మల్యాల PHCలో డిప్యూటీ DMHO విచారణ

జగిత్యాల జిల్లా మల్యాల ప్రాథమిక ఆరోగ్య కేంద్రంలో సిబ్బంది సమయపాలన పాటించడం లేదంటూ ఫిర్యాదులు వెల్లువెత్తాయి. ఈ నేపథ్యంలో జగిత్యాల డిప్యూటీ డీఎంహెచ్వో డాక్టర్ శ్రీనివాస్ మంగళవారం విచారణ చేపట్టారు. ఆరోపణలపై పీహెచ్‌సీ సిబ్బందిని వివరాలు అడిగి తెలుసుకున్నారు. ఆసుపత్రిలో పరిస్థితులను పరిశీలించి, వాస్తవాలను నిర్ధారించేందుకే ఈ విచారణ చేపట్టినట్లు తెలిపారు. విచారణ నివేదిక ఆధారంగా తదుపరి చర్యలు తీసుకుంటామన్నారు.