సంగీత దర్శకుడు దేవా కన్నుమూత

By Vishi· 3h ago· Cinemaexpress

ప్రసిద్ధ సంగీత దర్శకుడు, గాయకుడు దేవా(75) చెన్నైలో కన్నుమూశారు. ఉదయం తీవ్ర అస్వస్థతకు గురికావడంతో ఆయనను చెన్నైలోని సూర్య ఆసుపత్రికి తరలించగా, చికిత్స పొందుతూ మరణించారు. 1990 కాలంలో తమిళ సినీ సంగీతంలో ఆయన సరికొత్త ఒరవడి సృష్టించారు. తెలుగులో ‘తొలిప్రేమ’, ‘మాస్టర్’, ‘ఆటోడ్రైవర్’, ‘నాగ’, ‘విజయదశమి’ తదితర తెలుగు చిత్రాలకు ఆయన సంగీతం అందించారు. వీటితోపాటు తమిళంలోనుంచి తెలుగులోకి అనువాదమైన ‘బాషా’, ‘ప్రేమలేఖ’, ‘ఆశ ఆశ ఆశ’ చిత్రాలు తెలుగులో ఆయనకు గుర్తింపు తెచ్చాయి.

More in Entertainment

▶

Entertainment· 3h ago

'ఆకాశంలో ఒక తార’ టీజర్‌ విడుదల

దుల్కర్‌ సల్మాన్‌ నటిస్తున్న చిత్రం ‘ఆకాశంలో ఒక తార’ టీజర్‌ ప్రేక్షకులను ఆకట్టుకుంటోంది. కలలు కనడం, వాటిని నిజం చేసుకునేందుకు కష్టపడటం, ప్రోత్సాహంతో ముందుకు సాగడం వంటి భావాలతో టీజర్‌ సాగింది. పవన్‌ సాదినేని దర్శకత్వం వహిస్తున్న ఈ చిత్రంలో సాత్విక వీరవల్లి, శ్రుతి హాసన్‌ కీలక పాత్రల్లో నటిస్తున్నారు. జీవీ ప్రకాశ్‌ కుమార్‌ సంగీతం అందిస్తున్నారు. ఈ సినిమా నవంబర్‌ 20న థియేటర్లలో విడుదల కానుంది.

Entertainment· 23h ago

జయమ్మ పాత్ర స్ఫూర్తితో పేదలకు రష్మిక సాయం

నటి రష్మిక ‘రణబాలి’ సినిమాలోని జయమ్మ పాత్ర స్ఫూర్తితో ‘అన్నపూర్ణ’ పేరుతో సేవా కార్యక్రమాన్ని చేపట్టారు. ఇందులో భాగంగా 8 ప్రాంతాల్లోని 400 కుటుంబాలకు మూడు నెలలకు సరిపడా నిత్యావసర సరుకులు అందించారు. ఈ కార్యక్రమాన్ని ఏడాది పాటు కొనసాగించాలని నిర్ణయించుకున్నారు. సరుకుల కోసం ఖర్చు చేసే డబ్బును ఆదా చేసుకుని కుటుంబాలు భవిష్యత్తు అవసరాలకు ఉపయోగించుకోవాలని ఆమె ఆశిస్తున్నారు. తనను చూసి మరికొందరు కూడా పేదలకు సాయం చేయాలని రష్మిక కోరారు.

Entertainment· 1d ago

పెళ్లికి ముందే తల్లిని కావాలనుంది: అనుపమ

నటి అనుపమ పరమేశ్వరన్ తన పెళ్లి, కుటుంబ జీవితం, సినిమాల గురించి ఆసక్తికర విషయాలు చెప్పారు. తన పెళ్లి విషయంలో ఇంట్లో ఎలాంటి ఒత్తిడి లేదని, తనకు ఇష్టమైనప్పుడు పెళ్లి చేసుకోవచ్చని కుటుంబ సభ్యులు చెబుతారని తెలిపారు. కానీ నాకు పెళ్లికి ముందే బిడ్డను కనాలని ఉంది అని చెప్పారు. పెళ్లి అంటే ఇద్దరు సంతోషంగా కలిసి జీవించడమే కానీ, అమ్మాయిని ఇంటి పనులకే పరిమితం చేయడం కాదన్నారు. ‘క్రేజీ కల్యాణం’ సినిమా ప్రమోషన్లలో ఆమె ఈ విషయాలు పంచుకున్నారు.

Entertainment· 1d ago

ఇతరుల అభిప్రాయాల గురించి పట్టించుకోను: మీనాక్షి

నటి మీనాక్షి చౌదరి తన జీవిత అనుభవాలను పంచుకున్నారు. ఇతరులు ఏమనుకుంటారో అని ఆలోచించకుండా, తన లక్ష్యాలను చేరుకోవడంపైనే దృష్టి పెడతానని చెప్పారు. ఎన్నిసార్లు విఫలమైనా ప్రయత్నించడం ఆపలేదన్నారు. రోజువారీ జీవితంలోనే ఎన్నో ఒత్తిళ్లు ఉంటాయని, ఇతరుల అభిప్రాయాల గురించి ఆలోచిస్తూ వాటిని పెంచుకోవద్దని సూచించారు. తన కోసం తాను కష్టపడతానని తెలిపారు. నాగచైతన్యతో కలిసి ఆమె నటిస్తున్న ‘వృషకర్మ’ సినిమా డిసెంబరులో విడుదల కానుంది.