ఢిల్లీలో NSUI నిరసన.. మోడీ ముఖం ఉన్న దిష్టిబొమ్మ దహనం

By Vishi· 3h ago

దసరా సందర్భంగా ఢిల్లీలో నేషనల్ స్టూడెంట్స్ యూనియన్ ఆఫ్ ఇండియా(NSUI), యువజన కాంగ్రెస్ కార్యకర్తలు నిరసన కార్యక్రమం చేపట్టారు. దేశంలో ఎన్నికల ప్రక్రియ, SIR వివాదం, ప్రజాస్వామ్య వ్యవస్థ తీరుతెన్నులపై నిరసనగా ఈ ఆందోళన నిర్వహించారు. ప్రధాని మోడీ ముఖం ఉన్న పోస్టర్‌ను, కొన్ని చోట్ల CEC జ్ఞానేశ్ కుమార్ చిత్రాలను రావణాసురుడి దిష్టిబొమ్మకు తగిలించారు. CEC జ్ఞానేశ్ కుమార్ వెంటనే రిజైన్ చేయాలని NSUI నాయకులు డిమాండ్ చేశారు.

More in National

National· 34m ago

SIR, మహిళా రిజర్వేషన్లపై ఖర్గే కామెంట్స్.. PM మోదీకి లేఖలు!

కాంగ్రెస్ అధ్యక్షుడు మల్లికార్జున ఖర్గే దేశ ప్రజలకు దసరా శుభాకాంక్షలు తెలిపారు. గుల్బర్గాలో భారీ స్థాయిలో దసరా వేడుకలు జరిపి, రాష్ట్ర ప్రజలందరినీ ఒక్కతాటిపైకి తీసుకురావాలని భావిస్తున్నట్లు తెలిపారు. కర్ణాటక రాష్ట్రంలో కరువుపై CM DK శివకుమార్‌తో చర్చిస్తానన్నారు. మరోవైపు S.I.R వల్ల సమస్యలు, నియోజకవర్గాల పునర్విభజన, మహిళా రిజర్వేషన్ల అమలులో ఆలస్యంపై PM మోదీకి ఇప్పటికే రెండు లేఖలు రాసినట్లు చెప్పారు. దీనిపై ప్రధానికి వివరించనున్నట్లు ఖర్గే తెలిపారు.

National· 1h ago

జీవిత ఖైదీల పెరోల్‌పై వివాదం

1998 కోయంబత్తూర్ వరుస బాంబు పేలుళ్ల కేసులో జీవిత ఖైదు అనుభవిస్తున్న ఐదుగురికి తమిళనాడు ప్రభుత్వం 60 రోజుల పెరోల్ ఇచ్చింది. వ్యక్తిగత, ఆరోగ్య సమస్యల కారణంగా ఈ నిర్ణయం తీసుకున్నట్లు అధికారులు తెలిపారు. ఈ పేలుళ్లలో 58 మంది చనిపోగా, 200 మందికి పైగా గాయపడ్డారు. ఐదుగురికి పెరోల్ ఇవ్వడంపై BJP అభ్యంతరం తెలిపింది. విజయ్ నేతృత్వంలోని TVK ప్రభుత్వం ఉగ్రవాదుల పట్ల సాఫ్ట్ సైడ్ చూపుతోందని విమర్శించింది.

National· 1h ago

RSSతో పోరాటమే నాకు ఇష్టం: రాహుల్

RSSపై కాంగ్రెస్ నేత రాహుల్ గాంధీ విమర్శలు చేశారు. RSSలో పురుషులకే ప్రాధాన్యం ఉంటుందని, మహిళలను పురుషుల ఆస్తిగా చూసే ఆలోచనా విధానం ఉందని ఆరోపించారు. తాను ‘శివశక్తి’ని నమ్ముతానని, అందుకే RSS సిద్ధాంతాలపై పోరాడటం తనకు సంతోషాన్నిస్తుందని చెప్పారు. RSSతో సంబంధం ఉన్న కొంత మంది మహిళలు కూడా తనకు మద్దతు ఇవ్వడం ఆనందంగా ఉందని తెలిపారు.

National· 1h ago

3,500 మీటర్ల ఎత్తులో హైకోర్టు

లడఖ్‌లోని లేహ్‌లో దేశంలోనే అత్యంత ఎత్తులో ఉన్న హైకోర్టు బెంచ్‌ను భారత ప్రధాన న్యాయమూర్తి జస్టిస్ సూర్యకాంత్ అక్టోబర్ 18న ప్రారంభించారు. జమ్మూ కశ్మీర్, లడఖ్ హైకోర్టులో భాగంగా ఈ బెంచ్‌ను ఏర్పాటు చేశారు. సముద్ర మట్టానికి సుమారు 3,500 మీటర్ల ఎత్తులో ఇది ఉంది. అక్టోబర్ 21 నుంచి విచారణలు ప్రారంభం కానున్నాయి. దీంతో లడఖ్ ప్రజలు కేసుల కోసం శ్రీనగర్ లేదా జమ్మూకు వెళ్లాల్సిన అవసరం తగ్గనుంది.