సిఎం బ్లాక్‌మెయిలర్ అంటూ.. కవిత సెటైర్!

By Mahesh· 1d ago· X· TG

TG: తెలంగాణ సీఎం రేవంత్ రెడ్డిపై తెలంగాణ రక్షణ సేన అధ్యక్షురాలు కవిత షాకింగ్ కామెంట్స్ చేశారు. రేవంత్ పేరు చెప్తేనే బ్లాక్‌మెయిలింగ్, దందాలు, కబ్జాలు, బెదిరింపులు గుర్తుకొస్తాయని ఆరోపించారు. అసెంబ్లీని కూడా తన అడ్వర్టైజ్‌మెంట్ కోసం వాడుకుంటున్నారని అన్నారు. RTI చట్టాన్ని అడ్డుపెట్టుకుని బెదిరింపులు, బ్లాక్‌మెయిలింగ్‌తో వేల కోట్లు పోగేశారని ఆరోపించారు. సీఎం మాటలకు, పనులకు అసలు పొంతన లేదన్నారు. రాష్ట్రంలో ‘బ్లాక్‌మెయిలర్ల సంఘం’ ఉంటే.. దానికి రేవంత్ రెడ్డే ప్రెసిడెంట్‌గా ఉండాలని <a href="https://x.com/RaoKavitha/status/2098686008510558262">సెటైర్ వేశారు.</a>

More in TG

TG· 6m ago

భర్త కాదు యముడు.. పెళ్లైన 6 నెలలకే..!

TG: హైదరాబాద్‌.. అల్వాల్ పోలీస్ స్టేషన్ పరిధిలోని సూర్యనగర్‌లో దారుణ ఘటన జరిగింది. భర్తే, భార్యను హత్య చేశాడని తెలిసింది. 6 నెలల కింద పరశురామ్‌, శివానీకి పెళ్లి జరిగింది. గర్భం దాల్చినప్పటి నుంచి ఆమెపై అనుమానం పెంచుకున్నాడు. ఆమె తన వల్ల ప్రెగ్నెంట్ అవ్వలేదని పదే పదే అనుమానిస్తూ.. చివరకు గర్భవతిగా ఉన్న భార్యను గొంతు నులిమి చంపేశాడని తెలిసింది. ఈ ఘటనపై అల్వాల్ పోలీసులు కేసు నమోదు చేసి దర్యాప్తు చేపట్టారు.

TG· 6m ago

LAWCET, PGLCET ఫైనల్ ఫేజ్ షెడ్యూల్‌ విడుదల

TG: Lawcet, PGLCET 2026కు సంబంధించిన ప్రవేశాల ఫైనల్ కౌన్సెలింగ్‌ షెడ్యూల్‌ను కన్వీనర్‌ ప్రొఫెసర్‌ పాండురంగారెడ్డి విడుదల చేశారు. ఆన్‌లైన్‌ రిజిస్ట్రేషన్‌, వెరిఫికేషన్‌ ప్రక్రియ రేపటి నుంచి 17వ తేదీ వరకు, వెబ్‌ ఆప్షన్లు 19–21వ తేదీ వరకు ఉంటాయని చెప్పారు. ఎంపికైన అభ్యర్థుల జాబితాను 25న ప్రకటిస్తామని, కాలేజీల్లో రిపోర్టింగ్‌కు 29వ తేదీ వరకు గడువు ఉంటుందని తెలిపారు.

TG· 45m ago

హాస్పిటల్‌కి వస్తే కొత్త రోగాలు గ్యారంటీ?

TG: హైదరాబాద్ నగరంలోని ఉస్మానియా ఆస్పత్రిలో టాయిలెట్లు శుభ్రంగా లేకపోవడంతో రోగులు, వారి బంధువులు ఇబ్బందులు పడుతున్నారు. టాయిలెట్లలో దుర్వాసన వస్తోందని, లోపలికి వెళ్లాలంటే ముక్కు మూసుకోవాల్సి వస్తోందని అంటున్నారు. ఇలా ఉంటే కొత్త రోగాల బారిన పడతామేమోనని భయంగా ఉందంటున్నారు. టాయిలెట్స్ తలుపులు విరిగిపోయి ఉన్నాయని చెప్తున్నారు. రోగులకు కనీస సౌకర్యాలు అందుబాటులో ఉండాలని కోరుతున్నారు.

TG· 1h ago

"జీతాలెక్కడ?".. భగ్గుమన్న మున్సిపల్ కార్మికులు

TG: వికారాబాద్ మున్సిపల్ కార్మికులు తమకు 3 నెలలుగా జీతాలు ఇవ్వట్లేదని నిరసిస్తూ ధర్నా, ర్యాలీ చేపట్టారు. ఇందులో BRS నాయకులు, అడ్వకేట్ చైతన్య కిరణ్ పాల్గొన్నారు. స్పీకర్ ప్రాతినిధ్యం వహిస్తున్న నియోజకవర్గంలో, ఆయన కూతురు చైర్మన్‌గా ఉన్న వికారాబాద్‌లో తాము జీతాల కోసం రోడ్డెక్కాల్సి వస్తోందని బాధితులు ఆవేదన వ్యక్తం చేస్తున్నారు. ప్రజల ఆరోగ్యం కోసం శ్రమిస్తున్న తమ పెండింగ్ జీతాలను వెంటనే చెల్లించాలని డిమాండ్ చేశారు. కార్మికుల న్యాయమైన పోరాటానికి BRS పూర్తి మద్దతు ఇస్తుందని చైతన్య కిరణ్ అన్నారు.