న్యూస్ పేపర్‌తో వినాయకుడు

By DK· 4h ago

పర్యావరణ పరిరక్షణపై అవగాహన కల్పించేందుకు జోగులాంబ గద్వాల జిల్లా ఎర్రవల్లి మండల కేంద్రంలోని శ్రీ సరస్వతి ఇంటర్నేషనల్ సీబీఎస్‌ఈ పాఠశాల విద్యార్థులు న్యూస్ పేపర్‌తో పర్యావరణహిత వినాయక విగ్రహాన్ని రూపొందించారు. గత కొన్ని రోజులుగా అవసరమైన వస్తువులను సమకూర్చుకున్న విద్యార్థులు రెండు రోజుల్లో విగ్రహాన్ని తయారు చేశారు. పాఠశాలలో గత మూడేళ్లుగా పర్యావరణహిత గణనాథులను తయారు చేస్తున్నారు. మొదటి ఏడాది గడ్డితో, రెండో ఏడాది టేకు చెట్టు ఆకులతో, మూడో ఏడాది న్యూస్ పేపర్‌తో విగ్రహాలను రూపొందించారు.

More in Local

Local· 4m ago

సీఎం సహాయనిధి చెక్కులు పంపిణీ చేసిన ఎమ్మెల్యే

వైద్య చికిత్సల కోసం ఆర్థిక సాయం కోరిన 46 మంది లబ్ధిదారులకు కడప జిల్లా ప్రొద్దుటూరులో రూ.35.24 లక్షల సీఎం రిలీఫ్ ఫండ్ చెక్కులను ఎమ్మెల్యే వరదరాజులరెడ్డి పంపిణీ చేశారు. టీడీపీ కార్యాలయంలో జరిగిన కార్యక్రమంలో ఈ చెక్కులు అందజేశారు. కూటమి ప్రభుత్వం ఏర్పడిన తర్వాత ప్రొద్దుటూరు నియోజకవర్గంలో ఇప్పటివరకు 1,401 మందికి మొత్తం రూ.12.22 కోట్లకు పైగా సీఎంఆర్‌ఎఫ్ సాయం అందించినట్లు ఎమ్మెల్యే తెలిపారు. అనారోగ్యంతో ఇబ్బందులు పడుతున్న పేద కుటుంబాలకు సీఎం సహాయనిధి ఆర్థికంగా అండగా నిలుస్తోందన్నారు.

Local· 10m ago

దళితుల మరణాలపై న్యాయ విచారణ జరపాలి: శ్రీనివాసరావు

గుంటూరు జిల్లా తాడికొండ నియోజకవర్గంలో 15 రోజుల్లో ఇద్దరు దళితులు మృతి చెందిన ఘటనలపై సీపీఎం రాష్ట్ర కార్యదర్శి వి. శ్రీనివాసరావు ఆందోళన వ్యక్తం చేశారు. గుంటూరులోని బ్రాడీపేటలోని సీపీఎం కార్యాలయంలో మీడియాతో మాట్లాడుతూ.. అధికార పార్టీ నేతల వైఖరి, పోలీసుల వేధింపుల వల్లే ఈ మరణాలు జరిగాయని ఆరోపించారు. బాధిత కుటుంబాలను స్థానిక ఎమ్మెల్యే పరామర్శించకపోవడం సరికాదన్నారు. మృతుల కుటుంబాలకు రూ.25 లక్షల చొప్పున పరిహారం అందించాలని డిమాండ్ చేశారు.

Local· 15m ago

డీజేలు, లౌడ్‌స్పీకర్లపై పోలీసుల అవగాహన సదస్సు

రాత్రి 10 గంటల తర్వాత డీజేలు, లౌడ్‌స్పీకర్లు వినియోగిస్తే చట్టపరమైన చర్యలు తప్పవని పోలీసులు హెచ్చరించారు. రాబోయే పండుగలు, మతపరమైన కార్యక్రమాలు, విగ్రహ నిమజ్జనాల నేపథ్యంలో ఏలూరు జిల్లా కుక్కునూరులో డీజే నిర్వాహకులు, ఆపరేటర్లకు పోలీసులు అవగాహన సమావేశం నిర్వహించారు. శబ్ద కాలుష్య నియంత్రణ నిబంధనలు, రాత్రి 10 నుంచి ఉదయం 6 గంటల వరకు శబ్ద పరికరాల వినియోగంపై ఉన్న ఆంక్షలను వివరించారు. సైలెన్స్ జోన్‌లలో నిబంధనలు పాటించాలని, ఊరేగింపులు, నిమజ్జనాల సమయంలో ట్రాఫిక్‌కు అంతరాయం కలిగించకూడదని సూచించారు.

Local· 20m ago

గుంతకల్లులో వినాయక నిమజ్జనానికి పటిష్ట బందోబస్తు

వినాయక నిమజ్జనాన్ని ప్రశాంతంగా నిర్వహించేందుకు అనంతపురం జిల్లా గుంతకల్లులో పోలీసులు పటిష్ట బందోబస్తు ఏర్పాటు చేస్తున్నారు. ఊరేగింపులో అధిక శబ్దంతో డీజేలు వినియోగించరాదని, మద్యం సేవించి పాల్గొనకూడదని పోలీసులు సూచించారు. రాజకీయ పార్టీల పాటలు వినిపించడం, వాహనాలకు రాజకీయ జెండాలు కట్టడం నిషేధమని స్పష్టం చేశారు. నిబంధనలు ఉల్లంఘించి శాంతిభద్రతలకు విఘాతం కలిగిస్తే చట్టపరమైన చర్యలు తీసుకుంటామని హెచ్చరించారు.