24 గంటల విద్యుత్ ఎక్కడ? రైతు ఆవేదన

By Anusha· 9 Oct 2026

TG: తెలంగాణలోని మెదక్ జిల్లా గవ్వలపల్లి గ్రామంలో కరెంట్ కోతలతో పంటలు ఎండిపోతుండటంతో రైతులు ఆవేదన వ్యక్తం చేస్తున్నారు. నిరంతర విద్యుత్ సరఫరా చేయాలని కోరుతూ ఓ రైతు విద్యుత్ శాఖ అధికారులైన ADE, AE కాళ్లపై పడి వేడుకున్నాడు. దీనికి సంబంధించిన 12 సెకన్ల వీడియో సోషల్ మీడియాలో వైరల్‌గా మారింది. రాష్ట్రంలో 24 గంటల విద్యుత్ ఇస్తున్నామని డిప్యూటీ సీఎం భట్టి విక్రమార్క చెబుతుండగా, గ్రామాల్లో పరిస్థితి మరోలా ఉందంటూ పలువురు విమర్శిస్తున్నారు.

More in TG

TG· 5m ago

ఫేక్ అకౌంట్లతో బ్లాక్‌మెయిల్

అమ్మాయిల పేర్లతో ఫేక్ అకౌంట్లు సృష్టించి, ప్రైవేట్ ఫొటోలతో బెదిరించిన కేసులో కొండబత్తుల పవన్ కుమార్‌ను సైదాబాద్ పోలీసులు అరెస్ట్ చేశారు. ఇన్‌స్టాగ్రామ్‌లో 13, ఫేస్‌బుక్‌లో 14 అకౌంట్లతో వెయ్యి మందికి పైగా పరిచయం పెంచుకున్నట్లు పోలీసులు గుర్తించారు. 82 మంది నుంచి ప్రైవేట్ ఫొటోలు, వీడియోలు పొందినట్లు దర్యాప్తులో తేలింది. బ్లాక్‌మెయిల్‌తో 18 లక్షల రూపాయలు, పెట్టుబడుల పేరుతో మరో 7.16 లక్షలు మోసం చేసినట్లు పోలీసులు తెలిపారు.

TG· 4h ago

46 ఏళ్లుగా ఆ ఊళ్లో దసరా లేదు

TG: రాష్ట్రమంతా దసరా సంబరాలు జరుపుకుంటుంటే తెలంగాణలోని ఆ ఊళ్లో మాత్రం దసరా కళే ఉండదు. నాలుగున్నర దశాబ్దాలుగా ఆ గ్రామం విజయదశమి వేడుకలకు దూరంగా ఉంది. సూర్యాపేట జిల్లా నూతన్‌కల్ మండలానికి చెందిన చిల్పకుంట్ల పరిస్థితి ఇది. 1980లో చిల్పకుంట్లలో దసరా సందర్భంగా గ్రామంలో కంకణం ఎవరు కట్టాలనే విషయంలో రెండు ప్రధాన రాజకీయ వర్గాల మధ్య వివాదం చెలరేగింది. కర్రలతో దాడి చేసుకునే వరకు పరిస్థితి వెళ్లడంతో ఇకపై గ్రామంలో దసరా వేడుకలు నిర్వహించకూడదని తీర్మానించారు.

TG· 5h ago

నోటీసులు అందుకున్న 90% మంది అర్హులే..

TG: తెలంగాణలో SIR ప్రాసెస్‌‌‌‌‌‌‌‌‌‌‌‌‌‌‌‌‌‌‌‌‌‌లో కీలక విషయం వెలుగులోకి వచ్చింది. నోటీసులు అందుకున్న 92.88 లక్షల మందిలో సుమారు 84.03 లక్షల మంది అర్హులని విచారణలో తేలిందని ఎలక్షన్ కమిషనర్ సుదర్శన్ రెడ్డి తెలిపారు. వీరి పేర్లు ఫైనల్ వోటర్ లిస్ట్‌‌‌‌లో చేర్చనున్నారు. మరోవైపు, 3 లక్షల మందికి పైగా విచారణకు హాజరుకాలేదు. నవంబర్ 9న ఫైనల్ వోటర్ లిస్ట్ విడుదల కానుంది. ఓటర్లు తమ పేరు జాబితాలో ఉందో లేదో తప్పనిసరిగా చెక్ చేసుకోండి.

TG· 15h ago

హైదరాబాద్‌లో కొత్త బోర్లకు నో పర్మిషన్

TG: ఎల్‌నినో కారణంగా తెలంగాణ ప్రభుత్వం కఠినమైన నిర్ణయాలు తీసుకుంటోంది. హైదరాబాద్‌లో ప్రస్తుతానికి కొత్త బోర్లు వేసేందుకు పర్మిషన్ లేదని ప్రకటించింది. నిర్మాణాల కోసం కొత్త బోర్లు వేయడానికి ప్రస్తుతం అనుమతులు ఇవ్వకూడదని ఛీఫ్ సెక్రటరీ సంజయ్ జాజు ఆదేశించారు. • నవంబర్ 1 నుంచి నిర్మాణ పనులకు గ్రీన్ ట్యాంకర్ల ద్వారా నీరు సరఫరా చేస్తారు. నల్లాలకు మోటార్లు పెట్టకుండా అధికారులు స్పెషల్ డ్రైవ్ చేపట్టనున్నారు.