AP మున్సిపల్ ఎలక్షన్స్‌లో.. NDA పార్టీల సీట్ల లెక్క ఇదే!

By Nani Eluri· 15h ago· Newindianexpress

AP: ఏపీలో మున్సిపల్ ఎన్నికల కోసం టీడీపీ, జనసేన, బీజేపీ మధ్య సీట్ల పంపకం కుదిరింది. 17 కార్పొరేషన్లలో టీడీపీకి 11, జనసేనకు 4, బీజేపీకి 2 కేటాయించారు. 106 మున్సిపాలిటీలు, నగర పంచాయతీల్లో టీడీపీ 78, జనసేన 21, బీజేపీ 7 చోట్ల పోటీ చేయనున్నాయి. విజయవాడ, కాకినాడ, ఏలూరు కార్పొరేషన్లు జనసేనకు, రాజమహేంద్రవరం, అనంతపురం బీజేపీకి దక్కాయి. మిగతా కార్పొరేషన్లలో టీడీపీ పోటీ చేయనుంది. మూడు పార్టీలు కలిసి ఎన్నికలకు సిద్ధమవుతున్నాయి.

More in AP

▶

AP· 18m ago

రణరంగమైన పులివెందుల (Video)

AP: కడప జిల్లా.. పులివెందుల నామినేషన్ కేంద్రం రణరంగమైంది. TDP, YCP కార్యకర్తలు కొట్టుకోవడం మొదలుపెట్టారు. పోలీసులు వారిస్తున్నా పరిస్థితి అదుపులోకి రాలేదు. దాంతో గాలిలోకి కాల్పులు జరిపారు. మున్సిపాలిటీలు, కార్పొరేషన్లకు అక్టోబర్ 16న ప్రారంభమైన నామినేషన్ ప్రక్రియ 18 వరకూ కొనసాగనుంది. ఐతే.. ఎక్కడికక్కడ జరుగుతున్న దాడులు ఉద్రిక్తతలను పెంచుతున్నాయి. ఇప్పుడే ఇలా ఉంటే.. పోలింగ్ ఎలా జరుగుతుందో అని ప్రజలు ఆందోళన చెందుతున్నారు.

AP· 29m ago

ప్రకాశం జిల్లా.. దర్శిలో ఉద్రిక్తత

AP: ప్రకాశం జిల్లా.. దర్శిలో ఉద్రిక్త పరిస్థితులు తలెత్తాయి. YCP అభ్యర్థి నామినేషన్ వేసేందుకు రాగా.. TDP కార్యకర్తలతో వాగ్వాదం జరిగింది. రెండువైపులా కొట్టుకునే పరిస్థితి రావడంతో.. అలర్టైన పోలీసులు.. రెండు వైపుల వారినీ చెదరగొట్టారు. తమను నామినేషన్ వెయ్యకుండా చేసేందుకే TDP ఇలాంటి కుట్రలు చేస్తోందని YCP నాయకులు ఆరోపించారు. ఇక్కడే కాదు.. కడప, తిరుపతి, అన్నమయ్య తదితర జిల్లాల్లో కూడా ఇలాంటి ఉద్రిక్త పరిస్థితులు తలెత్తుతున్నాయి.

AP· 1h ago

తిరుపతిలో టెన్షన్ టెన్షన్

AP: ఆంధ్రప్రదేశ్.. తిరుపతిలో కూడా నామినేషన్ల రచ్చ కొనసాగుతోంది. YCP అభ్యర్థి తరపున నామినేషన్ కేంద్రానికి వెళ్లారు MP గురుమూర్తి. అయితే.. ఆయన చేతిలో ఉన్న నామినేషన్ పత్రాల TDP నాయకులు లాక్కుపోయారు. దాంతో.. నామినేషన్ ప్రక్రియ ఆగిపోయింది. "రాష్ట్రంలో శాంతిభద్రతలు లేకుండా పోయాయన్న గురుమూర్తి.. తన పరిస్థితే ఇలా ఉంటే.. సామాన్యుల పరిస్థితి ఏంటి? అని ఆవేదన చెందారు. ఈ ఘటనపై ఎలక్షన్ కమిషన్‌కి కంప్లైంట్ ఇచ్చారు. ఈ దాడులు చాలా జిల్లాల్లో జరుగుతున్నాయి.

AP· 1h ago

రాజంపేటలో రాళ్లదాడి

AP: అన్నమయ్య జిల్లా.. రాజంపేటలో టెన్షన్ వాతావరణం కంటిన్యూ అవుతోంది. YCP కార్యకర్తలపై కొందరు రాళ్లదాడికి పాల్పడ్డారు. వెంటనే అప్రమత్తమైన పోలీసులు.. రాళ్ల దాడి చేస్తున్నవారిపై లాఠీ ఛార్జ్ చేశారు. తమ అభ్యర్థులు నామినేషన్స్ వెయ్యకుండా అడ్డుకునేందుకే TDP ఈ కుట్రలకు పాల్పడుతోందని YCP ఆరోపిస్తోంది. మరోవైపు YCPయే కుట్రలు చేస్తోందని TDP ఆరోపిస్తోంది. ఇలా స్థానిక ఎన్నికలు.. రాష్ట్రంలో రచ్చ రేపుతున్నాయి.