దళిత మహిళలపై దూషణ.. చర్యలు కోరుతూ డిమాండ్

By Yadla Venudhar· 2h ago· Suryapet

సూర్యాపేట జిల్లా ఆత్మకూర్(ఎస్) మండలం కోటపహాడ్ గ్రామంలో సద్దుల బతుకమ్మ వేడుకల సందర్భంగా దళిత మహిళలపై వివక్ష చూపారని కెవిపిఎస్ జిల్లా ప్రధాన కార్యదర్శి కోట గోపి ఆరోపించారు. దళిత మహిళలు తమతో కలిసి బతుకమ్మ ఆడొద్దని కొందరు అడ్డుకున్నారని, వారు రావడంతో బతుకమ్మలు మైలపడ్డాయని పసుపు నీళ్లు చల్లి నిమజ్జనం చేశారని తెలిపారు. ఈ ఘటన దళితుల ఆత్మగౌరవాన్ని దెబ్బతీసేలా ఉందని, బాధ్యులపై చర్యలు తీసుకోవాలని డిమాండ్ చేశారు.

More in Local

Local· 2m ago

దుర్గామాత ముందు వేడుకోలు... NHM సమ్మె 8వ రోజు

నాగర్‌కర్నూల్ జిల్లాలో ఎన్‌హెచ్‌ఎం ఉద్యోగుల నిరవధిక సమ్మె 8వ రోజు కొనసాగింది. కొల్లాపూర్ చౌరస్తా వద్ద ఉద్యోగులు దుర్గామాతను దర్శించుకుని, తమ సమస్యలు పరిష్కరించాలని వేడుకున్నారు. కాంట్రాక్ట్, ఔట్ సోర్సింగ్ ఉద్యోగుల క్రమబద్ధీకరణ, సమాన పనికి సమాన వేతనం డిమాండ్ చేశారు. జేఏసీ జిల్లా అధ్యక్షుడు డాక్టర్ బాలకృష్ణ, ప్రధాన కార్యదర్శి దామగట్ల కుమార్, రాష్ట్ర ఉపాధ్యక్షుడు ఎండీ గౌస్ పాషా, కోశాధికారి ప్రవీణ్, డాక్టర్ మహతి, తదితరులు పాల్గొన్నారు.

Local· 5m ago

ఘనంగా ధమ్మచక్ర వేడుకలు

మెట్‌పల్లి పట్టణంలోని చవిడి వద్ద అశోక విజయదశమి, ధమ్మచక్ర పరివర్తన దినోత్సవాన్ని నవయాన బుద్ధిస్ట్ సొసైటీ ఆధ్వర్యంలో ఘనంగా నిర్వహించారు. సొసైటీ గౌరవ సభ్యుడు నల్ల పురుషోత్తం పంచశీల జెండాను ఆవిష్కరించారు. కళింగ యుద్ధం తర్వాత క్రూరత్వాన్ని వీడి బౌద్ధాన్ని స్వీకరించిన సామ్రాట్ అశోకుడు శాంతి, ధర్మ మార్గాల్లో పాలన సాగించిన చారిత్రక రోజే ఈ దినోత్సవమని వక్తలు పేర్కొన్నారు. అశోకుడి బాటలోనే నడిచి, డాక్టర్ బి.ఆర్. అంబేడ్కర్ లక్షలాది మంది అనుయాయులతో కలిసి నాగ్‌పూర్‌లో బౌద్ధ ధమ్మాన్ని స్వీకరించారని చెప్పారు.

Local· 7m ago

ఆస్ట్రేలియా విద్యా విధానంతో గ్లోబల్ లెర్నింగ్

అంతర్జాతీయ ప్రమాణాల విద్య కోసం అల్ఫోర్స్ విద్యాసంస్థల చైర్మన్ డా. వి. నరేందర్ రెడ్డి ఆస్ట్రేలియాలోని పెర్త్‌లో విద్యారంగ ప్రతినిధులతో సమావేశమయ్యారు. ఆధునిక బోధనా పద్ధతులు, అంతర్జాతీయ పాఠ్య ప్రణాళికలు, నైపుణ్య ఆధారిత విద్య, సృజనాత్మకత పెంపొందించే విధానాలు, సాంకేతిక అభ్యాసంపై చర్చించారు. ప్రపంచం వేగంగా మారుతున్న నేపథ్యంలో విద్య అంతర్జాతీయ ప్రమాణాలకు అనుగుణంగా నవీకరించబడాలని నరేందర్ రెడ్డి తెలిపారు.

Local· 9m ago

జమ్మి చెట్టుతోనే జమ్మిగడ్డకు పేరు

సూర్యాపేట పట్టణంలోని 20వ వార్డు జమ్మిగడ్డలో తరతరాలుగా దసరా సంప్రదాయం కొనసాగుతోంది. నిజాం పాలన నాటి చారిత్రక నేపథ్యం ఈ వేడుకలకు ఉంది. అప్పట్లో ప్రస్తుత ఎంపీడీవో కార్యాలయ ప్రాంతంలో ఎత్తైన ప్రదేశంలో భారీ పురాతన జమ్మి చెట్టు ఉండేది. విజయదశమి రోజున పట్టణం, పరిసర గ్రామాల ప్రజలు వాహనాలు, పనిముట్లు, ఆయుధాలతో వచ్చి శమీ పూజ చేసేవారు. జమ్మి చెట్టు ఉండటంతోనే కాలక్రమేణా జమ్మిగడ్డగా పేరు స్థిరపడిందని స్థానికులు చెబుతున్నారు.