కుట్టుమిషన్’ పథకానికి పోటెత్తిన మహిళలు

By A.Ajay· 2h ago

TG: రాష్ట్ర ప్రభుత్వం BC మహిళల కోసం చేపట్టిన ‘ఇంటింటా ఇందిరమ్మ కుట్టు మిషన్’ పథకానికి భారీగా అప్లికేషన్లు వచ్చాయి. సెప్టెంబర్ 30 నాటికి 4.70 లక్షలకు పైగా అప్లికేషన్లు వచ్చినట్లు సమాచారం. రాష్ట్రంలోని 119 నియోజకవర్గాల్లో ఒక్కో నియోజకవర్గానికి 1,000 చొప్పున మొత్తం 1.19 లక్షల ఆటోమేటిక్ కుట్టుమిషన్లు ఇవ్వనున్నారు. మిషన్ విలువ సుమారు 12 వేలు కాగా, 100 శాతం సబ్సిడీపై అందించనున్నారు. 18 నుంచి 55 ఏళ్ల BC మహిళలు ఈ పథకానికి అర్హులు.

More in TG

దానం నాగేందర్‌కు వ్యతిరేకంగా ఫ్లెక్సీలు!

▶

TG· just now

దానం నాగేందర్‌కు వ్యతిరేకంగా ఫ్లెక్సీలు!

TG: ఢిల్లీలోని తెలంగాణ భవన్‌ గేటు వద్ద దానం నాగేందర్‌కు వ్యతిరేకంగా ఫ్లెక్సీలు ఏర్పాటు చేయడం కలకలంగా మారింది. ఖైరతాబాద్‌కు చెందిన కాంగ్రెస్‌ నాయకుడి పేరుతో ఉన్న ఈ ఫ్లెక్సీల్లో దానం నాగేందర్‌పై విమర్శలు చేశారు. గతంలో BRS తరఫున ఖైరతాబాద్‌ నుంచి గెలిచి కాంగ్రెస్‌లో చేరిన విషయాన్ని ప్రస్తావించారు. మళ్లీ ఖైరతాబాద్‌ నుంచి పోటీ చేస్తే డిపాజిట్‌ కూడా రాదంటూ ఫ్లెక్సీలో పేర్కొన్నారు. ప్రస్తుతం ఈ ఫ్లెక్సీలు రాజకీయ వర్గాల్లో చర్చగా మారాయి.

మంత్రి కాళ్లపై పడి వేడుకున్నా పట్టించుకోలేదు

▶

TG· 29m ago

మంత్రి కాళ్లపై పడి వేడుకున్నా పట్టించుకోలేదు

TG : తెలంగాణ సాంస్కృతిక సారథిలో అర్హులైన 1,000 మందికి జాబ్స్ ఇవ్వాలని కళాకారులు డిమాండ్ చేశారు. హైదరాబాద్ రవీంద్రభారతిలోని మంత్రి జూపల్లి కృష్ణారావు ఆఫీస్ ముందు రెండో రోజు కూడా ప్రొటెస్ట్ చేశారు. బయటకు వెళ్తున్న మంత్రిని, ఆయన కార్‌ను అడ్డుకున్నారు. తమకు న్యాయం చేయాలని కాళ్లపై పడి రిక్వెస్ట్ చేసినా మంత్రి పట్టించుకోకుండా, వాళ్లని పక్కకి తోసుకుంటూ వెళ్ళిపోయారని కళాకారులు ఆవేదన చెందుతున్నారు.

TG· 44m ago

అక్టోబర్ 7న బి.నర్సింగరావుకు గౌరవ డాక్టరేట్

TG: తెలంగాణ సినిమా ఘనతను అంతర్జాతీయ స్థాయిలో చాటిచెప్పిన దర్శక నిర్మాత బి.నర్సింగరావుకు హైదరాబాద్‌లోని డాక్టర్ బి.ఆర్.అంబేద్కర్ ఓపెన్ యూనివర్సిటీ గౌరవ డాక్టరేట్ ఇవ్వబోతోంది. ‘మా భూమి’, ‘రంగులకల’, ‘దాసి’, ‘మట్టిమనుషులు’ తదితర చిత్రాలతో ఆయన అందరికీ సుపరిచితులు. అక్టోబర్ 7న తెలంగాణ గవర్నర్‌, యూనివర్సిటీ ఛాన్స్‌లర్‌ శివ ప్రతాప్ శుక్లా దీన్ని అందిస్తారని యూనివర్సిటీ వైస్ ఛాన్సలర్ ఘంటా చక్రపాణి తెలిపారు.

▶

TG· 1h ago

ECపై దానం నాగేందర్‌ షాకింగ్ కామెంట్స్

TG: ఓట్ల తొలగింపుపై Ex MLA దానం నాగేందర్ ఎన్నికల కమిషన్‌పై తీవ్ర ఆరోపణలు చేశారు. ఎన్నికల కమిషన్‌ వైఖరి మార్చుకోకపోతే ఎన్నికల కమిషన్‌ కార్యాలయంతో పాటు హైదరాబాద్‌ నగరం తగలబడిపోతుందని వ్యాఖ్యానించారు. ఎన్నికల కమిషన్‌ అధికారులు BJPతో కలిసి తమ ఓట్లు తొలగించారని ఆరోపించారు. తన డివిజన్‌లోనే 20 వేల ఓట్లు తొలగించారని మాట్లాడుతూ.. బాధ్యులైన అధికారులపై క్రిమినల్ చర్యలు తీసుకోవాలని డిమాండ్ చేశారు.