ఆలయంలో విగ్రహాల తొలగింపు

గుంటూరు జిల్లా మంగళగిరిలోని శ్రీ లక్ష్మీనరసింహస్వామి దేవస్థానంలో జయవిజయుల విగ్రహాలతో పాటు గరుత్మంతుని విగ్రహాన్ని కూడా తొలగించారు. ఆలయంలో చేపడుతున్న పనుల్లో భాగంగా ఈ విగ్రహాలను తొలగించారు. ఆలయంలో ఎంతో ప్రాధాన్యం ఉన్న విగ్రహాలను తొలగించడంతో భక్తుల్లో ఆసక్తి నెలకొంది. వాటిని తిరిగి ప్రతిష్ఠిస్తారా? ఆలయంలో ఇంకా ఎలాంటి పనులు చేపట్టనున్నారు? అనే విషయాలపై భక్తులు స్పష్టత కోరుతున్నారు. ఈ వ్యవహారంపై ఆలయ అధికారులు వివరాలు వెల్లడించాల్సి ఉంది.