HYD ట్రాఫిక్‌కు చెక్‌..కొత్తగా నాలుగు టెర్మినల్స్‌

By Prashanth· 2h ago

TG: HYD నగరంలో నాలుగు ప్రాంతాల్లో ఆధునిక బస్సు టెర్మినల్స్‌ ఏర్పాటు చేయనున్నట్లు మంత్రి పొన్నం ప్రభాకర్ తెలిపారు. గాజులరామారం, శంషాబాద్‌, ఎల్బీనగర్‌, ఘట్కేసర్‌లో టెర్మినల్స్‌ నిర్మించనున్నట్లు చెప్పారు. కర్ణాటక, ఆంధ్రప్రదేశ్‌, మహారాష్ట్ర నుంచి వచ్చే interstate, interdistrict బస్సులను నగరంలోకి రాకుండా టెర్మినల్స్‌ వద్దే నిలిపేలా ప్రణాళిక రూపొందిస్తున్నట్లు వెల్లడించారు. అక్కడి నుంచి ప్రయాణికులు సిటీ బస్సులు, MMTS, మెట్రో ద్వారా నగరంలోకి వెళ్లేలా రవాణా సౌకర్యాలు కల్పించనున్నట్లు తెలిపారు.

More in TG

TG· 18m ago

హైదరాబాద్‌లో ప్రైవేట్ బస్సులకు కొత్త రూల్

TG: హైదరాబాద్‌లో ప్రైవేట్ ట్రావెల్స్ బస్సులను ఇకపై నగర శివార్లలోనే నిలిపేలా ప్రభుత్వం చర్యలు చేపడుతోంది. బస్సుల ఇష్టారాజ్య పార్కింగ్, రాత్రివేళ భారీగా రాకతో ట్రాఫిక్ రద్దీ, కాలుష్యం పెరుగుతున్నాయని మంత్రి పొన్నం ప్రభాకర్ తెలిపారు. నగరానికి నలువైపులా ఆధునిక బస్ టెర్మినల్స్ నిర్మించి, యూజర్ ఛార్జీలతో వాటిని వినియోగించే విధానాన్ని పరిశీలిస్తున్నట్లు చెప్పారు. గాజులరామారంలో 100, శంషాబాద్ వైపు 150 ఎకరాల భూమిని కేటాయించే అంశాన్ని ప్రభుత్వం పరిశీలిస్తోంది.

"అపోజిషన్ శాడిస్టిక్ ప్లెజర్ పొందుతోంది"

▶

TG· 22m ago

"అపోజిషన్ శాడిస్టిక్ ప్లెజర్ పొందుతోంది"

"మంత్రి పొంగులేటి శ్రీనివాస్ రెడ్డి.. నిషేధిత భూములు అనే భూతాన్ని తయారుచేశారని ప్రతిపక్ష నేతలు తప్పుడు ప్రచారం చేస్తున్నారు" అని మండిపడ్డారు తెలంగాణ సీఎం రేవంత్. అసెంబ్లీలో 22-A భూముల అంశంపై మాట్లాడిన ఆయన.. పొంగులేటి మీద ఇలా తప్పుడు ప్రచారం చేసి శాడిస్టిక్ ప్లెజర్ పొందుతున్నారని ప్రతిపక్షాలను టార్గెట్ చేశారు. 22-A భూముల నిషేధిత జాబితా అనేది జెన్యూన్ సమస్య కాదు అన్న సీఎం రేవంత్.. ధరణితో పేదలకు తీరని అన్యాయం జరిగిందని అన్నారు.

TG· 26m ago

హైదరాబాద్‌లో నీటి బిల్లుల పెంపు

TG: హైదరాబాద్‌లో నీరు, మురుగునీటి చార్జీలు ప్రతి ఏడాది 5 శాతం చొప్పున పెరిగే అవకాశం ఉంది. 2011 తర్వాత నీటి చార్జీల్లో పెద్దగా మార్పులు లేకపోవడంతో ఖర్చులు పెరిగాయని HMWSSB అధికారులు చెబుతున్నారు. ప్రతిపాదిత CURE బిల్లు అమల్లోకి వస్తే ఐదేళ్లలో చార్జీలు సుమారు 25 శాతం వరకు పెరగొచ్చు. ప్రస్తుతం నగరానికి రోజుకు 602 MGD నీరు సరఫరా అవుతుండగా డిమాండ్ 750 MGDగా ఉంది. 20 కిలోలీటర్ల వరకు ఉచిత నీరు పొందుతున్న 5 లక్షల కనెక్షన్లపై ఈ పెంపు ఎలా ఉంటుందనేది ప్రభుత్వం నిర్ణయించాలి.

TG· 54m ago

నిజాం పాలన అద్భుతం: సీఎం రేవంత్

నిజాం సర్కార్ అద్భుతమైన పాలన అందించారు అని సీఎం రేవంత్ అన్నారు. అసెంబ్లీలో 22A భూముల వివాదంపై సమాధానం ఇస్తూ ఆయన.. నిజాం సర్కార్.. చివరి 10 నుంచి 12 ఏళ్లు వదిలేస్తే మిగతా 200 ఏళ్లూ అద్భుతంగా పాలించారు అని అన్నారు. తెలంగాణలో 60 శాతం భూములకు కచ్చితమైన హద్దులను నిర్ణయించారన్న సీఎం.. మిగిలిన 40 శాతం భూములకు మాత్రం హద్దులు లేవు అన్నారు. భూ వివాదాల పరిష్కారం కోసం కాస్రా పహాణి తీసుకొచ్చారని సీఎం రేవంత్‌ తెలిపారు.