జాతీయ కరాటేలో శ్రీచైతన్య స్టూడెంట్స్ ధమాకా!

By A VIJAY KUMAR· 2h ago· Narsampet (Ct), Narsampet, Warangal

వరంగల్ జిల్లాలోని కాజీపేటలో జరిగిన జాతీయ ఓపెన్ కరాటే ఛాంపియన్‌షిప్-2026లో నర్సంపేట శ్రీచైతన్య ఈ-టెక్నో స్కూల్ విద్యార్థులు సత్తా చాటారు. జి. వేదాన్షి, ఎం. సంజు యాదవ్ రజత పతకాలు గెలుచుకున్నారు. ఎం. చాణిక్య కాంస్య పతకం దక్కించుకున్నారు. కరాటే మాస్టర్ షేక్ జానీ శిక్షణలో ఈ ప్రతిభ సాధించారు. ఏజీఎం పద్మాకర్, ప్రిన్సిపాల్ అమర్నాథ్, ఉపాధ్యాయులు విజేతలను అభినందించారు.

More in Local

Local· 1m ago

ఊరికి పోవాలంటే ప్రాణం గుప్పెట్లో పెట్టుకుని...

పోలవరం జిల్లా దేవీపట్నం మండలంలోని గుప్పనపల్లి, లక్ష్మీపురం గ్రామాల ప్రజలు రాకపోకలకు ఇబ్బందులు పడుతున్నారు. గుప్పనపల్లి నుంచి వెలగపల్లి వెళ్లే మార్గంలో కాలువ ఉంది. భారీ వర్షాలకు వరద ఉధృతంగా ప్రవహిస్తోంది. దీంతో ప్రజలు ప్రాణాలను అరచేతిలో పెట్టుకుని ప్రయాణిస్తున్నారు. వరద పెరిగినప్పుడల్లా రాకపోకలు నిలిచిపోతున్నాయి. శాశ్వత పరిష్కారంగా గుప్పనపల్లి–వెలగపల్లి మధ్య బ్రిడ్జి నిర్మించాలని గిరిజన ప్రజలు కోరుతున్నారు.

Local· 1h ago

కాంట్రాక్ట్ వర్కర్లకు 30వేల మినిమం వేజ్...

మహబూబ్ నగర్ జిల్లాలోని జడ్చర్లలో మున్సిపల్ యూనియన్ సమావేశం జరిగింది. 2వ పీఆర్సీలో కాంట్రాక్ట్, ఔట్సోర్సింగ్ కార్మికులు, ఉద్యోగులకు కనీస వేతనం 30 వేలు, డీఏ ఇవ్వాలని రాష్ట్ర కార్యదర్శి ఆకుల వెంకటేష్ డిమాండ్ చేశారు. పెరిగిన నిత్యావసరాలు, అద్దెలు, విద్య, వైద్య ఖర్చుల దృష్ట్యా వేతనాలు పెంచాలన్నారు. ఈపీఎఫ్ బకాయిలు జమ చేయాలని, డ్రెస్సులు, సబ్బులు, నూనెలు, పనిముట్లు అందించాలని కోరారు. Dec 1-3 ఢిల్లీ ధర్నా, 9న సదస్సును విజయవంతం చేయాలని పిలుపునిచ్చారు.

Local· 1h ago

ఒడిస్సా రూట్ ఓపెన్.. ఊపిరి పీల్చుకున్న డ్రైవర్లు

పోలవరం జిల్లా చింతూరు మండలంలోని జాతీయ రహదారిపై వరద నీరు చేరింది. దీంతో ఐదు రోజులుగా ఆంధ్రా నుంచి ఒడిస్సాకు రాకపోకలు బంద్ అయ్యాయి. నిమ్మలగూడెం, ఎర్రంపేట, చట్టి వద్ద వందలాది వాహనాలు నిలిచిపోయాయి. సోమవారం నీరు కొంత తగ్గింది. దీంతో రాకపోకలు యథావిధిగా మళ్లీ స్టార్ట్ అయ్యాయి. ఐదు రోజులుగా ఇబ్బందులు పడిన వాహనదారులు ఊపిరి పీల్చుకున్నారు.

Local· 1h ago

దళిత సర్పంచ్‌కు వేధింపులు.. చర్యలకు KVPS డిమాండ్

వికారాబాద్ జిల్లా యాలాల మండలం ఎనికెపల్లి గ్రామ దళిత మహిళా సర్పంచ్ స్వరూపను వేధింపులకు గురిచేస్తున్నారు. పంచాయతీ నిధులను అక్రమంగా విత్‌డ్రా చేసినట్లు కార్యదర్శి శేఖర్‌పై ఆరోపణలు ఉన్నాయి. ఈ నేపథ్యంలో కార్యదర్శిని వెంటనే సస్పెండ్ చేయాలని కేవీపీఎస్ జిల్లా ప్రధాన కార్యదర్శి ఉప్పలి మల్కయ్య డిమాండ్ చేశారు. దళిత మహిళా ప్రజాప్రతినిధిపై వేధింపులు, నిధుల దుర్వినియోగంపై ఉన్నతాధికారులు సమగ్ర విచారణ చేపట్టాలని, బాధ్యులపై కఠిన చర్యలు తీసుకోవాలని కోరారు.