బీహార్ యువకుడి ప్రేమలో పడ్డ రష్యా యువతి!

By Nani Eluri· 2h ago· X

ఉపాధి కోసం రష్యా వెళ్లిన బీహార్ యువకుడు రాహుల్ యాదవ్‌కు అక్కడ జూలీ అనే యువతి పరిచయమైంది. ఆ పరిచయం కాస్తా ప్రేమగా మారింది. కొంతకాలానికి రాహుల్ ఇండియాకు తిరిగొచ్చాడు. అతడిని వదిలి ఉండలేకపోయిన జూలీ.. ఆరు నెలల తర్వాత తన కుటుంబంతో కలిసి బీహార్‌లోని అతడి గ్రామానికి వచ్చింది. రాహుల్ గుడిసెలో ఉంటున్నాడని తెలిసినా అతడితోనే ఉంటానని చెప్పింది. దీంతో రెండు ఫ్యామిలీలు నవంబర్‌లో వీరి పెళ్లి చేయాలని నిర్ణయించుకున్నాయి.

More in National

మహిళా జర్నలిస్టును పట్టుకుని లాగిన రాహుల్ గాంధీ

▶

National· 31m ago

మహిళా జర్నలిస్టును పట్టుకుని లాగిన రాహుల్ గాంధీ

ఓ మహిళా జర్నలిస్టును ప్రతిపక్ష నేత రాహుల్ గాంధీ పట్టుకుని లాగడం, ఆయన సెక్యూరిటీ సిబ్బంది తోసేసిన ఘటన వైరల్‌గా మారింది. సుప్రీంకోర్టు గేట్ వద్ద రాహుల్ బైట్ తీసుకోవడానికి వెళ్లిన తనను రాహుల్ గాంధీ పట్టుకుని లాగారని, ఆయన సెక్యూరిటీ సిబ్బంది తోసేయడంతో మెట్లపై నుంచి కిందపడిపోయానని జర్నలిస్ట్ రిచా పరాశర్ తెలిపారు. కిందపడటం వల్ల కడుపులో నొప్పి రావడంతో ఆమెను గంగా రామ్ ఆసుపత్రికి తరలించారు. డ్యూటీ చేస్తుంటే తనపై అలా ప్రవర్తించడం సరికాదని ఆమె అన్నారు.

National· 37m ago

BJP, మోదీని తక్కువ చేసి చూడొద్దు: అమిత్ షా

SIR ప్రాసెస్‌ను సాకుగా చూపిస్తూ BJP, మోదీ ప్రజాదరణను తక్కువ చేసి చూడొద్దని కేంద్ర హోంమంత్రి అమిత్ షా కాంగ్రెస్ నేత రాహుల్ గాంధీకి సూచించారు. కాంగ్రెస్ పార్టీ ఆత్మపరిశీలన చేసుకోవాలని అన్నారు. పశ్చిమ బెంగాల్, తమిళనాడు, పుదుచ్చేరిలో జరిగిన బైపోల్స్‌లో కాంగ్రెస్ ఒక్క సీటు కూడా గెలవలేదని చెప్పారు. పశ్చిమ బెంగాల్‌లో BJP భారీ మెజారిటీలతో గెలిచారని తెలిపారు. గత 41 ఏళ్లుగా గుజరాత్‌లో కాంగ్రెస్ గెలవలేకపోయిందని అమిత్ షా అన్నారు.

National· 1h ago

పోలీసులా.. అమిత్ షా మాట వినే కిడ్నాపర్లా?: దీప్కే

ఢిల్లీలో CJP నేతల ముందస్తు అరెస్టులు, పోలీసుల తీరుపై విమర్శలు వస్తున్నాయి. వాళ్లను చట్టవిరుద్ధంగా ముందస్తు నిర్బంధంలో ఉంచడంపై మద్దతుదారులు, ఆ పార్టీ ప్రతినిధులు మండిపడుతున్నారు. "ఢిల్లీ పోలీసులు శాంతిభద్రతలు కాపాడే విభాగంలా కాకుండా, అమిత్ షా ఆదేశాలతో కిడ్నాప్‌లు చేసే ముఠాలా వ్యవహరిస్తున్నారు" అని CJP ఫౌండర్ అభిజీత్ దీప్కే తన ఎక్స్ అకౌంట్‌లో పోస్ట్ చేశారు. ఎక్కడ పోలీసులు అడ్డుకుంటే, అక్కడే తమ జంతర్ మంతర్ నిర్మిస్తామని ఆయన వివరించారు.

National· 1h ago

కేంద్ర పదవికి ఎల్.మురుగన్ రాజీనామా

కేంద్ర సహాయ మంత్రి (సమాచార ప్రసార శాఖ), రాజ్యసభ ఎంపీ ఎల్.మురుగన్ తన పదవులకు రాజీనామా చేశారు. ప్రధాని నరేంద్ర మోదీకి లేఖ రాసి రాజీనామా ఇచ్చారు. తమిళనాడులో BJPని బలోపేతం చేయడానికి పూర్తి టైం కేటాయించాలనే ఉద్దేశంతోనే ఈ నిర్ణయం తీసుకున్నట్లు ఆయన చెప్పారు. రాబోయే 2029 లోక్‌సభ ఎన్నికలను దృష్టిలో ఉంచుకుని, పార్టీని క్షేత్రస్థాయి నుంచి బలోపేతం చేసేందుకు కృషి చేస్తానని ఆయన వెల్లడించారు.