గ్లోబల్ సమ్మిట్.. ఫ్యూచర్ సిటీ పనుల్లో స్పీడ్!

By Veeramalla Sravan Goud· 14h ago· Hyderabad, Hyderabad

సీఎం రేవంత్ రెడ్డి సోమవారం భారత్ ఫ్యూచర్ సిటీలో పర్యటించారు. యంగ్ ఇండియా స్కిల్స్ యూనివర్సిటీ నిర్మాణ పనులను పరిశీలించారు. పనుల్లో వేగం పెంచాలని, నిర్దేశిత గడువుకు 15 రోజుల ముందే పూర్తి చేయాలని ఆదేశించారు. అవసరమైతే సిబ్బందిని పెంచాలని సూచించారు. నవంబర్ నెలాఖరులోగా గ్లోబల్ సమ్మిట్ ఏర్పాట్లు పూర్తి చేయాలన్నారు. డిసెంబర్ 7 నుంచి 9 వరకు 'ఇన్వెస్ట్ తెలంగాణ గ్లోబల్ సమ్మిట్ 2026' జరగనుంది. అంతర్జాతీయ స్థాయిలో సమ్మిట్ ఏర్పాట్లు ఉండాలని సీఎం సూచించారు.

More in Local

▶

Local· 1m ago

'ప్రశాంత ఎన్నికల నిర్వహణే లక్ష్యం'

స్థానిక ఎన్నికలను ప్రశాంతంగా, పారదర్శకంగా నిర్వహించేందుకు రాజకీయ పార్టీలు, అధికారులు సహకరించాలని రిటర్నింగ్ అధికారి కే. వెంకట్ రెడ్డి సూచించారు. ఉదయగిరి ఎంపీడీవో కార్యాలయంలో రాజకీయ పార్టీల నాయకులు, అధికారులతో సమావేశం నిర్వహించారు. ఎన్నికల ప్రవర్తనా నియమావళిని తప్పనిసరిగా పాటించాలని స్పష్టం చేశారు. ఎన్నికల నిర్వహణలో తీసుకోవాల్సిన జాగ్రత్తలు, అధికారుల పర్యవేక్షణ, నిబంధనల అమలుపై అవగాహన కల్పించారు.

Local· 3m ago

ఐదు మండలాలకు సీపీఎం అభ్యర్థులు ఖరారు

అల్లూరి జిల్లాలో ఐదు మండలాలకు CPM పార్టీ జడ్పీటీసీ అభ్యర్థులను ఖరారు చేసింది. అరకులోయకు గెమ్మెలి చినబాబు, అనంతగిరికి దీసరి దేముడమ్మ, డుంబ్రిగుడకు సోనబారికి పోతురాజు, ముంచింగిపుట్టుకు కొర్రా త్రినాధ్‌ను ఎంపిక చేసింది. పాడేరు నియోజకవర్గంలోని జీకే వీధి మండలానికి అంపరంగి బుజ్జిబాబును అభ్యర్థిగా ప్రకటించింది. ఎన్నికల బరిలో పార్టీ తరఫున వీరు పోటీ చేయనున్నారు.

Local· 14m ago

రాయిమామిడి బ్రిడ్జికి ముప్పు.. రాకపోకలకు ప్రమాదం

అల్లూరి సీతారామరాజు జిల్లా పెదబయలు మండలం గోమంగి పంచాయతీలో రాయిమామిడి నుంచి గుల్లెలు గ్రామానికి వెళ్లే ప్రధాన రహదారిపై ఉన్న మాత్యగడ్డ కాజ్‌వే బ్రిడ్జి ప్రమాదకరంగా మారింది. బ్రిడ్జి ఒకవైపు అంచు కోతకు గురై మట్టి, బండరాళ్లు కొట్టుకుపోయాయి. ఈ మార్గంలో జీపులు, ద్విచక్ర వాహనాలు, పాదచారులు నిత్యం రాకపోకలు సాగిస్తుండటంతో ప్రమాద భయం నెలకొంది. అధికారులు స్పందించి మరమ్మతులు చేపట్టాలని స్థానికులు కోరుతున్నారు.

▶

Local· 16m ago

నామినేషన్లపై ఉద్రిక్తత.. YCP ఆరోపణలు

కర్నూలు జిల్లా ఆలూరులో స్థానిక సంస్థల ఎన్నికల నామినేషన్ల సందర్భంగా ఉద్రిక్తత చోటుచేసుకుంది. ఆలూరు-3 వైసీపీ MPTC అభ్యర్థిని నామినేషన్ వేసేందుకు వెళ్లగా ఎస్సై మన్మధ విజయ్ అడ్డుకుని ఈడ్చుకెళ్లారని YCP నాయకులు ఆరోపించారు. మహిళలను సైతం పక్కకు నెట్టారని పేర్కొన్నారు. అభ్యర్థులకు రక్షణ కల్పించి, స్వేచ్ఛగా నామినేషన్లు వేసేలా చూడాలని డిమాండ్ చేశారు.