4 రాష్ట్రాలపై సుప్రీం సీరియస్!

By sahani· 1d ago

కృష్ణా జలాల పంపకాలపై AP, తెలంగాణ, తమిళనాడు, కర్ణాటక రాష్ట్రాల మధ్య ఏళ్ల తరబడి సాగుతున్న వివాదాలపై సుప్రీంకోర్టు సీరియస్ అయింది. "మీ మధ్య ఎప్పుడూ ఈ కొట్లాటలేనా?" అంటూ జస్టిస్ విక్రమ్‌నాథ్ త్రిసభ్య ధర్మాసనం ప్రశ్నించింది. బ్రిజేశ్ కుమార్ ట్రిబ్యునల్ ఇచ్చిన నివేదిక ఆధారంగా కర్ణాటక ఆల్మట్టి డ్యామ్ ఎత్తు పెంచకుండా AP ప్రభుత్వం వేసిన అప్పీల్‌పై కోర్టు బుధవారం విచారణ జరిపింది. తమ హక్కులను కర్ణాటక హరిస్తోందని AP వాదించగా, తదుపరి విచారణను కోర్టు నవంబరు 4కు వాయిదా వేసింది.

More in National

National· 51m ago

ఉమర్ ఖలీద్ డాక్యుమెంటరీకి బ్రేక్‌లు

ఉమర్ ఖలీద్ జీవితం, అరెస్ట్‌ తర్వాత జైలులో గడిపిన టైం, కేసులు ఎదుర్కొంటున్న ఖైదీల పరిస్థితిపై ‘Prisoner No. 626710 is Present’ అనే డాక్యుమెంటరీ తయారైంది. హైదరాబాద్‌లోని IIIT, బెంగళూరులోని NLSIUలో దీన్ని చూపించాల్సి ఉండగా.. CBFC సర్టిఫికెట్ లేకపోవడం, కొందరు వ్యతిరేకించడం, భద్రతా కారణాలతో ఆ ప్రోగ్రామ్‌లు రద్దయ్యాయి. ఆ తర్వాత నల్సార్‌ విద్యార్థులు ప్రైవేట్‌గా దీన్ని స్క్రీన్ చేసింది. అయితే యూనివర్సిటీ అనుమతి లేదని నల్సార్‌ VC చెప్పారు.

National· 1h ago

ఇంటి పనులు మహిళలకేనా?

మహిళలు ఇంటిని చూసుకుంటున్నట్లే, పురుషులు కూడా ఇంటి బాధ్యతలు తీసుకుంటే తప్పేంటని మద్రాస్ హైకోర్టు మదురై బెంచ్ ప్రశ్నించింది. తిరువణ్ణామలైకి చెందిన మెడికల్ కపుల్ విడాకుల కేసులో ఈ కామెంట్స్ చేసింది. మహిళలు జాబ్స్ చేయడానికి పెళ్లి అడ్డుగా మారకూడదని తెలిపింది. ఇంటి పనులు, బాధ్యతలను భర్తలు కూడా షేర్ చేసుకోవాలని తెలిపింది. స్త్రీ, పురుషులకు ఈక్వల్ రైట్స్ ఉండాలని చెప్పింది. 2కోట్ల 50 లక్షలు భరణం ఇచ్చేందుకు భర్త ఒప్పుకోవడంతో మ్యూచువల్ డివోర్స్‌ను హైకోర్టు ఆమోదించింది.

▶

National· 1h ago

బీహార్‌లో మరో దారుణం.. యువతిపై.!

బీహార్‌లో మహిళలు, బాలికలపై వేధింపుల ఘటనలు వరుసగా వెలుగుచూస్తున్నాయి. ఇటీవల జముయి, సమస్తిపూర్‌లో వేధించిన తరహాలోనే బాంకా జిల్లా, మందార్ పర్వతంపై ఓ యువతితో కొందరు యువకులు అసభ్యంగా ప్రవర్తించారు. యువతిపై దాడికి యత్నించిన వీడియో సోషల్ మీడియాలో వైరల్‌గా మారింది. ఈ ఘటనపై బౌంసీ పోలీసులు ఆరుగురు యువకులపై కేసు నమోదు చేసి దర్యాప్తు చేస్తున్నారు.

National· 1h ago

CECని తొలగించే ప్రాసెస్ ఏంటి?

చీఫ్ ఎలక్షన్ కమిషనర్‌ని రాష్ట్రపతి నియమిస్తారు. కానీ తొలగించడానికి చాల పెద్ద ప్రాసెస్ ఉంది. తప్పు చేసినట్లు లేదా పని చేయలేని పరిస్థితి ఉందని నిరూపిస్తేనే తొలగించే ప్రక్రియ మొదలవుతుంది. సుప్రీంకోర్టు జడ్జిని తొలగించే విధంగానే, పార్లమెంట్‌లో ఈ ప్రాసెస్ జరుగుతుంది. రెండు సభల్లో 2/3 మెజారిటీ అవసరం. ఇప్పటివరకు ఏ CECనీ ఇలా తొలగించలేదు. కానీ ఇప్పుడు CEC జ్ఞానేష్ కుమార్‌ని అలా తొలగిస్తారా అనే చర్చ జరుగుతోంది.