జగిత్యాలలో అమారత్ అధ్యక్ష ఎన్నికలకు కౌంట్‌డౌన్

By Srikanth· 1h ago· Jagitial

జగిత్యాలలో అమారత్-ఎ-మిల్లత్-ఎ-ఇస్లామియా అధ్యక్ష ఎన్నికలకు ఏర్పాట్లు పూర్తయ్యాయని ఎలక్షన్ కమిషనర్ మసియుద్దీన్ అఫ్సర్ తెలిపారు. అక్టోబర్ 9న మధ్యాహ్నం 1.30 గంటలకు 25 మసీదుల్లో పోలింగ్ జరగనుండగా, TR నగర్‌‌లోని 3 మసీదులను మినహాయించారు. ఓటర్ ఐడీతో వచ్చి ఓటు వేయాలని కోరారు. మెట్‌పల్లి, సిద్దిపేట, హుజూరాబాద్ తదితర ప్రాంతాల నుంచి అబ్జర్వర్లను ఆహ్వానించినట్లు తెలిపారు.

More in Local

Local· 3m ago

నవంబర్ 5న ఛలో విజయవాడ.. JAC కీలక ప్రకటన

తూర్పుగోదావరి జిల్లా రాజమహేంద్రవరంలో జరిగిన మహాగర్జన సదస్సులో కాంట్రాక్ట్, ఔట్‌సోర్సింగ్ ఉద్యోగుల సమస్యలపై JAC నేతలు కీలక నిర్ణయం ప్రకటించారు. సమస్యలు పరిష్కరించాలని నవంబర్ 5న ఛలో విజయవాడ కార్యక్రమం చేపట్టనున్నట్లు ఏపీ కాంట్రాక్ట్, ఔట్‌సోర్సింగ్ ఎంప్లాయిస్ అండ్ టీచర్స్ JAC తెలిపింది. రాష్ట్రవ్యాప్తంగా 3.5 లక్షల మంది ఉద్యోగులతో ఉద్యమాన్ని మరింత ఉధృతం చేస్తామని చెప్పారు. సమాన పనికి సమాన వేతనం, తదితర డిమాండ్లను ప్రభుత్వం పరిష్కరించాలని కోరారు.

Local· 5m ago

ఏకగ్రీవంగా ఎన్నికైన పలివెల సత్యనారాయణ

బి.ఆర్. అంబేద్కర్ కోనసీమ జిల్లా మాదిగ లాయర్స్ ఫెడరేషన్ అధికార ప్రతినిధిగా రామచంద్రపురానికి చెందిన న్యాయవాది పలివెల సత్యనారాయణ ఏకగ్రీవంగా ఎన్నికయ్యారు. అమలాపురంలో జరిగిన ఎన్నికల ప్రక్రియలో ఫెడరేషన్ జాతీయ అధ్యక్షులు వీరదాసు వెంకటరత్నం, జాతీయ అధికార ప్రతినిధి ప్రసాదరావు సమక్షంలో ఆయనను ఎన్నుకున్నారు. గతంలో ఉమ్మడి తూర్పుగోదావరి జిల్లా మాదిగ లాయర్స్ ఫెడరేషన్ ఉపాధ్యక్షుడిగా సత్యనారాయణ బాధ్యతలు నిర్వర్తించారు.

Local· 5m ago

జడ్జీల రిటైర్మెంట్ వయస్సు 62కి పెంపు

రాష్ట్ర గవర్నర్ ఈ నెల 1న ఆర్డినెన్స్ జారీ చేశారు. న్యాయాధికారుల పదవీ విరమణ వయస్సు 61 నుంచి 62 ఏళ్లకు పెంపు. ఇది 31-03-2026 నుంచి అమల్లోకి వస్తుంది. గతంలో 01-11-2024 నుంచి 60 నుంచి 61 ఏళ్లకు పెంచారు. సుప్రీంకోర్టు ఆగస్టు 5న మధ్యంతర ఉత్తర్వులు జారీ చేసింది. ఆగస్టు 24న ఏపీ హైకోర్టు పూర్తిస్థాయి సమావేశంలో 62 ఏళ్లకు పెంచాలని తీర్మానించింది. సుప్రీంకోర్టు, హైకోర్టు సిఫారసుల మేరకు ప్రభుత్వం ఆర్డినెన్స్ జారీ చేసిందని మంత్రి ఫరుక్ తెలిపారు.

Local· 7m ago

ద్రాక్షారామ ఆలయ అన్నదానానికి భారీ విరాళం

తూర్పుగోదావరి జిల్లా ద్రాక్షారామ శ్రీ మాణిక్యాంబ సమేత శ్రీ భీమేశ్వర స్వామి దేవస్థానంలోని నిత్య అన్నదాన ట్రస్ట్‌కు ఇద్దరు దాతలు 2,00,232 విరాళం అందించారు. విశాఖపట్నానికి చెందిన ప్రసాద్ రావు 1,00,116, మునగండకు చెందిన భమిడి వెంకట కృష్ణచైతన్య 1,00,116 విరాళంగా ఇచ్చారు. దాతలకు ఆలయ సహాయ కమిషనర్, ఈఓ అల్లు వెంకట దుర్గా భవాని స్వామివారి చిత్రపటం, ప్రసాదం అందించి అభినందించారు.