత్రణతో పాటు గ్రామ ఐక్యతకు ప్రాధాన్యం ఇవ్వడం అభినందనీయమని ఆయన పేర్కొన్నారు.

More in Local

Local· 4h ago

ధర్మారంలో డీజేలకు నో.. గణేష్ నిమజ్జనం!

పెద్దపల్లి జిల్లా ధర్మారం మండల కేంద్రంలో వినాయక మండపాలను సీఐ ప్రవీణ్ కుమార్, ఎస్ఐ శ్రీకాంత్ సందర్శించారు. రేపు గణేష్ నిమజ్జనంలో డీజేలకు అనుమతి లేదు. శబ్ద కాలుష్యం వద్దు. సంప్రదాయ బ్యాండ్ మేళాలు వాడాలి. నిమజ్జనం ప్రశాంతంగా జరగాలి. శాంతిభద్రతలకు భంగం కలిస్తే చర్యలు తప్పవు. నిర్వాహకులకు సూచనలు ఇచ్చారు.

Local· 5h ago

గోదావరిలో మునిగి వ్యక్తి మృతి

గోదావరిలో స్నానానికి వెళ్లిన వ్యక్తి మునిగి మృతి చెందాడు. జగిత్యాల జిల్లా ధర్మపురి మండలం తిమ్మాపూర్ గ్రామానికి చెందిన బీసగొని లచ్చయ్య (51). మంగళవారం మధ్యాహ్నం ధర్మపురి సంతోషిమాత ఆలయం సమీపంలో గోదావరిలోకి దిగాడు. ప్రమాదవశాత్తు నీటిలో మునిగిపోయాడు. గజ్జి మల్లేష్ గాలించి బయటకు తీసుకొచ్చాడు. అప్పటికే మృతి చెందినట్లు గుర్తించారు. మృతుడి భార్య పద్మ ఫిర్యాదు మేరకు కేసు నమోదు చేశారు. ధర్మపురి ఎస్ఐ సధాకర్ దర్యాప్తు చేస్తున్నారు.

Local· 5h ago

బయట మలవిసర్జన చేస్తే రూ.1000 ఫైన్!

జగిత్యాల జిల్లాలోని గొల్లపల్లి పంచాయతీ ఫైర్ అయింది. బహిరంగ మలవిసర్జనకు చెక్ పెట్టేందుకు ప్లాన్ రెడీ. బయట మలవిసర్జన చేస్తే రూ.1,000 జరిమానా. హెచ్చరిక బోర్డు కూడా ఏర్పాటు చేశారు. గ్రామం క్లీన్ గా ఉండాలంటే అందరూ సపోర్ట్ చేయాలని పంచాయతీ అధికారులు కోరారు.

Local· 5h ago

జర్నలిస్టు కుటుంబానికి ప్రభుత్వ సపోర్ట్ కావాలి!

గుండెపోటుతో సీనియర్ జర్నలిస్టు శ్రీనివాస్ మృతి. ఆయన కుటుంబాన్ని ప్రభుత్వం ఆదుకోవాలని డిమాండ్. తెలంగాణ మాదిగ జర్నలిస్ట్ ఫోరం, TUWJ నేతలు మహబూబ్ నగర్ జిల్లాలోని నసురుల్లాబాద్‌లో అంత్యక్రియలకు హాజరై నివాళులర్పించారు. కుటుంబాన్ని పరామర్శించారు. కార్యక్రమంలో బూర్గుల నాగేందర్ మాదిగ, బొల్లెపోగు రాజేష్ మాదిగ, మధు, నాగరాజు గౌడ్, రఫీ, కటికె రవీందర్, పానుగంటి సురేందర్ తదితరులు పాల్గొన్నారు.