భూసేకరణలో దళారులను నమ్మొద్దు!

రామగుండం, ఎన్టీపీసీ, సింగరేణి, రాజాపూర్ ప్రాంతాల్లో భూసేకరణ జరుగుతోంది. పెద్దపల్లి జిల్లాలో జాతీయ రహదారులు, రైల్వే మార్గాల విస్తరణకు కూడా భూసేకరణ చేపడుతున్నారు. ఈ ప్రక్రియలో కొంతమంది దళారులు, మధ్యవర్తులు ప్రజలను మోసం చేస్తున్నారని కలెక్టర్ కోయ శ్రీహర్ష తెలిపారు. ఎక్కువ నష్టపరిహారం ఇప్పిస్తామని నమ్మిస్తూ అమాయకుల నుంచి డబ్బులు వసూలు చేస్తున్నారన్నారు. ప్రభుత్వ మార్గదర్శకాల ప్రకారం అర్హులకు నష్టపరిహారం అందుతుందని స్పష్టం చేశారు.