NSUI బలోపేతానికి కృషి..!

By Praveen· 1h ago

జయశంకర్ భూపాలపల్లి జిల్లా ఎన్ఎస్యూఐ అధ్యక్షుడిగా పురుషోత్తం అనూప్ నియమితులయ్యారు. బుధవారం హైదరాబాద్ అసెంబ్లీ భవన్లో మంత్రి దుద్దిళ్ల శ్రీధర్ బాబును కలిశారు. తనను నియమించినందుకు కృతజ్ఞతలు తెలిపారు. ఆయన మార్గదర్శకత్వంలో పనిచేస్తూ ఎన్ఎస్యూఐని బలోపేతం చేస్తానన్నారు. విద్యార్థుల హక్కుల సాధనకు కృషి చేస్తానని స్పష్టం చేశారు.

More in Local

Local· 1m ago

మహిళల భద్రతపై షీ టీమ్ అవగాహన..!

మహబూబ్‌నగర్ జిల్లాలోని ఎన్టీఆర్ ప్రభుత్వ మహిళా డిగ్రీ కళాశాలలో షీ టీమ్ అవగాహన కార్యక్రమం జరిగింది. విద్యార్థినులకు మహిళల భద్రత, వేధింపుల నివారణపై అవగాహన కల్పించారు. ఏఎస్ఐ జానా రాణి, కానిస్టేబుల్ అనురాధ మాట్లాడారు. మహిళల హక్కులు, భద్రతా చర్యలు, అత్యవసర సమయంలో అధికారులను సంప్రదించే విధానాలను వివరించారు. కార్యక్రమంలో వైస్ ప్రిన్సిపాల్ అమీనా ముంతాజ్ జహాన్, ఐక్యూఏసీ కోఆర్డినేటర్ జె. శ్రీదేవి, ఎన్‌సీసీ కోఆర్డినేటర్ డా. పి. ఉషా లక్ష్మి పాల్గొన్నారు.

Local· 42m ago

జడ్చర్లలో విద్యార్థులకు దుస్తుల పంపిణీ..!

మహబూబ్ నగర్ జిల్లా జడ్చర్ల మండలం చర్లపల్లి గ్రామంలోని ప్రాథమిక పాఠశాలలో 1 నుంచి 4వ తరగతి విద్యార్థులకు సర్పంచ్ జోగు లక్ష్మమ్మ దుస్తులు పంపిణీ చేశారు. ఈ కార్యక్రమంలో ప్రధానోపాధ్యాయులు సత్యనారాయణ, ఉపాధ్యాయులు, కార్యదర్శి రాంచందర్, నాయకులు వెంకటరమణ, వార్డు సభ్యులు, గ్రామ పెద్దలు పాల్గొన్నారు. మీ ఊరిలో ఇలాంటి కార్యక్రమాలు ఉన్నాయా? మీ వార్త పంపండి!

Local· 44m ago

మినిమం ఫెసిలిటీస్ కోసం నిరసన

పెద్దపల్లి జిల్లా రామగుండం 32వ డివిజన్ అంబేద్కర్ నగర్ ప్రజలు మౌలిక సౌకర్యాల కోసం నిరసన తెలిపారు. తాగునీరు, డ్రైనేజీ, రోడ్లు లేక ప్రజలు ఇబ్బందులు పడుతున్నారు. వర్షం పడితే వీధులు బురదమయ్యాయి. చిన్న పిల్లలు, వృద్ధులు, మహిళలు నడవలేకపోతున్నారు. నీరు నిలిచి దోమలు పెరిగి డెంగ్యూ, మలేరియా వ్యాధులు వస్తున్నాయి. ఎన్నిసార్లు అధికారులకు చెప్పినా పరిష్కారం లేదని ఆవేదన వ్యక్తం చేశారు. వెంటనే మౌలిక వసతులు కల్పించాలని డిమాండ్ చేశారు. ప్రజా ప్రతినిధులు చొరవ తీసుకోవాలని కోరారు. ఇప్పటికైనా అధికారులు స్పందించాలి.

Local· 48m ago

హమారా ప్రసాద్ పై నాన్ బెయిలబుల్ కేసుకు డిమాండ్..

డాక్టర్ బాబాసాహెబ్ అంబేద్కర్ పై అనేక వక్రీకరణలకు పాల్పడుతూ "కల్పిత నాయకుడు" పుస్తకాన్ని హమార ప్రసాద్ ప్రింట్ చేయించారని, ఇతన్ని తక్షణమే నాన్ బెయిలబుల్ కేసులో అరెస్టు చేయాలని విజయనగరం జిల్లా తెర్లాం మండల దళిత నాయకుడు గండి చిరంజీవులు డిమాండ్ చేశారు. ఈ పుస్తకాన్ని వెంటనే నిలిపివేయాలన్నారు.. దళితులకే కాక భారత జాతికి హమారా ప్రసాద్ లాంటి వారు క్షమాపణ చెప్పాలన్నారు. చర్యలు తీసుకోకపోతే శాంతియుత నిరసనలు చేస్తామని మీడియాకు తెలిపారు. అంబేద్కర్ కు అవమానం సహించేది కాదన్నారు.