TDP ఎమ్మెల్యే వివాదాస్పద కామెంట్స్.. వీడియో వైరల్

By Vishi· 14h ago

AP: రాష్ట్రంలో స్థానిక ఎన్నికలకు సంబంధించి టీడీపీ, జనసేన, బీజేపీల్లో ఎవరు ఎన్నెన్ని స్థానాల్లో పోటీ చేయాలని నిర్ణయం కుదిరింది. ఈ టైంలో రాజాం టీడీపీ ఎమ్మెల్యే కొండ్రు మురళీమోహన్ వీడియో వైరల్‌గా మారింది. జనసేన, బీజేపీలకు స్థానాలు కేటాయిస్తే, టీడీపీ వాళ్ళు ఆ పార్టీల్లో జాయిన్ చేసి అక్కడ కూడా మనమే పోటీ చేయాలంటూ ఆయన చెప్తున్నట్లు ఆ వీడియోలో ఉంది. ఇప్పటికే తగిన ప్రాధాన్యం లేదంటూ డీలా పడ్డ జనసేన నేతలకు ఈ విషయం మరింత ఇబ్బంది కలిగిస్తోందనే చర్చ సాగుతోంది.

More in AP

AP· 1h ago

సాయికృష్ణ కేసు CBIకి.. జగన్ కీలక స్పందన

గాడే సాయికృష్ణ పోలీసుల అదుపులో ఉండగా మృతి చెందిన కేసును CBIకి అప్పగిస్తూ ఏపీ హైకోర్టు ఆదేశించింది. సాయికృష్ణ తల్లికి నాలుగు వారాల్లో రూ.25 లక్షలు చెల్లించాలని ప్రభుత్వాన్ని ఆదేశించింది. కేసు రికార్డులను వారం రోజుల్లో CBIకి అందించాలని DGPకి సూచించింది. తప్పు చేసిన పోలీసులపై చర్యలు తీసుకోవాలని స్పష్టం చేసింది. ఈ తీర్పుపై YSRCP అధినేత జగన్‌మోహన్ రెడ్డి Xలో స్పందిస్తూ, బాధ్యులందరిపై చర్యలు తీసుకోవాలని డిమాండ్ చేశారు.

AP· 2h ago

విజయవాడలో తొలిరోజు 19 నామినేషన్లే..

విజయవాడలోని 86 డివిజన్లకు నామినేషన్ల ప్రక్రియ కోనసాగుతుంది. తొలిరోజు కేవలం 19 నామినేషన్లే దాఖలయ్యాయి. కూటమి పార్టీల మధ్య సీట్ల పంపకం ఖరారు కాకపోవడంతో నామినేషన్లు తక్కువగా వచ్చాయి. YCP నుంచి 12, TDP నుంచి 4, జనసేన నుంచి 2, BJP నుంచి ఒకరు నామినేషన్ వేశారు. మేయర్ పదవికి ఒక్క నామినేషన్ కూడా దాఖలు కాలేదు. ఆదివారం గడువు ముగియనుండటంతో చివరి రోజుల్లో నామినేషన్లు పెరిగే అవకాశం ఉంది.

AP· 2h ago

ఏపీకి వర్ష సూచన.. తుఫానుగా మారేనా?

AP: ఈ నెల 24న బంగాళాఖాతంలో, 25 లేదా 26న అరేబియా సముద్రంలో అల్పపీడనాలు ఏర్పడే అవకాశం ఉందని వాతావరణ నిపుణులు చెబుతున్నారు. వీటిలో ఒకటి బలపడి వాయుగుండం లేదా తుఫానుగా మారొచ్చని అంచనా వేస్తున్నారు. మరోవైపు, ఇవాళ, రేపు కోస్తాంధ్ర, రాయలసీమలో వర్షాలు, కొన్ని చోట్ల భారీ వర్షాలు కురిసే అవకాశం ఉంది. డిసెంబరులో ఎల్‌నినో ప్రభావంతో ఎండలు పెరిగే అవకాశముందని నిపుణులు చెబుతున్నారు.

AP· 2h ago

ఆయుష్ శాఖలో మహిళా అధికారికి వేధింపులు!

AP: విశాఖలో ఆయుష్ శాఖకు చెందిన మహిళా అధికారిని అదే శాఖలోని ఉన్నతాధికారి వేధించినట్లు ఆరోపణలు వచ్చాయి. కారులో ప్రయాణిస్తున్నప్పుడు అసభ్యంగా మాట్లాడటంతో పాటు, అభ్యంతరకరంగా తాకినట్లు బాధితురాలు తెలిపింది. ఈ విషయంపై కుటుంబ సభ్యులు, సహోద్యోగులకు చెప్పి ఆవేదన వ్యక్తం చేసింది. వారి సూచనతో రెండు రోజుల క్రితం ఆయుష్ కమిషనర్‌కు ఈ-మెయిల్ ద్వారా ఫిర్యాదు చేశారు.