రోబో డ్యాన్స్‌తో షాప్ ఓపెనింగ్ వైరల్

By Eluri Nani· 1d ago· Instagram

మధ్యప్రదేశ్‌.. ఉజ్జయినిలో ఓ సాండ్‌విచ్ షాప్ ప్రారంభోత్సవానికి రోబోను ముఖ్య అతిథిగా ఆహ్వానించారు. ఈ రోబో విలువ 12 లక్షల రూపాయలు. షాప్ ప్రారంభ కార్యక్రమంలో రోబో.. అతిథులను స్వాగతించింది. రిబ్బన్ కటింగ్‌లో పాల్గొంది. తర్వాత డ్యాన్స్ చేసి అందరినీ ఆకట్టుకుంది. రోబోతో ఫొటోలు తీసుకునేందుకు ప్రజలు ఆసక్తి చూపించారు. సాధారణంగా ప్రముఖులను ఆహ్వానించే ప్రారంభోత్సవాలకు భిన్నంగా ఈ కార్యక్రమం జరిగింది. దీంతో ఈ ఘటన అందరి దృష్టినీ ఆకర్షించింది. కార్యక్రమ <a href="https://www.instagram.com/reels/Dcf9uIwvoee/">వీడియో</a> సోషల్ మీడియాలో వైరల్‌ అయ్యింది.

More in Viral

Viral· 8h ago

బార్బెక్యూ గొడవ.. కెనడాలో భారతీయ మహిళ అరెస్ట్

కెనడాలోని సరే ప్రాంతంలో ఇండియన్ ఆరిజిన్‌కు చెందిన మహిళ, తన టెనెంట్‌తో జరిగిన గొడవతో వార్తల్లోకి వచ్చారు. బార్బెక్యూ గ్రిల్ విషయంలో మొదలైన ఇష్యూ కాస్తా పెద్ద గొడవగా మారింది. టెనెంట్ షేర్ చేసిన వీడియోల్లో మహిళ ఇంట్లోకి రావడం, <a href="https://x.com/NCMIndiaa/status/2098279583623888921">అతడితో గొడవకు దిగడం,</a> రాళ్లు విసరడం వంటి విజువల్స్ కనిపించాయి. ఈ వీడియోలు వైరల్ కావడంతో పోలీసులు ఆ మహిళను అదుపులోకి తీసుకున్నారు.

▶

Viral· 16h ago

టార్గెట్ పవన్ కళ్యాణ్.. అన్వేష్ సెటైర్

యూట్యూబర్ అన్వేష్ మళ్లీ యాక్టివ్ అవుతున్నారు. రోజుకో రకమైన వీడియో సందేశం ఇస్తూ.. తనదైన స్టైల్‌లో సెటైర్లు వేస్తున్నారు. తాజాగా భారత దేశానికి క్యాన్సర్ వచ్చేసిందంటూ.. AP DCM పవన్ కళ్యాణ్‌ని టార్గెట్ చేశారు. వినాయక చవితికి మట్టి విగ్రహాలే వాడాలి అనే సందేశం ఇస్తూనే.. ఇండియా పరిస్థితి దారుణంగా తయారైందనీ, దేశానికి కాలుష్య క్యాన్సర్ పట్టుకుందని చెబుతూ వీడియో చేశారు. తాను రష్యాలో ప్రజలకు మట్టి విగ్రహాలు తయారుచేసి ఇస్తానని మాట ఇచ్చానని అన్వేష్ అన్నారు. ఈ <a href="https://www.instagram.com/p/DdK6qdgTIhG/">వీడియో</a> వైరల్ అవుతోంది.

Viral· 1d ago

Super Marketలో షాపింగ్ చేస్తున్నారా? బిల్‌ చెక్ చేయాల్సిందే!

AP: మచిలీపట్నం సూపర్‌మార్కెట్‌లో జరిగిన ఓ ఘటన నేపథ్యంలో షాపింగ్‌ విషయంలో కస్టమర్లకు <a href="https://x.com/telugodikeka/status/2098256314342523224">ఓ అలర్ట్‌ వైరల్‌ అవుతోంది.</a> షాపింగ్‌ చేసేటప్పుడు బోర్డుపై కనిపించిన రేట్‌ చూసి ఐటమ్స్‌ బుట్టలో వేసుకోవడం, బిల్‌ వచ్చాక చెక్ చేయకుండా పే చేయడం చేస్తుంటాం. ముఖ్యంగా ఎక్కువ ఐటమ్స్‌ కొంటే ధరలు గుర్తుండవు. అందుకే ప్రతి ఐటమ్‌ రేట్‌ను ముందే ఫొటో తీసుకోవడం, బిల్‌ వచ్చిన తర్వాత ఒక్కో ప్రైస్‌ను క్రాస్‌ చెక్‌ చేయడం మంచిది. లేకపోతే దగ్గర్లోని కిరాణా షాపులో ధరలు పోల్చి కొనడం ద్వారా ఖర్చు తగ్గించుకోవచ్చు.

Viral· 1d ago

ఆరావళి పర్వతాలపై విత్తన బంతులు.. మహిళల కృషి!

రాజస్థాన్‌.. రాజ్‌సమంద్ జిల్లాలో పచ్చదనం పెంచేందుకు మహిళల బృందం కొత్త కార్యక్రమం చేపట్టింది. సంప్రదాయ వడిసెల వంటి పరికరాలతో ఆరావళి పర్వతాలపై విత్తన బంతులను విసురుతున్నారు. మొక్కలు నాటేందుకు వీలుకాని దట్టమైన ప్రాంతాల్లో కూడా విత్తనాలు చేరేలా కృషి చేస్తున్నారు. మట్టి, సేంద్రియ ఎరువులతో చేసిన ఈ విత్తన బంతులు.. వర్షాలకు నేలలో కలిసిపోయి మొలకెత్తుతాయి. 8 ఏళ్లుగా ఇలా చేస్తున్నారు. ఇప్పటివరకు 1లక్షా 50వేల విత్తన బంతులను వెదజల్లగా.. ఈ ఏడాది మరో 50 వేల బంతులు విసరాలని లక్ష్యంగా పెట్టుకున్నారు.