అంబేద్కర్ ఆశయాల సాధనకు కృషి చేయాలి!

By Thukaram Anumula· 6h ago

సంగారెడ్డి జిల్లాలో 70వ ధమ్మచక్క పవత్తన దినోత్సవం జరిగింది. బౌద్ధ ధమ్మ సందేశాన్ని ప్రజల్లోకి తీసుకెళ్లడంతో పాటు డాక్టర్ బాబాసాహెబ్ అంబేడ్కర్ ఆశయాల సాధనే లక్ష్యంగా ఈ కార్యక్రమం నిర్వహించారు. బుద్ధుని బోధించిన ప్రజ్ఞ, శీలం, కరుణ, సమానత్వం, సోదరభావం వంటి విలువలను ఆచరించాలని, కులవివక్ష, మూఢనమ్మకాలకు దూరంగా ఉంటూ విద్య, చైతన్యం, సామాజిక న్యాయం కోసం కృషి చేయాలని బీఎస్పీ అధ్యక్షుడు అనుముల తుకారం, అంబేద్కర్ సంఘ నాయకులు పిలుపునిచ్చారు.

More in Local

Local· 4h ago

అట్ల బతుకమ్మ.. జనసేన కార్యాలయంలో సందడి!

కొత్తగూడెం విద్యానగర్ జనసేన కార్యాలయంలో అట్ల బతుకమ్మ సంబరాలు ఘనంగా జరిగాయి. డాక్టర్ జీఎస్సార్ చారిటబుల్ ట్రస్ట్ ఆధ్వర్యంలో, జనసేన రాష్ట్ర ఆర్గనైజింగ్ ప్రతినిధి, పట్టభద్రుల ఎమ్మెల్సీ అభ్యర్థి డాక్టర్ గడల శ్రీనివాసరావు నేతృత్వంలో ఈ వేడుకలు నిర్వహించారు. అట్లు, ప్రసాదాలు నైవేద్యంగా సమర్పించి కుటుంబ సుఖసంతోషాల కోసం ప్రార్థించారు. బతుకమ్మ పాటలు, ఆటలతో సందడి చేశారు. తొమ్మిది రోజుల ఉత్సవాల్లో భాగంగా ఈ కార్యక్రమం జరిగింది.

▶

Local· 4h ago

గోకవరంలో YCP మీటింగ్

తూర్పు గోదావరి జిల్లా గోకవరం మండలం కృష్ణుని పాలెం గ్రామంలో YCP గ్రామ కమిటీ మీటింగ్ నిర్వహించారు. ఈ సమావేశంలో మాజీ మంత్రి, జగ్గంపేట YCP ఇంచార్జ్ తోట నరసింహం పాల్గొని లీడర్లకు పార్టీ ఐడీ కార్డులను పంపిణీ చేశారు. రాబోయే లోకల్ బాడీ ఎలక్షన్స్‌లో కూటమి ప్రభుత్వానికి తగిన బుద్ధి చెబుతామని, పోటీ చేసే అన్ని స్థానాల్లోనూ పార్టీ విజయాన్నే లక్ష్యంగా పెట్టుకుని అందరం కలిసి కట్టుగా పని చేద్దామని పిలుపునిచ్చారు.

Local· 4h ago

కాలుష్య పోరాట యోధులపై రౌడీషీట్లు?

నారాయణపేట జిల్లా మరికల్ పోలీస్ స్టేషన్‌లో చిత్తనూరు ఇథనాల్ కంపెనీ కాలుష్యానికి వ్యతిరేకంగా పోరాడిన బండారి లక్ష్మయ్య (లెక్చరర్), రామచంద్రయ్య, బండారి మల్లేష్ (రైతులు), డి. చంద్రశేఖర్ (రిటైర్డ్ టీచర్) తదితరులపై రౌడీషీట్లు తెరిచి ఇబ్బందులు పెడుతున్నారని ఆరోపణ. హైకోర్టులో రిట్ పిటిషన్ నంబర్ 34669/2026పై విచారణ జరిగింది. జస్టిస్ టి. తుకారాం ఆధ్వర్యంలో జరిగిన విచారణలో సీనియర్ అడ్వకేట్ వి. రఘునాథ్ వాదించారు. పోలీసులు చట్టం ప్రకారమే వ్యవహరించాలని కోరారు.

Local· 4h ago

45 గ్రాముల గంజాయి సీజ్

పెద్దపల్లి జిల్లా ధర్మారం మండలం దొంగతుర్తి విలేజ్ శివారులో గంజాయితో ఉన్న ఒక వ్యక్తిని పోలీసులు పట్టుకున్నారు. రంగంపల్లికి చెందిన సయ్యద్ తాజ్ బాబాను అదుపులోకి తీసుకుని చెక్ చేయగా అతని దగ్గర 45 గ్రాముల గంజాయి దొరికినట్లు SI శ్రీకాంత్ తెలిపారు. గంజాయిని స్వాధీనం చేసుకుని, నిందితుడిపై కేసు ఫైల్ చేసినట్లు చెప్పారు.