భగత్ సింగ్ ఆశయాలను కొనసాగించాలి

By RAJKUMAR· 2h ago· Mandamarrri, Mandamarri, Mancherial

మంచిర్యాల జిల్లా మందమర్రి గర్ల్స్ హైస్కూల్‌లో ప్రజాసేవ వెల్ఫేర్ సొసైటీ ఆధ్వర్యంలో షహీద్ భగత్ సింగ్ జయంతి వేడుకలు ఘనంగా జరిగాయి. భగత్ సింగ్ చిత్రపటానికి పూలమాలలు వేసి నివాళులర్పించారు. విద్యార్థులకు ఆయన త్యాగాలు, జీవిత ఆశయాలను వివరించారు. భగత్ సింగ్ దేశం కోసం చేసిన త్యాగం ప్రతి యువతకు స్ఫూర్తిదాయకమని సొసైటీ సభ్యులు అన్నారు. "ఇంకిలాబ్ జిందాబాద్" నినాదంతో యువతలో దేశభక్తి నింపారని తెలిపారు.

More in Local

Local· just now

రోడ్డు ప్రమాదంలో ఒకరు మృతి

సిద్దిపేట జిల్లా బెజ్జంకి మండలం గుగ్గిళ్ల చౌరస్తా సమీపంలో రాజీవ్ రహదారిపై ఆదివారం రాత్రి ప్రమాదం జరిగింది. బెజ్జంకికి చెందిన తిప్పారపు సురేష్ (45) ద్విచక్ర వాహనంపై కరీంనగర్ నుంచి సిద్దిపేటకు వెళ్తుండగా గుర్తుతెలియని వాహనం ఢీకొట్టింది. తీవ్రంగా గాయపడిన ఆయనను సిద్దిపేట ప్రభుత్వ ఆసుపత్రి నుంచి గాంధీ ఆసుపత్రికి తరలించారు. సోమవారం 3:01amకి చికిత్స పొందుతూ మృతి చెందారు. మృతుడికి భార్య రజిత, ఇద్దరు కుమారులు ఉన్నారు. కుటుంబసభ్యుల ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.

Local· 17m ago

జాతీయ కరాటేలో శ్రీచైతన్య స్టూడెంట్స్ ధమాకా!

వరంగల్ జిల్లాలోని కాజీపేటలో జరిగిన జాతీయ ఓపెన్ కరాటే ఛాంపియన్‌షిప్-2026లో నర్సంపేట శ్రీచైతన్య ఈ-టెక్నో స్కూల్ విద్యార్థులు సత్తా చాటారు. జి. వేదాన్షి, ఎం. సంజు యాదవ్ రజత పతకాలు గెలుచుకున్నారు. ఎం. చాణిక్య కాంస్య పతకం దక్కించుకున్నారు. కరాటే మాస్టర్ షేక్ జానీ శిక్షణలో ఈ ప్రతిభ సాధించారు. ఏజీఎం పద్మాకర్, ప్రిన్సిపాల్ అమర్నాథ్, ఉపాధ్యాయులు విజేతలను అభినందించారు.

Local· 22m ago

జాషువాకు భారతరత్న ఇవ్వాలి: డిమాండ్

మహాకవి గుర్రం జాషువాకు భారతరత్న ఇవ్వాలని దళిత ప్రజాసంఘాల జేఏసీ డిమాండ్ చేసింది. వరంగల్ జిల్లాలోని పాకాల జంక్షన్‌లో జాషువా 131వ జయంతి నిర్వహించారు. సామాజిక అసమానతలపై ఆయన కలం ఆయుధమని, 'గబ్బిలం' రచన ప్రజల్లో చైతన్యం తెచ్చిందని కొనియాడారు. కార్యక్రమంలో జేఏసీ కన్వీనర్ డా. గద్ద వెంకటేశ్వర్లు, ప్రణయ్‌దీప్ మాదిగ, అందే రవి, చింతం సిద్దు పాల్గొన్నారు.

Local· 29m ago

పోషణ మాసం.. సీమంతాలు, అక్షరాభ్యాసాలు

ఖమ్మం జిల్లా వేంసూరు మండలం కందుకూరు గ్రామంలో మెగా పోషణ మాసం జరిగింది. సెక్టార్ సూపర్‌వైజర్ వసంత అధ్యక్షతన నిర్వహించిన ఈ కార్యక్రమంలో ఆహార పదార్థాల స్టాళ్లు ఏర్పాటు చేశారు. 12 మంది గర్భిణులకు సామూహిక సీమంతాలు, 12 మంది చిన్నారులకు అక్షరాభ్యాసం చేశారు. పోషకాహార ప్రాధాన్యతపై సీడీపీఓ సత్యవతి తల్లులకు అవగాహన కల్పించారు. సర్పంచ్ వెంకటరెడ్డి చీర, సారె, పూలు, పండ్లు అందజేశారు. కార్యక్రమంలో గ్రామస్తులతో పాటు అంగన్‌వాడీ సిబ్బంది పాల్గొన్నారు.