తెలంగాణలో కరెంటు కోతలు.. రైతుల కష్టాలు!

By Krishna· 1h ago· X

TG: తమకు కోతలు లేకుండా, నాణ్యమైన కరెంటును ఇవ్వట్లేదంటూ.. తెలంగాణలో రైతులు రోడ్డెక్కుతున్నారు. నాగర్‌కర్నూల్‌ జిల్లా.. కోడేరు మండలం.. తీగలపల్లి సబ్‌స్టేషన్‌ ముందు కరెంట్ కోతలకు నిరసనగా రైతులు ఆందోళనకు దిగారు. సబ్‌స్టేషన్‌ ముందు రోడ్డుపై బైఠాయించి ధర్నా చేశారు బావాయిపల్లి, జనంపల్లి, తీగలపల్లి గ్రామాలకు చెందిన రైతులు. అంతరాయం లేకుండా, నాణ్యమైన కరెంట్ సరఫరా చెయ్యాలని రైతులు డిమాండ్ చేస్తున్నారు.

More in TG

TG· 4m ago

తెలంగాణ ప్రభుత్వ విద్యను బలోపేతం చెయ్యాలి

ప్రభుత్వ స్కూల్స్ బలోపేతం కోసం తెలంగాణ పీపుల్ ఫ్రంట్ బస్సు యాత్ర ప్రారంభించారు. స్కూల్స్‌ని అభివృద్ధి చెయ్యాలని, బడ్జెట్‌లో 18 శాతం స్కూల్స్‌కు కేటాయించాలని కోరారు. పలువురు మాజీ IASల ఆధ్వర్యంలో స్టూడెంట్స్ చేత బస్సు యాత్ర స్టార్ట్ చేశారు. ఇది 10 రోజుల వరకు వివిధ జిల్లాలు తిరిగి స్కూల్స్ గురించి డేటా సేకరించనుంది.

TG· 6m ago

ప్రభుత్వ విద్యావిధానం ఐసీయూలో ఉంది: ఆకునూరి

TG: హైదరాబాద్ అంబేద్కర్ విగ్రహం నుంచి రిటైర్డ్ IAS ఆకునూరి మురళి విద్యా బస్సుయాత్రను ప్రారంభించారు. విద్యారంగంలో నెలకొన్న సమస్యలను ప్రజల దృష్టికి తీసుకెళ్లడమే ఈ యాత్ర లక్ష్యంగా తెలిపారు. ప్రభుత్వ విద్యా వ్యవస్థను బలోపేతం చేయాలని డిమాండ్ చేశారు. స్టూడెంట్స్, టీచర్ల సమస్యలపై అవగాహన కల్పించేందుకు యాత్ర కొనసాగనుంది. విద్యాహక్కులు, ప్రభుత్వ పాఠశాలల పరిస్థితిపై ప్రజల్లో చైతన్యం తీసుకురావడమే ప్రధాన ఉద్దేశమని చెప్పారు.

TG· 8m ago

ప్రైవేట్‌ ఫీజుల నియంత్రణకు చట్టం తేవాలి: TPF

TG: తెలంగాణ బడ్జెట్‌లో విద్యకు కనీసం 18 శాతం నిధులు కేటాయించాలని తెలంగాణ పీపుల్స్‌ ఫ్రంట్‌ డిమాండ్‌ చేసింది. ప్రైవేట్‌ స్కూళ్లు, కాలేజీల్లో ఇష్టారాజ్యంగా ఫీజులు వసూలు చేయకుండా Fee Regulation చట్టం తీసుకురావాలని కోరింది. విద్యా కమిషన్‌ చేసిన 426 సిఫారసుల్లో కనీసం మూడు ముఖ్యమైన అంశాలనైనా ప్రభుత్వం అమలు చేయాలని ఆకునూరి మురళి అన్నారు. ఈ మూడు డిమాండ్లపై ముఖ్యమంత్రికి లేఖ కూడా ఇచ్చామని.. ప్రభుత్వం స్పందిస్తే బస్సు యాత్రను మధ్యలోనే ఆపేస్తామని తెలిపారు.

TG· 9m ago

ప్రభుత్వ స్కూళ్లకు బేసిక్ స్టాండర్డ్స్ ఉండాలి: ఆకునూరి

TG: ప్రభుత్వ స్కూళ్లలో కనీస సౌకర్యాలు, Basic Standards‌ ఉండేలా ప్రభుత్వం చర్యలు తీసుకోవాలని రిటైర్డ్ ఐఏఎస్, విద్యాకమిషన్ ఛైర్మన్ ఆకునూరి మురళి డిమాండ్‌ చేశారు. ఒక స్కూల్‌కు అవసరమైన 52 అంశాలు ఉండేలా కొత్త స్కూళ్లు నిర్మించడంతోపాటు ఉన్నవాటిని కూడా అదే స్థాయికి తీసుకురావాలని కోరారు. ప్రభుత్వ స్కూళ్ల స్టాండర్డ్స్ మెరుగుపర్చేందుకు ప్రత్యేకంగా చట్టం తీసుకురావాలని అన్నారు. ప్రస్తుతం చాలా ప్రభుత్వ స్కూళ్లు కనీస ప్రమాణాలకు కూడా సరిపోవడం లేదని ఆయన పేర్కొన్నారు.