"జీతాలెక్కడ?".. భగ్గుమన్న మున్సిపల్ కార్మికులు

By Krishna· 1h ago· X

TG: వికారాబాద్ మున్సిపల్ కార్మికులు తమకు 3 నెలలుగా జీతాలు ఇవ్వట్లేదని నిరసిస్తూ ధర్నా, ర్యాలీ చేపట్టారు. ఇందులో BRS నాయకులు, అడ్వకేట్ చైతన్య కిరణ్ పాల్గొన్నారు. స్పీకర్ ప్రాతినిధ్యం వహిస్తున్న నియోజకవర్గంలో, ఆయన కూతురు చైర్మన్‌గా ఉన్న వికారాబాద్‌లో తాము జీతాల కోసం రోడ్డెక్కాల్సి వస్తోందని బాధితులు ఆవేదన వ్యక్తం చేస్తున్నారు. ప్రజల ఆరోగ్యం కోసం శ్రమిస్తున్న తమ పెండింగ్ జీతాలను వెంటనే చెల్లించాలని డిమాండ్ చేశారు. కార్మికుల న్యాయమైన పోరాటానికి BRS పూర్తి మద్దతు ఇస్తుందని చైతన్య కిరణ్ అన్నారు.

More in TG

TG· 25m ago

48 కిలోల బంగారు గణేశుడు.. అదిరిపోయే లుక్!

TG: హైదరాబాద్‌ నగరం బేగంబజార్‌లోని ఫీల్డ్‌ఖానాలో ఏర్పాటు చేసిన 48 కిలోల గణేశ విగ్రహం ప్రత్యేక ఆకర్షణగా నిలిచింది. 24 క్యారెట్ల బంగారు పూతతోపాటు 3.8 లక్షలకు పైగా అమెరికన్ వజ్రాలతో ఈ విగ్రహాన్ని అలంకరించారు. ఎనిమిది మంది నిపుణులైన కళాకారులు 8 నెలల పాటు శ్రమించి ఈ విగ్రహాన్ని రూపొందించారు. బంగారు గణనాథుడిని చూసేందుకు భక్తులు, ప్రజలు పెద్ద సంఖ్యలో తరలివస్తున్నారు.

వినాయకుడి వద్దా రాజకీయాలే! పూజ లేకుండానే నిమజ్జనం!

▶

TG· 26m ago

వినాయకుడి వద్దా రాజకీయాలే! పూజ లేకుండానే నిమజ్జనం!

TG: రంగారెడ్డి జిల్లా, షాద్‌నగర్.. పీర్జాపూర్ గ్రామం.. వినాయక చవితి వేడుకల్లో రాజకీయాలు, వర్గ విభేదాలు తలెత్తాయి. ఆంజనేయ స్వామి ఆలయానికి ఒక వర్గం విగ్రహాన్ని తేగా, సర్పంచ్ అధ్వర్యంలోని మరో వర్గం వ్యతిరేకించింది. టెన్షన్ పెరగడంతో పోలీసులు ఎంటరయ్యారు. ఆంజనేయ స్వామి ఆలయంలో విగ్రహం పెట్టొద్దని ఆదేశించారు. విగ్రహాన్ని తెచ్చిన వర్గం తీవ్రంగా ఫీలైంది. దేవుడి విషయంలోనూ పాలిటిక్స్ ఏంటంటూ.. తాము తెచ్చిన గణపతికి ఎలాంటి పూజలూ చేయకుండానే గ్రామ చెరువులో నిమజ్జనం చేసింది.

TG· 39m ago

ఎల్ నినో ఎఫెక్ట్.. ఎండిపోతున్న పంటలు

TG: నల్గొండ జిల్లాలో వర్షాలు లేక పంటలు ఎండిపోతున్నాయి. సెప్టెంబర్‌ నుంచి ‘సూపర్ ఎల్‌నినో’ ప్రభావం ఉండొచ్చని వాతావరణ శాఖ హెచ్చరించింది. జిల్లాలో దాదాపు 80 శాతం పత్తి పంట దెబ్బతినే పరిస్థితి ఉందని అధికారులు చెబుతున్నారు. 30 నుంచి 40 శాతం వరకు వరిపంటకు కూడా నష్టం జరిగే అవకాశం ఉందన్నారు. బోర్లు, భూగర్భజలాలపై ఆధారపడిన రైతులు నీటి కొరతతో ఇబ్బందులు పడుతున్నారు. తక్కువ నీటితో సాగు చేయగల ఆరుతడి పంటలను వేసుకోవాలని అధికారులు రైతులకు సూచించారు.

▶

TG· 39m ago

ప్రజాపాలన గణపయ్య.. బాహుబలిగా CM

TG: వెయ్యి రోజుల ప్రజాపాలన పూర్తైన సందర్భంగా “వినూత్న గణపతి”ని ఏర్పాటు చేశారు కాంగ్రెస్ నేతలు. బాహుబలి స్టైల్‌లో గణపయ్యను రూపొందించారు. CM రేవంత్ రెడ్డి, గణపతిని ఎత్తుకున్నట్లు కనిపించే విగ్రహంతో ప్రత్యేక మండపం నిర్మించారు. కాంగ్రెస్ నేత మెట్టు సాయి కుమార్.. ఈ క్రియేటివిటీ చేశారు. వినాయక చవితి వేడుకల్లో ఈ స్పెషల్ గణేశుడు ఆకట్టుకుంటున్నాడు. ప్రజాపాలన విజయాలను సూచిస్తూ ఈ విగ్రహాన్ని ఏర్పాటు చేశామని సాయి కుమార్ తెలిపారు.