రోస్టర్ సవరణ.. OUలో మహాసభ!

By M.Malaji· 2d ago· Nizamabad, Nizamabad South, Nizamabad

జగిత్యాల జిల్లా కోరుట్లలో రోస్టర్ సవరణ సాధన మహాసభ పోస్టర్ ఆవిష్కరణ జరిగింది. అంబేడ్కర్ విగ్రహం వద్ద మాల స్టూడెంట్ JAC చైర్మన్ మాదాసు రాహుల్ రావు పోస్టర్ విడుదల చేశారు. మాలలకు న్యాయం చేయాలని మాల సంఘాల ప్రతినిధులు డిమాండ్ చేశారు. ప్రభుత్వం వెంటనే స్పందించి రోస్టర్ సవరణ చేయాలని కోరారు. వచ్చే నెల 4న హైదరాబాద్ OUలో ఉదయం 10 గంటలకు భారీ బహిరంగ సభ నిర్వహిస్తున్నారు. ఈ కార్యక్రమంలో రాష్ట్ర నాయకులు బలిజ రాజారెడ్డి, భక్తుల రమేష్, పండుగ భాను, బత్తుల దిలీప్, దాసరి రవి తదితరులు పాల్గొన్నారు.

More in Local

Local· 1m ago

ఉపాధి హామీ పథకంపై అవేర్‌నెస్ మీటింగ్

నిర్మల్ జిల్లా ముధోల్ మండలం ఆష్ఠ గ్రామంలో గాంధీ జయంతిని పురస్కరించుకుని VB-G RAM G act (ఉపాధి హామీ పథకం)పై అవగాహన సదస్సు నిర్వహించారు. ఈ సందర్భంగా TA యోగేష్ మాట్లాడుతూ.. నీటిని కాపాడుకోవడం ప్రతి ఒక్కరి బాధ్యత అని తెలిపారు. చెట్లను రక్షించడం ద్వారా మనతో పాటు భవిష్యత్ తరాలను కూడా కాపాడినట్లవుతుందని చెప్పారు. సర్పంచ్ రావుల లావణ్య శ్రీనివాస్ మాట్లాడుతూ.. పార్టీలకు అతీతంగా అర్హులైన ప్రతి ఒక్కరికీ ప్రభుత్వ పథకాలు అందేలా కృషి చేస్తామని తెలిపారు.

Local· 3m ago

వైసీపీలో చేరిన రేగాటి అనిల్‌రెడ్డి

నంద్యాల జిల్లాలో తెలుగుదేశం పార్టీకి చెందిన సీనియర్ నాయకుడు మునిశేషి రెడ్డి మనవడు, యువ నాయకుడు రేగాటి అనిల్‌రెడ్డి తన అనుచరులతో కలిసి వైఎస్సార్ కాంగ్రెస్ పార్టీలో చేరారు. నంద్యాల మాజీ MLA శిల్పా రవిచంద్రకిశోర్‌రెడ్డి సమక్షంలో జరిగిన కార్యక్రమంలో సుమారు 500 మంది అనుచరులు వైసీపీ కండువాలు కప్పుకున్నారు. ఆయన చేరిక పార్టీకి కొత్త ఉత్సాహం ఇస్తుందని చెప్పారు. యువతను రాజకీయంగా ముందుకు తీసుకురావడమే లక్ష్యంగా వైఎస్సార్‌సీపీ పనిచేస్తోందని పేర్కొన్నారు.

Local· 20m ago

గాంధీజీ ఆశయాలే సమాజానికి మార్గదర్శకం: శ్రీనివాసరావు

గుంటూరు జిల్లా మంగళగిరి నియోజకవర్గ టీడీపీ కార్యాలయం డా. ఎంఎస్ఎస్ భవన్‌లో గాంధీ జయంతి వేడుకలు నిర్వహించారు. ఈ సందర్భంగా గాంధీజీ చిత్రపటానికి మండల టీడీపీ అధ్యక్షులు పల్లబోతుల శ్రీనివాసరావు, ఇతర నాయకులు పూలమాలలు వేసి నివాళులు అర్పించారు. గాంధీజీ ఆశయాలే సమాజానికి మార్గదర్శకమని శ్రీనివాసరావు తెలిపారు. సత్యం, అహింస, శాంతి మార్గాలను గాంధీజీ ప్రపంచానికి చాటిచెప్పారని చెప్పారు. స్వాతంత్ర్య ఉద్యమంలో ఆయన చేసిన సేవలను స్మరించుకున్నారు.

Local· 22m ago

పెదవడ్లపూడిలో గాంధీ జయంతి సెలబ్రేషన్స్

గుంటూరు జిల్లా మంగళగిరి మండలం పెదవడ్లపూడి మండల పరిషత్ మోడల్ ప్రాథమిక పాఠశాల ఆవరణలో యోగా మిత్ర బృందం ఆధ్వర్యంలో మహాత్మా గాంధీ జయంతి వేడుకలు నిర్వహించారు. ఈ సందర్భంగా గాంధీజీ చిత్రపటానికి గ్రామ మాజీ సర్పంచ్ చంద్రశేఖర్, గ్రామ ప్రముఖులు, యోగా సాధకులు పూలమాలలు వేసి నివాళులు అర్పించారు. గాంధీజీ ఆశయాలను భావితరాలు ఆదర్శంగా తీసుకోవాలని చంద్రశేఖర్ సూచించారు. అనంతరం యోగాలో ప్రతిభ కనబరిచిన బాలయోగ సాధకురాలు గోమిని సాయిని సత్కరించి నగదు బహుమతి అందజేశారు.