కాంగ్రెస్ వెయ్యి రోజుల పాలనపై BRS నిరసన

By GANDHAM PRAVEEN KUMAR· 2h ago

TG: నిర్మల్ జిల్లా ఖానాపూర్ నియోజకవర్గంలో కాంగ్రెస్ ప్రభుత్వ వెయ్యిరోజుల పాలనపై BRS నిరసన చేపట్టింది. కడెం పట్టణంలో నియోజకవర్గ ఇంచార్జ్ జాన్షన్ నాయక్ ఆధ్వర్యంలో ప్రధాన వీధులు, మార్కెట్ ఏరియాలో భారీ ర్యాలీ నిర్వహించి కాంగ్రెస్ బాకీ కార్డులను ప్రజలకు పంపిణీ చేశారు. జాన్షన్ నాయక్ మాట్లాడుతూ.. కాంగ్రెస్ ప్రభుత్వం ప్రజలను మోసం చేసిందని విమర్శించారు. ఆరు గ్యారంటీల పేరుతో ఇచ్చిన హామీలు ఏమయ్యాయని ప్రశ్నించారు. మహిళలకు తులం బంగారం, విద్యార్థులకు స్కూటీల హామీలు ఎక్కడ అమలయ్యాయని ప్రభుత్వాన్ని నిలదీశారు.

More in Local

Local· just now

ఎమ్మెల్యే మాధవరెడ్డిని కలిసిన కాంగ్రెస్‌ నాయకులు

TG: వరంగల్ జిల్లా నర్సంపేట ఎమ్మెల్యే దొంతి మాధవరెడ్డిని నల్లబెల్లి గ్రామ కాంగ్రెస్‌ నాయకులు మర్యాదపూర్వకంగా కలిశారు. నల్లబెల్లి గ్రామ అభివృద్ధికి సంబంధించిన పలు అంశాలను ఎమ్మెల్యే దృష్టికి తీసుకెళ్లారు. గ్రామాన్ని అన్ని రంగాల్లో అభివృద్ధి చేసేందుకు సహకరించాలని కోరారు. ప్రజలకు అవసరమైన మౌలిక వసతులు, అభివృద్ధి పనులపై ఎమ్మెల్యేతో చర్చించారు. గ్రామంలో నెలకొన్న సమస్యలను పరిష్కరించేందుకు చర్యలు తీసుకోవాలని విజ్ఞప్తి చేశారు. సమస్యల పరిష్కారానికి కృషి చేస్తామని ఎమ్మెల్యే హామీ ఇచ్చినట్లు నాయకులు తెలిపారు.

Local· 2m ago

రౌతులపూడిలో కనకదుర్గమ్మ బ్రహ్మోత్సవాలు

AP: కాకినాడ జిల్లా రౌతులపూడిలో శ్రీ కనకదుర్గ అమ్మవారి బ్రహ్మోత్సవాలు భక్తిశ్రద్ధలతో ఘనంగా నిర్వహించారు. శ్రీ శ్రీనివాస వర్తక సంఘం ఆధ్వర్యంలో జరిగిన వేడుకలకు గ్రామ ప్రజలు, భక్తులు పెద్ద సంఖ్యలో హాజరై అమ్మవారిని దర్శించుకుని ప్రత్యేక పూజలు నిర్వహించారు. మాజీ ఎంపీపీ ఇట్టం శెట్టి భాస్కర్ బాబు కుటుంబ సమేతంగా ఆలయానికి విచ్చేసి అమ్మవారిని దర్శించుకున్నారు. అనంతరం భక్తులతో కలిసి బ్రహ్మోత్సవాల్లో పాల్గొన్నారు. గ్రామ ప్రజలు సుఖసంతోషాలతో, సుభిక్షంగా ఉండాలని భక్తులు అమ్మవారిని ప్రార్థించారు.

Local· 5m ago

SIRపై కలెక్టర్‌ కీలక ఆదేశాలు

TG: SIR ప్రత్యేక అవగాహన కార్యక్రమంలో ఎలాంటి లోపాలకు తావులేకుండా నిబంధనల ప్రకారం పనులు నిర్వహించాలని వరంగల్ జిల్లా కలెక్టర్‌ సత్యశారద అధికారులను ఆదేశించారు. నర్సంపేట మండలం లక్ష్మీపల్లిలో ఆదివారం నిర్వహించిన కార్యక్రమాన్ని ఆమె పరిశీలించారు. పోలింగ్‌ కేంద్రంలో ఓటర్లకు అందుతున్న సేవలు, ఫారం-6, 7, 8ల లభ్యత, ప్రక్రియ పురోగతిని అధికారులను అడిగి తెలుసుకున్నారు. ఓటర్ల సందేహాలను ఎప్పటికప్పుడు నివృత్తి చేయాలని సూచించారు. ఈ నెల 12, 13 తేదీల్లో ప్రత్యేక అవగాహన కార్యక్రమాలు నిర్వహించనున్నట్లు తెలిపారు.

Local· 7m ago

ఆటో డ్రైవర్ల హామీలు అమలు చేయాలి

TG: ఆటో డ్రైవర్లకు ఎన్నికల సమయంలో ఇచ్చిన హామీలను వెంటనే అమలు చేయాలని BRTU జిల్లా అధ్యక్షుడు గోనె యువరాజు డిమాండ్ చేశారు. నవ తెలంగాణ ఆటో యూనియన్ ఆధ్వర్యంలో వరంగల్ జిల్లా నర్సంపేట మండలం మల్లంపల్లి రోడ్డు వద్ద ఆదివారం నిరసన చేపట్టారు. పెరిగిన ఇంధన ధరలు, విడిభాగాల ఖర్చులు, ఫైనాన్స్‌ భారాలతో ఆటో డ్రైవర్లు తీవ్ర ఇబ్బందులు పడుతున్నారని యువరాజు తెలిపారు. ఉచిత బస్సు ప్రయాణంతో డ్రైవర్ల ఆదాయం మరింత తగ్గిందన్నారు. ప్రతి డ్రైవర్‌కు ఏటా రూ.12 వేల జీవనభృతి, ప్రత్యేక సంక్షేమ కార్పొరేషన్ ఏర్పాటు చేయాలని కోరారు.